1 Timoteo 4:12 - Kivunjo New Testament 1999

¹² Mndu oose alamine wundaka wopfo, indi uwaṙe mkaṟo mcha mbele ya walya waiṙikyie Yesu, kyiiṙi kya iṙeṙa na ikundenyi na ufoṟo na mkaṟonyi ulawoṙe ukoe lo wuṟui.

1 Timoteo 4:12 ပူးပေါင်းရင်းမြစ်များ

Tito 2:7

shindonyi shoose, iyoe kumonyi ochiloṟa mfano o mawuto mecha, na maloshonyi gapfo ochiloṟa wuloi na kulawoṙe temo,

2 Timoteo 2:22

Kyaindi ṙicha lango tsa wundakyenyi, undeosha wusumganyi, na iiṙikyia, na ikunda, na ufoṟo, hamwi na walya wekyeindia Mndumii kui mrima mmbaṙami.

2 Timoteo 2:15

Pfuṟukana iloṟa kye numwiṙikyie nyi Ruwa, mṟundi alawoṙe kyitewe kyerigo nyi sonu, na ilosha necha Ndumi Ngyicha.

1 Petiro 5:3

Maa chi cha wandu waikugaluo wandumii shikaṟonyi shawo-pfo, indi kui iloṟa mkaṟo mcha ko poo-lyo.

1 Wakorinto 11:1

Ngyioshenyi chandu na inyi ngyekyeosha Kristo.

1 Watesalonikye 1:6

Na nyoe mukoluosha na iosha Mndumii, momuambilyie Ṙeṙo lya Ruwa kyiiṙi kya ilya wukyiwa, hamwi na sia ya Mumuyo Mweele.

Tito 2:15

Onguo shindo-sho, ikyimbia na iṟoṟoma kui wuchilyi woose; mndu oose alakumine.

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

2 Timoteo 2:7

Manya mnu isho ngyigamba, cha kyipfa Mndumii nekuenenga wuṟango mbonyinyi tsoose.

Yakobo 3:13

Nyi wui awoṙe wuṟango na imanya konyu? Naloṟe maṟunda gakye kui wuyendelyi wokye mcha, wuhoonyi wo wuṟango.

Yakobo 3:17

Kyaindi wuṟango wuwukyie wuye, kya kuwooka wuwucha, ngoseṟa nyi wo ufoṟo, nyi wo wuhoo, wukuṟeyeṟie iaṙanyia maṙeṙo ga wandu, wuichuo isaṟia na ndunda ngyicha, wuwoṙe wuṟiingyi maa wuwoṙe wukulembecheṟi-pfo.

Waefeso 4:8

Naaho-ng'u, wana wa wama, kyindo kyoose kyikyeri kya loi, kyoose kyilai kya sonu, kyoose kyikyeri kya wusumganyi, kyoose kyilawoṙe ukoe, kyoose kyechihiṟa, kyoose kyiwoṙe kyiṟumi kyicha; kokooya kuwoṙe wucha woose, kukowaṙa kyiṟumi kyoose kyicha, kusaṟenyi kyipfa kya shindo sha mbaṟe-yo.

1 Watesalonikye 2:10

Nyoe nyi waṟingyishi, na Ruwa taa, chandu lulekaa konyu nyoe muiṙikyie Yesu, kui wuele, na kui wusumganyi, kulawoṙe igamba kye lowuta kyindo kyiwicho.

1 Timoteo 1:14

Na isaṟia lya Mndumii oṙu lyileengyeṟika mnu, hamwi na iiṙikyia na ikunda lyikyeri kyiiṙi kya Kristo Yesu.