1 Wakorinto 1:27 - Kivunjo New Testament 1999

²⁷ Indi Ruwa nalesambuṟa matondo ga wuyana nariise sonu wawoṙe wuṟango. Lyingyi-se Ruwa nalesambuṟa shindo shifofo sha wuyana kundu nariise sonu shilya shiwoṙe pfinya.

1 Wakorinto 1:27 ပူးပေါင်းရင်းမြစ်များ

Matayo 11:25

Kyiyeri kyilya Yesu kagaluo, kagamba, “Ngakuana, Awu, Mndumii o ruwewu na uruka, kyipfa shindo-shi ulekunda ishitambuluya wawoṙe wuṟango-pfo, kyaindi kotambuluya wana watutu.

Matayo 21:16

wakammbia, “Uichuoe chandu iwa waigamba?” Yesu kawawia, “Yee loi. Mulandeicho kye ‘Kui maṙumbu ga wana wanangu na waionga nuleafutsia kyiṟumi?’ ”

Matayo 9:9

Na Yesu kyiyeri aweiṙa awuka pfo nalewona mndu aṙamie handu hesania ukamba mbai ya ipalyipalyi ekyelago Matayo, kammbia, “Ngyiosha.” Kaamka kamwosha.

Luka 21:15

cha kyipfa inyi ngyemuenenga maṙeṙo na wuṟango watuuri wanyu woose walechiiṙima iwingana nawo maa imulega.

Mawuto Ga Wasu 17:18

Na wandu waata wawekyelosha malosho ga Waepikureo na Wastoiko, wakagaluana na oe. Wengyi wakagamba, “Tondo-lyi lyikundi igamba kyi?” Wengyi wakagamba, “Nai cha mndu aionguo mbonyi tsa waruwa wengyi, cha kyipfa naweionguo mbonyi tsa Yesu na iṟutso lya wapfu.”

Mawuto Ga Wasu 7:35

“Mose-cho walemlega, wechigamba, ‘Nyi wui alekuwika uwe ang'anyi na moṙumbuo moondu’, nyi oe aleṙumo nyi Ruwa iwa ang'anyi na mkyiṟa, kui iiṙia malaika ulya alecha na ko Mose kyiiṙi kya moṙo ulya.

Mawuto Ga Wasu 7:54

Kyasia kyiyeri wandu wawei halya mengyenyi waleicho shilya Stefano alegamba, wakawoṙo nyi nyashi mrimenyi, wakasuo mnu kyipfa kyakye.

1 Wakorinto 1:20

Nyi kwi awoṙe wuṟango akyeri? Nyi kwi mlosha o mawawaso akyeri? Nyi kwi moende shigaluano akyeri? Ngyesa Ruwa alegaluo wuṟango wo wuyana iwa wutondo-pfoe?

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

1 Wakorinto 2:12

Kyaindi soe luleambilyia mrima o wuyana-pfo, indi Mumuyo awukyie ko Ruwa, kundu luiṙime imanya shilya Ruwa akusaṟie.

2 Wakorinto 10:10

Kyipfa wekyegamba, paruo tsakye tsingyikari na tsioweshie; indi akyeri amonyi kyimmbiu namfofo, na maṙeṙo gakye chi kyindo-pfo.

2 Wakorinto 4:7

Kyaindi luwoṙe wunjama-wu shindonyi sha teri, kundu pfinya ing'anyi ya wuiṙimi iwe ko Ruwa, maa chi iwuka koṙu-pfo.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”