1 Wakorinto 1:24 - Kivunjo New Testament 1999

²⁴ indi ko walya wekyelago Wayuda na Wakyiṟikyi, nyi Kristo, pfinya na wuṟango wo Ruwa.

1 Wakorinto 1:24 ပူးပေါင်းရင်းမြစ်များ

Luka 11:49

Na kyipfa kya ikyo wuṟango wo Ruwa wulegamba, ‘Ngyeṙuma kowo weonguo shisuku na wasu, nawo wewaaga waata kyiiṙi kyawo na iwafuna,’

Luka 7:35

Na wuṟango wo Ruwa womanyika kye wuwoṙe wuloi ko wana wakye woose.”

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Waroma 1:4

na iṟingyishio kui wuiṙimi iwa Mana o Ruwa, kui mbaṟe ya ngoo ya wuele, kui iṟutso lya wapfu, Yesu Kristo Mndumii oṙu.

Waroma 1:7

ko woose wakyeri Roma, wawakunde nyi Ruwa, walelago wawe wandu wa Ruwa. Isaṟia lyikae konyu na ufoṟo luwukyie ko Ruwa Awu oṙu, na ko Mndumii Yesu Kristo.

Waroma 9:24

Nyi soe-ng'u alelulaga. Chi wandu wai Wayuda tikyi-pfo, indi na wandu walai Wayuda taa.

1 Wakorinto 1:18

Cha kyipfa mbonyi tsa upfu lo Yesu msalabenyi ko walya waiṙeka nyi wutondo, indi soe luikyiṟo luichi kye nyi pfinya ya Ruwa.

1 Wakorinto 1:2

ko siṟi ya Ruwa ikyeri Korinto. Walya wawailyishe kyiiṙi kya Yesu Kristo, wawalage wawe wandu wa Ruwa, hamwi na woose wekyeterewa kui rina lya Mndumii oṙu Yesu Kristo orio handu, Mndumii owo na oṙu.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

1 Wakorinto 1:9

Ruwa nekyeafutsia shilya agamba, ulya alemulaga nyoe mukae handu hamwi na Mono-kye, Yesu Kristo Mndumii oṙu.

Wakolosai 2:3

akyeri kye kyiiṙi kyakye oe shiseyesoe shoose sha wuṟango na imanya shishiṟikye.