1 Timoteo 3:7 - Kivunjo New Testament 1999

⁷ Lyingyi-se nawaṟi iṟingyishio wucha na wandu walya walakyeri poonyi lya walya waiṙikyie Yesu, kundu alachewuta shindo sha sonu na iwingo nyi Mokyiriinzi.

1 Timoteo 3:7 ပူးပေါင်းရင်းမြစ်များ

Mariko 4:11

Kawawia, “Nyoe muwaenengye imanya kyiṟika kya Wumangyi wo Ruwa, indi ko walya wai nja ya Wumangyi-wo shoose shekyeṟundika kui mfano,

Mawuto Ga Wasu 10:22

Wakagamba, “Mchilyi Korinelyio, mndu ulya msumganyi, aowuye na ikunda Ruwa, awoṙe kyiṟumi kyicha ko isanga lyoose lya Wayuda, nalewio nyi malaika mweele iṙuma wandu kopfo, wakuwie uyende kokye, kundu naicho kyilya okyelosha.”

Mawuto Ga Wasu 22:12

Kyasia mndu umwi, Anania, mndu akundi na iowuo Ruwa kui iosha mawawaso, aleṟingyishio wucha nyi Wayuda woose wawekyekaa pfo,

Mawuto Ga Wasu 6:3

Kyasia, wana wa wama, sambuṟenyi wandu mfungaaṙe kyiiṙi kyanyu, wawaṟingyishie kye wai wecha, waichuo Mumuyo, wawoṙe wuṟango, kundu luwaṙambikye iṟunda-lyi lyeambuya heleri;

1 Wakorinto 10:32

Maa mulatewe Wayuda maa Wakyiṟikyi maa siṟi ya Ruwa wawute kyindo kyiwicho.

1 Wakorinto 5:12

Kyipfa kyingyiwaṟi kuṙa ianduya walya walaiṙikyie Ruwa? Nyoe mokyeanduya walya waiṙikyie Ruwa-pfoe?

2 Wakorinto 6:3

Maa lulawe wandu wetewe wengyi ioloka kyindonyi kyoose, kundu ṙeko lyilawono iṟundenyi lyaṙu.

2 Wakorinto 8:21

lukosonguo ikusaṟa gai mecha, chi mbele ya Mndumii tikyi-pfo, indi na mbele ya wandu.

Wakolosai 4:5

Kaenyi kui wuṟango mbele ya iwo walaiṙikyie Yesu, mochiambuya mndu alaṙetse kyiyeri.

1 Watesalonikye 4:12

kundu muwaṙe mkaṟo ngyicha mbele ya walya walakyeri poonyi lya walya waiṙikyie Yesu, maa mulatengye-tengye mochieṟeṟa.

1 Watesalonikye 5:22

Kushowenyi na wuwicho wa orio mbaṟe.

1 Timoteo 3:6

Maa alawe mndu aleilachika na iosha Yesu mfiri ya kufuhi, alachekushela kaanduyo chandu Mokyiriinzi alekushela kaanduyo.

1 Timoteo 5:14

Kyasia ngyikundi wakusu, walawaku, waalyiko, wafee wana, wachilyie kanyi kowo; kundu walaenengye mokyituwa ṙaawa lyegamba kye luwoṙe ṙeko.

1 Timoteo 6:9

Kyaindi iwo wakundi iwaṙa masaa wekyeoloka shiyeshonyi na mṙegonyi, na langonyi tsingyi tsa maai, tsekyelyisa wukyiwa, tsekyeolotsa wandu wuṙetsinyi na wunyamaṟinyi.

2 Timoteo 2:26

Waiṙime-se iwiyiṟio makusaṟo mecha, na ikuashuo mṙegonyi o Mokyiriinzi, walya waleṙego nyi Mokyiriinzi, mṟasa iwuta shilya akundi.

Tito 2:5

na iwa wandu wawoṙe meena, iṙa wuṟui, wekyeṟunda kanyi kowo, wekyewuta kyilya kyikyicha, iindia wamii wawo; kundu Ṙeṙo lya Ruwa lyilamino.

Tito 2:8

na mbonyi tsiwoṙe moo tsilechiiṙima igambo kye tsiwoṙe tewe, kundu ulya ekyekana narigo nyi sonu, cha kyipfa awoṙe kyindo eiṙima igamba kyipfa kyaṙu-pfo.

3 Yohane 1:12

Demetirio naṟingyishio nyi wandu woose, lyingyi-se na wuloi wulya wumonyi. Na soe taa loṟingyishia, na iyoe nuichi kye wuṟingyishi woṙu nyi loi.