1 Wakorinto 1:21 - Kivunjo New Testament 1999

²¹ Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

1 Wakorinto 1:21 ပူးပေါင်းရင်းမြစ်များ

Matayo 11:25

Kyiyeri kyilya Yesu kagaluo, kagamba, “Ngakuana, Awu, Mndumii o ruwewu na uruka, kyipfa shindo-shi ulekunda ishitambuluya wawoṙe wuṟango-pfo, kyaindi kotambuluya wana watutu.

Luka 10:21

Kyiyeri kyilya kyilya Yesu kachihiyo Mumuyonyi Mweele, kagamba, “Ngakuana, Awu, Mndumii o ruwewu na uruka, kyipfa shindo-shi, uleshitambuluya wandu waṟango-pfo indi nuleshitambuluya wana watutu. Yee, loi Awu, kyipfa nyi wuṙo kyilekuchihiya.”

Luka 12:32

“Maa mulaowuoe nyoe poo lyitutu, cha kyipfa Awu onyu nawona nyi kyicha imuenenga Wumangyi wulya.

Yohane 12:31

Wulalu nyi kyiyeri kyeanduya wuyana. Wulalu Satana, mchilyi o wuyana-wu, nechiwiyitso nja.

Waroma 1:28

Na chandu walelega iwika Ruwa ngyuuṟangonyi tsawo, Ruwa nalewaṙa waoshe ngyuuṟango tsawo tsilawoṙe kyiira, wawute shilawaṟi iwuta.

Waroma 11:33

Chandu wunjama na wuṟango na imanya lya Ruwa shikyeri, ianduya lyakye lyekyemanyika-pfo, maa njia tsakye tsechiwa isoruo-soruo-pfo!

1 Wakorinto 1:18

Cha kyipfa mbonyi tsa upfu lo Yesu msalabenyi ko walya waiṙeka nyi wutondo, indi soe luikyiṟo luichi kye nyi pfinya ya Ruwa.

1 Wakorinto 1:23

indi soe luonguo mbonyi tsa Kristo, alekapio msalabenyi. Ko Wayuda nyi kyindo kyeolotsa mndu, na ko wandu walai Wayuda nyi wutondo;

1 Wakorinto 1:24

indi ko walya wekyelago Wayuda na Wakyiṟikyi, nyi Kristo, pfinya na wuṟango wo Ruwa.

1 Wakorinto 1:25

Cha kyipfa wutondo wo Ruwa wuwoṙe wuṟango ngoseṟa ya wulya wo wandu, na wufofo wo Ruwa wuwoṙe pfinya ngoseṟa ya wulya wo wandu.

1 Wakorinto 1:27

Indi Ruwa nalesambuṟa matondo ga wuyana nariise sonu wawoṙe wuṟango. Lyingyi-se Ruwa nalesambuṟa shindo shifofo sha wuyana kundu nariise sonu shilya shiwoṙe pfinya.

1 Wakorinto 11:32

Indi kyiyeri loanduyo, lotoṟisho nyi Mndumii, kundu nyashi ya Ruwa wawaṟi wandu wa wuyana ilacheluolokyia.

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Wakorinto 4:10

Soe luwatondo kyipfa kya Kristo, kyaindi nyoe muwoṙe wuṟango kyiiṙi kya Kristo. Soe luwafofo, kyaindi nyoe muwoṙe pfinya; nyoe muwoṙe kyiṟumi, indi soe luindio-pfo.

1 Wakorinto 6:2

Ang'u muichi kye wandu wa Ruwa wechianduya wandu wa wuyana? Na kokooya wandu wa wuyana wechianduyo nyi nyoe, ngyesa muwaṟi ianduya maa shindo shitutu-pfoe?

Wagalatia 1:15

Kyaindi Ruwa alengyisaanga wookyia wosinyi ko wama oko, kangyilaga kui isaṟia lyakye;

Wagalatia 4:8

Kyaindi kyiyeri kyilya, kyipfa mulaweichi Ruwa, muleṟundia shindo shilakyeri waruwa.

Wafilyipi 1:9

amluloṟe kyiṟika kya kyilya akundi, iṙuana na kyilya akundi kyiiṙi kya icho.

Wafilyipi 3:10

Kundu wulalu, kui njia ya Siṟi, wunyotsu wo Ruwa wukyeri wo mbaṟe tsifoi wumanyikye na ngyuumangyi na wuchilyi wuyanenyi wo Mumuyo,

Wakolosai 1:19

Cha kyipfa kyilechihiṟa iafutsio lya Ruwa lyoose lyikae kyiiṙi kya Kristo.

Waebrania 1:14

Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

Yakobo 5:15

Kokooya wameeku-wo waiṙikyia kye Ruwa neaṙanyia kyiterewo kyawo, ulya aluoe nechikyiṟo. Ruwa nemmbiyiṟia pfinya maa kokooya anyamaṟie nechihooṟio.

Yakobo 5:20

manyenyi kye ulya motarama mṙeko iwuka njienyi ya wuṙetsi, nechikyiṟa mrima okye na upfu, na ishikyia wuingyi wo ngyuunyamaṟi.