1 Wakorinto 1:10 - Kivunjo New Testament 1999

¹⁰ Kyasia wana wa wama wako, ngamuterewa, kui rina lya Mndumii oṙu Yesu Kristo, nyoe muṙeṙe kyindo kyimwi; maa halawaṙe nduutsano, indi muwaṙe makusaṟo gamwi.

1 Wakorinto 1:10 ပူးပေါင်းရင်းမြစ်များ

Matayo 9:16

Kuwoṙe mndu ekyewika kyiṙami kya nguwo ngyihya nguwonyi ngyiku-pfo. Kyipfa ikyo kyihya kyewuta ho ikyo kyiku na handu halya harandukyie hekyeengyeṟa ing'ana.

Mariko 2:21

Kuwoṙe mndu ekyewika kyiṙami kya nguwo ngyihya ikunyenyi lyiku-pfo; kawika kuṙo, kyilya kyihya kyawiko ho kyechinyamaṟa ikunya-lyo lyiku, na halya-ndu harandukyie hekyeengyeṟika.

Mariko 3:24

Na wumangyi wukokuṟiinga wumonyi, wochiiṙima igoṟoka-pfo.

Yohane 10:19

Lyingyi-se kulawaṙe makusaṟo gamwi kyiiṙi kya Wayuda, kyipfa kya mbonyi tsilya Yesu aleonguo.

Yohane 17:23

Inyi ngyiwe kyindo kyimwi nawo, na iyoe uwe kyindo kyimwi na inyi, kundu wawaṙane tapu; na wandu wa wuyana wamanye kye nyi iyoe ulengyiṙuma, kowakunda wo chandu ulengyikunda inyi.

Yohane 7:43

Kyasia wandu waata kyiiṙi kya walya wawesanzie halya wakaṙeṙa Yesu necha, wengyi wakamṙeṙa uwicho.

Yohane 9:16

Kyasia Mafarisayo waata wakagamba, “Mndu-cho awukyie ko Ruwa-pfo, cha kyipfa nekyewuta kyilya kyilawaṟi iwuta mfiri o onyonya.” Wengyi wakagamba, “Mndu mnyamaṟi neiṙima kuṙa iwuta shiṟiyisho cha isho?” Walawaṙe makusaṟo gamwi.

Mawuto Ga Wasu 4:32

Na wandu walya waweiṙikyie Yesu wawekyeri kyindo kyimwi; maa kuwoṙe maa umwi alegamba kye kyindo kyoose awoṙe nyi kyakye amonyi-pfo; indi shindo shoose waleikanana.

Waroma 1:13

Kyaindi wana wa wama wako, ngyikundi muṙe mulamanya kye kafong'ui ngyilekunda icha na konyu; indi maa mṟasa wulalu ngyilalekyio, kundu ngyiiṙime igaluo wandu konyu wagalukyie Kristo taa. Chandu ngyiwoṙe wandu wagalukyie Kristo iwuka ko wandu wa masanga walai wa kunu Roma.

Waroma 12:1

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

Waroma 12:16

Muiṙikyiane shilya mukusurie nyoe wenyi ko wenyi. Maa mulakusurie shindo shing'anyi, indi muiṙikyie iwinisho nyi mbonyi tsifofo. Maa mulakushelyie wuṟango.

Waroma 15:30

Kyasia-ng'u, wana wa wama wako, ngyimuterewa kyipfa kya Mndumii oṙu Yesu Kristo, na kyipfa kya ikunda lyekyeendo nyi Mumuyo, pfuṟukanenyi hamwi na inyi shiterewonyi shanyu kyipfa kyako mbele ya Ruwa.

Waroma 16:17

Wana wa wama wako, ngyimuterewa ambuyenyi walya wawoṙe wuṟiingyi na mbonyi tseolotsa wengyi kui malosho galaṙuṙanyi na shilya mulekulosha. Kushowenyi nawo.

