1 Timoteo 6:3 - Kivunjo New Testament 1999

³ Uloshe na itutuma shindo-shi. Mndu oose kalosha mbonyi tsingyi, alaiṙikyie mbonyi tsiwoṙe moo o Mndumii oṙu Yesu Kristo, maa malosho galaṙuṙanyi na iowuo na ikunda Ruwa,

1 Timoteo 6:3 ပူးပေါင်းရင်းမြစ်များ

Matayo 22:21

Wakammbia, “Nyi ya Kaisari.” Kawawia, “Kyasia, enengyenyi Kaisari shikyeri sha Kaisari, na Ruwa shikyeri sha Ruwa.”

Matayo 28:20

na iwalosha iosha shoose ngyilemmbi nyoe. Na inyi ngyikyeri na nyoe mfiri yoose, mṟasa mafurumionyi ga wuyana.”

Waroma 16:17

Wana wa wama wako, ngyimuterewa ambuyenyi walya wawoṙe wuṟiingyi na mbonyi tseolotsa wengyi kui malosho galaṙuṙanyi na shilya mulekulosha. Kushowenyi nawo.

1 Watesalonikye 4:8

Kyasia ulya ailega, ailega mndu-pfo indi Ruwa, ekyemuenenga nyoe Mumuyo okye Mweele.

1 Timoteo 1:10

Na waṟui, na wekyelaa na wandu wa nguwo tsawo, na wekyeiwa wandu, na wekyeṙeṙa wongo, na wekyelya nyamu kui wongo; na kuwoṙe kyindo kyingyi kyoose kyilaṙuṙanyi na malosho gawoṙe moo.

1 Timoteo 1:3

Ngyilekuterewa ukae Efeso, kyiyeri ngyiweiyenda Makyedonia, kundu uime wandu wengyi walaloshe shindo shingyi.

1 Timoteo 1:6

Wengyi walaichi isho waleosha shindo shiwicho;

2 Timoteo 1:13

Osha necha kui wuragari mbonyi tsiwoṙe moo uletsiicho koko, iiṙikyienyi lya ikunda lyikyeri kyiiri kya Kristo Yesu.

2 Timoteo 4:3

Kyipfa kuicha kyiyeri wechilega malosho gawoṙe moo; indi kui iosha kyilya wakundi wawenyi wepfula walosha wawo wafoi, cha kyipfa wawoṙe maṙwi gesoruo-soruo shindo.

Tito 1:1

Inyi Paulo, mṟundi o Ruwa, na msu o Yesu Kristo; kyipfa kya ionguo iiṙikyia lya wasambuṟe wa Ruwa, na wuṟango wo wuloi wulya wokyeende iowuo na ikunda Ruwa.

Tito 1:9

Iiṙikyia chandu amloshe naiṙime ikarisha wandu kui malosho gawoṙe moo, na iwinga walya wekyekana ulogo-lo.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.