1 Timoteo 3:8 - Kivunjo New Testament 1999

⁸ Na wuṙo mashemasi wawe wandu wawoṙe mkaṟo yechienenga wandu iwaindia. Chi wandu wekyegamba ikyi inu na kyingyi ngama-pfo. Chi wandu wekyenyo mpfinyo mnu-pfo. Chi wandu wawoṙe wulanga wo masaa ga sonu-pfo.

1 Timoteo 3:8 ပူးပေါင်းရင်းမြစ်များ

Waroma 3:13

Uṟoo lowo nyi kyilome kyilakyishikyie, kui ngyuulumi tsawo walewika ngyeṟo wekyeṙeṙa shindo shikyeri cha uṟoi lo njoka.

Waefeso 1:1

Paulo na Timoteo, waṟundi wa Kristo Yesu, lomuṟeia paruo nyoe wandu wa Ruwa moose kyiiṙi kya Kristo Yesu, mukyeri Filyipi, hamwi na maaskofu na mashemasi.

1 Timoteo 3:12

Mashemasi wawe mamii wa mka umwi, wechitoṟisha wana wawo necha, na kanyi kowo.

1 Timoteo 3:2

Kyasia kyiwaṟi askofu nawe mndu alekyegambo kye nawoṙe wuwicho woose, mii o mka umwi, awoṙe meena na wuṟango, mndu muyendelyi, ekyeambilyia wandu, aichi ilosha.

1 Timoteo 3:3

Chi mndu aichiwie wunanzi-pfo, chi mndu ekyekapa wandu-pfo; indi nawe mhoo. Chi mndu mogaluana kui maṙeṙo, maa mndu akundi heleri-pfo.

1 Timoteo 5:23

Wookyia wulalu ulanyo mṟinga tupu-pfo kyaindi nyo mpfinyo kyitutu, kyipfa kya ndewu yapfo, na ndoṟe-tso tsekyekutuura orio kyiyeri.

Tito 1:7

Kyipfa kyiwaṟi askofu nawe nyi mndu alekyegambo kye nawoṙe wuwicho woose. Alawe mndu mokushela, cha kyipfa nyi mndu ekyeringa iṟunda lya Ruwa. Alawe mndu ekyepfula ichihiṟa mrima okye. Alawe mwanguhu ikapo nyi nyashi, alawe mnanzi ang'u mndu moluyana. Alawe mndu awoṙe wulanga wo sonu wo masaa ga sonu.

Tito 2:3

Na wuṙo na wakyeku wawaṙe mkaṟo o wuele. Walawe wandu wekyeiria wandu shindo sha wongo, walawe wandu wekyenyo mpfinyo wufoi, indi wawe wandu wekyelosha shindo shicha.

Yakobo 3:10

Kyiiṙi kya ṙumbu lyilya lyilya kokyewuka mboṟa na seso. Wana wa wama wako, kyiwaṟi mbonyi-tso tsiwe kuṙo-pfo.

1 Petiro 5:2

lyisenyi poo lya Mndumii lyikyeri konyu, na ilyigoṟokyia. Chi kui iitiko-pfo, indi kulawoṙe iitiko, chandu Ruwa akundi, chi kui ikunda iwona heleri tsa sonu-pfo, indi kui ikuwuta nakamwi.