1 Timoteo 4:7 - Kivunjo New Testament 1999

⁷ Indi malosho galaṙuṙanyi na galya ya Ndumi Ngyicha ugalege, na iyoe ukuichiwiṟe iwaṙa iowuo na ikunda Ruwa.

1 Timoteo 4:7 ပူးပေါင်းရင်းမြစ်များ

Mawuto Ga Wasu 24:16

Na inyi ngyekyetambagana iichiwia kyindo-kyi ngyiwaṙe mrima ulawoṙe mti mbele ya Ruwa na mbele ya wandu mfiri yoose.

1 Timoteo 1:4

Walaṙetsie shiyeri shawo mbonyinyi tsa wongo na marinenyi gafoi ga waku wawo, shekyeenenga wandu iwesa shindo shifoi sha wutondo. Shindo-sho shiwoṙe ṙaawa kyindonyi Ruwa aluṟeyeṟie-pfo, kyindo lukyiichi kui iiṙikyia.

1 Timoteo 1:9

Aichi kyindo-kyi kye mawawaso chi galeṙiko kyipfa kya wandu wasumganyi-pfo indi kyipfa kya wanyamaṟi, na walakyeri wayendelyi, na wekyefunja mawawaso ga Ruwa, na walya walekyeindia shindo shiele, na wekyewaaga wafee wawo, na wawaagi.

1 Timoteo 2:10

indi kui mawuto mecha, chandu kyiwaṟi waka wekyeloṟa kye waowuye na ikunda Ruwa.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

1 Timoteo 4:8

Cha kyipfa ikuichiwiṟa iwaṙa pfinya tsa mmbiu kuwoṙe kyiira kyitutu, kyaindi iowuo na ikunda Ruwa shindonyi shoose nyi kyindo kyicha. Kyimwi na igamba, nuwoṙe kyiteṟio kya moo o wulalu, na ulya ochikouipfo mfiri-yo iicha.

1 Timoteo 6:11

Indi iyoe mndu o Ruwa, uṙiche shindo-sho; uoshe wusumganyi, iowuo na ikunda Ruwa, iiṙikyia, ikunda, wusimiri, na wuhoo.

1 Timoteo 6:20

Iyoe Timoteo, ringa kyilya Ruwa alekuṙambika, ukushowe na malosho galaṙuṙanyi na galya ga wandu wekyeindia Ruwa, ga wutondo, na maṙeṙo ga wutondo gekyelago malosho kui wongo;

1 Timoteo 6:3

Uloshe na itutuma shindo-shi. Mndu oose kalosha mbonyi tsingyi, alaiṙikyie mbonyi tsiwoṙe moo o Mndumii oṙu Yesu Kristo, maa malosho galaṙuṙanyi na iowuo na ikunda Ruwa,

1 Timoteo 6:5

Na igaluana lya maṙeṙo lya wandu wanyamaṟikyie mṙoe yawo, walaichi wuloi, kunu wechikusaṟa kye iowuo na ikunda Ruwa nyi njia ya iwona kyiira.

2 Timoteo 2:16

Kaa kuleshi na mbonyi tsilawoṙe kyiira, tsilakyeri tsa mwiṙikyie o india Ruwa; kyipfa wechiengyeṟika ngoseṟa kyiiṙi kya iwuta shiwicho

2 Timoteo 2:23

Kyaindi ulege maṙeṙo gesoruo-soruo ga kyitondo, galawoṙe wuṟango, ochimanya kye gekyeende maluyano.

2 Timoteo 3:12

Yee, na woose wakundi iwaṙa mkaṟo yeowuo na ikunda Ruwa kyiiṙi kya Kristo Yesu wechipfulutso nyashi.

2 Timoteo 3:5

Wawoṙe mbaṟe ya iowuo na ikunda Ruwa, kyaindi wechikana pfinya tsakye. Iwo taa ukushowe nawo.

2 Timoteo 4:4

Nawo wekaa kuleshi walacheicho mbonyi tsa loi, na iindukyia malosho ga wongo.

Tito 1:14

walaaṙanyie malosho ga Kyiyuda, maa mawawaso ga wandu wekyekaa kuleshi na shilya shikyeri sha loi.

Tito 2:12

Nalyo lyilulosha ilega wuwicho na lango tsa kyiwuyana; luiṙime iwaṙa moo na meena, na wusumganyi, na iowuo na ikunda Ruwa, kyiiṙi kya wuyana-wu wo wulalu.

Tito 3:9

Kyaindi kushowe na maṙeṙo ga wutondo, shindo shileambilyio ko waku, shiluyano na ikapana kyipfa kya uwawaso. Kyipfa isho shiwoṙe kyiira-pfo. Lyingyi-se nyi shindo sha wulya.

Waebrania 5:14

Kyaindi kyelya kyikari nyi ko wandu wapfulukyie kyiiṙikyia, walya wekyeiṙima imanya kyicha na kyiwicho.