1 Timoteo 4:3 - Kivunjo New Testament 1999

³ Wechilosha kye wandu walaalyikye ang'u ialyiko, na iwawia walalye shelya shilyiwe, shilya Ruwa aleshigumba, na soe luiṙikyie Yesu imanya wuloi kye luwaṟi iana Ruwa kyiyeri loambilyia shindo-sho.

1 Timoteo 4:3 ပူးပေါင်းရင်းမြစ်များ

Matayo 14:19

Kagamba wuingyi wo wandu waṙamie maṟenyi. Kaira mkate iya itanu na makunga galya gawi, kaambuya wuye ruwewu, kawikyia mboṟa, kafunja mkate iya, kaenengyia wanalosho, wanalosho wakaenengyia wuingyi wulya wo wandu.

Matayo 15:11

“Aṙanyienyi, mumanye. Kyekyefanyiṟa mndu kyimṟumoe chi kyilya kyekyeiṙa na ṙumbunyi-pfo. Indi kyilya kyekyewuka ṙumbunyi ny'kyo kyekyefanyiṟa mndu.”

Matayo 15:36

Kawaṙa mkate iya na shikunga shilya, kaana, kashifunja-funja, kaenengyia wanalosho wakye, nawo wanalosho wakaenenga wuingyi wo wandu.

Luka 24:30

Na kyiyeri aweṙamie nawo echilya, naleira mkate, kauwikyia mboṟa, kaupeṟenguo.

Yohane 6:23

(Kyaindi kukocha ngalawa tsingyi iwuka Tiberia mṟasa kufuhi na handu halya walekowalyiia mkate, kyiyeri Mndumii Yesu aleana).

Mawuto Ga Wasu 27:35

Amgambe kuṙo kaira mkate, kaana Ruwa mbele yawo woose, kaupeṟenguo, kawooka ilya.

Waroma 14:17

Kyipfa Wumangyi wo Ruwa chi ilya maa inyo-pfo, indi nyi wusumganyi na ufoṟo na sia Mumuyonyi Mweele.

Waroma 14:3

Ulya ekyelya alaanduye ulya alailya; kyipfa Ruwa naiṙikyiana na oe.

Waroma 14:6

Ulya mong'anyisa mfiri, nekyeung'anyisa ko Mndumii; na molya, nekyelya ko Mndumii, cha kyipfa naana Ruwa; lyingyi-se, ulya alekyelya ailya ko Mndumii-pfo, na oe taa naiana Ruwa.

1 Wakorinto 6:13

Shelya shiwaṟi ikaa ndewunyi, na ndewu iwaṟi iwaṙa shelya; kyaindi Ruwa nechinyamaṟa shoose shishiwi, ndewu na shelya. Kyaindi mmbiu uwaṟi iwa o wuṟui-pfo indi o iṟundia Mndumii, na nyi Mndumii ekyeembeṟa mmbiu.

1 Wakorinto 7:28

Kyaindi kokooya oalyika onyamaṟa-pfo; maa mana o kyika kaalyiko anyamaṟa-pfo. Kyaindi wandu cha iwo mmbiu yawo yechiwalyisa wukyiwa; na inyi ngyikundi iwashingyia walalye wukyiwa.

1 Wakorinto 8:8

Kyaindi kyelya kyekyeluṙuo mbele ya Ruwa-pfo; kyipfa lulalye losoko kyindo-pfo; maa lukolya loengyeṟio kyindo-pfo.

Wakolosai 2:16

Kyasia, mndu alamuanduye nyoe shelyenyi ang'u shindonyi shenyo, ang'u kyipfa kya mfiri ung'anyi ang'u iiṙa lya mori, ang'u mfiri o onyonya.

Wakolosai 3:17

Na orio kyindo mochiwuta, kui ṙeṙo ang'u kui iṟunda, wutenyi shoose rinenyi lya Mndumii Yesu, mochiana Ruwa Awu kui oe.

1 Timoteo 2:4

ulya akundi wandu woose wakyiṟo, na iiṙima imanya shikyeri sha loi.

1 Timoteo 4:4

Cha kyipfa orio kyindo Ruwa agumbie kyikyicha, maa kuwoṙe kyiwaṟi ilego-pfo, kokooya kyaambilyio kui iana.

1 Timoteo 5:14

Kyasia ngyikundi wakusu, walawaku, waalyiko, wafee wana, wachilyie kanyi kowo; kundu walaenengye mokyituwa ṙaawa lyegamba kye luwoṙe ṙeko.

Waebrania 13:4

Wandu woose wawone kye wolyi nyi kyindo kyicha, na mii ang'u mka alakuwinishe na wandu wengyi; cha kyipfa waṟui Ruwa nechiwaolotsia ngapo.

Waebrania 13:9

Maa mulaṟaisho nyi malosho ga mbaṟe tsingyi, na mayenu; kyipfa nyi kyicha mrima ukarisho kui isaṟia, maa chi kui shelya shilya walya waleyenda nasho walalewona kyiira-pfo.