1 Timoteo 2:8 - Kivunjo New Testament 1999

⁸ Kyasia ngyikundi wasoṟo waloshe siṟinyi, wawoṙe mrima ngyiwaṙami. Waire mawoko ilyi waiterewa Ruwa, kulawoṙe ikapo nyi nyashi ang'u igaluana.

1 Timoteo 2:8 ပူးပေါင်းရင်းမြစ်များ

Matayo 21:21

Yesu kagaluo, kawawia, “Ny'kyaloi, ngammbia, mukowaṙa iiṙikyia, mulandewe wandu weilacha-ilacha kyilya moiṙikyia, mochiṟunda chi ilyo lya mfumu tupu-pfo, kyaindi maa mukowia fumvu-lyi, ‘Kuluka, uwiyitso ipalyipalyinyi,’ kyechiṟundika.

Matayo 5:44

Kyaindi inyi ngammbia, kundenyi washituwa wanyu, terewienyi walya waimpfulutsa nyashi;

Matayo 6:12

Uluhooṟie maṙeko gaṙu, chandu na soe lokyehooṟia walya wekyeluṙekyio.

Luka 23:34

Yesu kagamba, “Awu, uwahooṟie, kyipfa waichi kyindo waiwuta-pfo.” Wakagawana nguwo tsakye, wechikapa kuṟu kuha.

Luka 24:50

Kawasongoya mṟasa Betania, kaira mawoko gakye kawawikyia mboṟa.

Yohane 4:21

Yesu kammbia, “Mama, ngyiiṙikyia. Kyiyeri kyiicha mulechiiṙima iindia Ruwa iha fumvunyi, maa kulya Yerusalemu.

Mawuto Ga Wasu 10:2

Mndu aowuye na ikunda Ruwa, oe na wandu woose wa kanyi kokye, na oe nawekyeenengyia shienengo shifoi shesaṟia wandu, na nawekyeterewa Ruwa mfiri yoose.

Mawuto Ga Wasu 10:31

kagamba, ‘Korinelyio, shiterewo shapfo shaaṙanyio na shienengo okyeenengyia shiwonio na pata mbele ya Ruwa.

Mawuto Ga Wasu 10:4

Kamwitukuya mnu, kaowuo, kagamba, “Ny'kyikyi kyacha pfo, Mndumii?” Kammbia, “Ruwa naicho shiterewo shapfo na mawuto gapfo mecha gesaṟia wandu na wulalu naigaluo shilya okyemterewa.

Mawuto Ga Wasu 21:5

Na kyiyeri mfiri mfungaaṙe ilesia lukofuma lukoyenda mṟasa nja ya mṟi, lukopfiria ndi mbai ya ipalyipalyi lukoterewa;

Mawuto Ga Wasu 7:60

Kapfiria ndi, kafiiṟa na ṟui lying'anyi, echigamba, “Mndumii ulawatalyie wunyamaṟi-wu.” Amgambe kuṙo kalekyia moo. Na Saulyi nawewonyi kye iwoogo lyakye nyi necha.

1 Wakorinto 1:2

ko siṟi ya Ruwa ikyeri Korinto. Walya wawailyishe kyiiṙi kya Yesu Kristo, wawalage wawe wandu wa Ruwa, hamwi na woose wekyeterewa kui rina lya Mndumii oṙu Yesu Kristo orio handu, Mndumii owo na oṙu.

1 Wakorinto 7:7

Indi kyindo ngyikundi nyi kye wandu woose wawe chandu inyi ngyikyeri. Kyaindi orio mndu nawoṙe kyienengo kyakye amonyi kyiwukyie ko Ruwa, ichu kuṙi na ichu kuṙi.

2 Wakorinto 2:14

Kyaindi Ruwa naano, ekyeluenenga ichihiyo kyipfa kya wuwinzi kyiiṙi kya Kristo, na iloṟa mpfaamo mcha o ulogo lo Kristo handu hoose kui iṟunda lyaṙu.

Waefeso 1:12

Kyaindi, wana wa wama wako, ngyikundi mumanye kye shindo shoose shilengyiwutikyia nyi kyipfa kya ionguo Ndumi Ngyicha.

1 Watesalonikye 1:8

Kyipfa iwuka konyu Ṙeṙo lya Ruwa lyileṟuma, chi Makyedonia na Akaya tupu-pfo, indi na orio handu iiṙikyia lyanyu muwoṙe ko Ruwa lyileshika; maa kuwoṙe kyimaṙuma soe ionguo kyindo kyoose-pfo.

1 Timoteo 5:14

Kyasia ngyikundi wakusu, walawaku, waalyiko, wafee wana, wachilyie kanyi kowo; kundu walaenengye mokyituwa ṙaawa lyegamba kye luwoṙe ṙeko.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Yakobo 4:8

Tikyirenyi ko Ruwa, na oe netikyira kufuhi na nyoe. Sanjenyi mawoko ganyu kyimṟumoe, nyoe wanyamaṟi, na isanja mrima yanyu nyoe wakulembecheṟi.

1 Petiro 3:7

Nyoe wasoṟo, kaenyi na waka wanyu kui wuṟango, muichi kye mka nyi kyiiya kyifafa; na muwe cha weoṟa hamwi na isaṟia lya moo, kundu iterewa lyanyu lyilashingyio nyi kyindo.