1 Wakorinto 1:18 - Kivunjo New Testament 1999

¹⁸ Cha kyipfa mbonyi tsa upfu lo Yesu msalabenyi ko walya waiṙeka nyi wutondo, indi soe luikyiṟo luichi kye nyi pfinya ya Ruwa.

1 Wakorinto 1:18 ပူးပေါင်းရင်းမြစ်များ

Mawuto Ga Wasu 13:41

‘Aṙanyienyi, nyoe mokyemina kyilya Ruwa agambie, ṟiyionyi na ipfa cha kyipfa kyilya ngyiwuta inu nyi kyindo mulechikyiiṙikyia maa kyiyeri mndu amuongoya.’ ”

Mawuto Ga Wasu 17:18

Na wandu waata wawekyelosha malosho ga Waepikureo na Wastoiko, wakagaluana na oe. Wengyi wakagamba, “Tondo-lyi lyikundi igamba kyi?” Wengyi wakagamba, “Nai cha mndu aionguo mbonyi tsa waruwa wengyi, cha kyipfa naweionguo mbonyi tsa Yesu na iṟutso lya wapfu.”

Mawuto Ga Wasu 17:32

Kyasia kyiyeri waleicho mbonyi tsa iṟutso lya wapfu wengyi wakanyeṟe; na wengyi wakagamba, “Lochikuaṙanyia-se lyingyi.”

Mawuto Ga Wasu 2:47

wechiṟumisha Ruwa, na ichihiṟa wandu woose. Mndumii kapfumbutsa siṟi orio mfiri ko walya waweikyiṟo.

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

1 Wakorinto 15:2

na kui yo muikyiṟo; kokooya muiosha mbonyi tsilya ngyilemuongoya; sile kokooya muleiṙikyia kya wulya.

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Wakorinto 2:2

Kyipfa ngyileṙumbuo mrimenyi ngyilamanye kyindo kyoose konyu sile Yesu Kristo, na oe nalekapio msalabenyi.

1 Wakorinto 3:19

Kyipfa wuṟango wo wuyana-wu nyi wutondo mbele ya Ruwa. Cha kyipfa kyikyiṟeie, “Oe nyi oe ekyewaṙa wawoṙe wuṟango ngyeṟonyi tsawo.”

1 Wakorinto 4:10

Soe luwatondo kyipfa kya Kristo, kyaindi nyoe muwoṙe wuṟango kyiiṙi kya Kristo. Soe luwafofo, kyaindi nyoe muwoṙe pfinya; nyoe muwoṙe kyiṟumi, indi soe luindio-pfo.

2 Wakorinto 10:4

(kyipfa shisha sha shiṙa shaṙu chi sha kyiwuyana-pfo, indi shiwoṙe pfinya kyiiṙi kya Ruwa mṟasa iunduo moombo;)

2 Wakorinto 4:3

Kyaindi kookoya Ndumi-i Ngyicha luionguo ikuṟiikyie, yakuṟiika ko iwo waiṙeka;

1 Watesalonikye 1:5

Kye Ndumi Ngyicha lulemuongoya iwekyeri kui maṙeṙo tikyi-pfo, indi na kui pfinya, na Mumuyonyi Mweele, kui iṟingyishia na pata kye ulogo-lu nyi lo loi. Chandu muichi chandu mkaṟo yaṙu iwekyeri konyu, kyipfa kyanyu.

2 Watesalonikye 2:10

Na wulembinyi woose wo wunyamaṟi ko iwo waiṙeka; cha kyipfa waleiṙikyia ikunda loi iya waiṙime ikyiṟo-pfo.

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Waebrania 4:12

Kyipfa Ṙeṙo lya Ruwa lyiwoṙe moo, lyingyi-se lyiwoṙe pfinya; lyingyi-se lyilyiohi kuta ushu loose lo mmbega kuwi; lyingyi-se lyekyekoṟa mṟasa lyikaiṙima iletsana mrima na ngoo, na shiwungo na mafuṙa gakyeri ipfo shiwungonyi; lyingyi-se lyilyianguhu imanya makusaṟo na kyilya mrima ukundi.