1 Wakorinto 1:11

Cha kyipfa, wana wa wama wako, walya wa kanyi ko Kyiloe wangyiwia kye kuwoṙe wuṟiingyi konyu.

1 Wakorinto 11:18

Cha kyipfa kuwooka kyiyeri mokyesanzia handu hamwi cha siṟi ngyiichuoe kye mukyeri kyindo kyimwi-pfo; na inyi ngyiiṙikyie ikyo piu-pfo;

1 Wakorinto 12:25

kundu mmbiu ulaṙe iwa kyindo kyimwi, indi shiwungo shitaramane, orio kyiwungo na oṙoe.

1 Wakorinto 3:3

cha kyipfa mṟasa wulalu nyoe nyi wandu wa mkaṟo ya kyimmbiu. Kyipfa kokooya konyu kuwoṙe wunyenyi na wuṟiingyi, ngyesa nyoe chi wandu wa mkaṟo ya kyimmbiu-pfoe? Lyingyi-se mokyewuta kui mbaṟe ya kyimndu?

1 Wakorinto 4:16

Kyasia, ngamterewa mungyioshe inyi.

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 13:11

Numa ya iho, wana wa wama, nakonyu. Muafutsie, muwiyiṟio moo. Kusurienyi kyimwi, mukae ufoṟonyi. Na Ruwa o ikunda na ufoṟo nechikaa hamwi na nyoe.

2 Wakorinto 13:9

Kyipfa luchihiyo, kokooya soe lukyeri wafofo, na nyoe muwoṙe pfinya. Lyingyi-se loterewa muwe wandu waafutsie kyiiṙikyia.

2 Wakorinto 5:20

Kyasia soe luiṙeṙa handu ha Kristo, cha ilyi Ruwa naiterewa kui maṙumbu gaṙu, lumuterewa nyoe kyipfa kya Kristo musanzo na Ruwa.

2 Wakorinto 6:1

Na soe lukoṟunda handu hamwi na oe lumuterewa maa mulaambilyie isaṟia lya Ruwa wulya.

Wagalatia 4:12

Wana wa wama wako, ngamterewa, muwe cha inyi, kyipfa inyi nyi cha nyoe. Mulengyilyiia mbaka kyindonyi kyoose-pfo.

Waefeso 1:27

Kyaindi mkaṟo yanyu iwe chandu malosho ga Ndumi Ngyicha ya Kristo gakundi, kundu ngacha na immbona nyoe, maa ngyilakyeri ho, ngyiicho mbonyi tsanyu, kulawoṙe iloloma kye mugoṟokyi Mumuyonyi umwi, kui mrima umwi mochikapania iiṙikyia lya Ndumi Ngyicha;

Waefeso 3:16

Kyaindi luengyeṟe iwuta iṙuana na shilya luleosha mṟasa iho.

1 Watesalonikye 5:13

muwaindie mnu ikundenyi, kyipfa kya maṟunda gawo. Waṙenyi ufoṟo nyoe wenyi ko wenyi.

2 Watesalonikye 2:1

Kyasia, wana wa wama, lumuterewa, ko mbonyi tsa icha lya Mndumii oṙu Yesu Kristo, na ikuumbia lyaṙu mbele yakye,

1 Timoteo 5:21

Ngakuwia mbele ya Ruwa, mbele ya Kristo Yesu, na mbele ya malaika wasambuṟe, uwute isho kulawoṙe ianduya kui iṙimaṙima. Ulawute kyindo kyoose kui ikundia.

2 Timoteo 4:1

Ngyikuwia mbele ya Ruwa na Kristo Yesu, echianduya wai na moo na wapfiie; kui iloṟo lyakye na kui Wumangyi wokye,

1 Petiro 2:11

Wakunde, ngyimuterewa cha wandu waiiṙa na wakyaro, lekanenyi na lango tsa mmbiu tsekyewingana na mrima.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.