1 Wakorinto 1:4 - Kivunjo New Testament 1999

⁴ Ngyiana Ruwa mfiri yoose kyipfa kyanyu, kyipfa kya isaṟia lya Ruwa muleenengo kyiiṙi kya Kristo Yesu.

1 Wakorinto 1:4 ပူးပေါင်းရင်းမြစ်များ

Matayo 19:11

Kyaindi oe kawawia, “Chi woose weiṙima iambilyia ṙeṙo-lyi-pfo, sile walya wawaenengye wuiṙimi.

Yohane 10:30

Inyi na Awu lukyeri kyindo kyimwi.”

Yohane 14:14

Mukoterewa kyindo kyoose kyipfa mukyeri wanalosho wako ngyechikyiwuta.”

Yohane 14:16

Na inyi ngyechiterewa Awu, na oe nechimuenenga Mtarami ungyi, kundu nakae na nyoe mṟasa mlungana.

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Mawuto Ga Wasu 21:20

Nawo kyiyeri waleicho wakaṟumisha Ruwa, wakammbia, “Mono-wama oṙu, nuwonyi chandu Wayuda waleiṙikyia Yesu wakyeri shiku shifoi, na woose wawoṙe wunyenyi mnu kyipfa kya uwawaso.

Waroma 1:8

Kuwooka ngyiana Ruwa oko kyiiṙi kya Yesu Kristo kyipfa kyanyu nyoe moose, kyipfa iiṙikyia lyanyu lyiongoyo wuyanenyi koose.

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

1 Wakorinto 1:3

Isaṟia lyikae konyu na ufoṟo uwukyie ko Ruwa Awu oṙu, na ko Mndumii Yesu Kristo.

1 Timoteo 1:14

Na isaṟia lya Mndumii oṙu lyileengyeṟika mnu, hamwi na iiṙikyia na ikunda lyikyeri kyiiṙi kya Kristo Yesu.