1 Timoteo 2:5 - Kivunjo New Testament 1999

⁵ Cha kyipfa Ruwa nyi umwi, na ulya ekyesanza Ruwa na wandu nyi umwi, mndu ulya ai Kristo Yesu.

1 Timoteo 2:5 ပူးပေါင်းရင်းမြစ်များ

Matayo 1:1

Iga nyigo marina ga waku wa Yesu Kristo awei o kyishari kya Dawidi na Abrahamu.

Matayo 1:23

‘Ambuya, mana mkyega nechiira mana, na oe nechienengo mana o womi; nawo wechimlaga Imanuelyi; ikyo nyi kyimwi na igamba, Ruwa hamwi na soe.’ ”

Luka 14:22

Mṟundi kagamba, ‘Mndumii, isho ogamba shamṟundika. Kyaindi maa wulalu kuwoṙe ṙaawa.’

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Mawuto Ga Wasu 4:12

“Maa kuwoṙe wukyiṟo kui mndu ungyi oose-pfo, cha kyipfa kuwoṙe rina lyingyi kunu wuyanenyi soe wandu luleenengo lyelukyiṟa-pfo.”

Waroma 1:3

Mbonyi tsa Mono-kye alefeo kyisharinyi kya Dawidi,

Waroma 10:12

Cha kyipfa kuwoṙe mbaṟe ingyi ko Myuda na Mkyiṟikyi-pfo, kyipfa oe nyi Mndumii o woose, awoṙe wunjama ko woose wekyemlaga;

1 Wakorinto 8:4

Kyasia ko mbonyi tsa ilya shindo shaṙasio mafano; luichi kye ifano chi kyindo kunu wuyanenyi-pfo, na kye kuwoṙe Ruwa ungyi sile umwi tupu-pfo.

1 Wakorinto 8:6

kyaindi koṙu soe Ruwa nyi umwi tupu, akyeri Awu, ulya shindo shoose shiwukyie kokye, na soe lokyekaa kokye. Kuwoṙe na Mndumii umwi Yesu Kristo, ulya kui oe shindo shoose shilegumbo, na soe lulegumbo kui oe.

Wagalatia 3:20

Kyasia ulya akyeri moṙumo chi moṙumo ko mndu umwi-pfo; indi Ruwa nyi umwi.

Wafilyipi 4:6

Ruwa umwi, na oe nyi Awu o wandu woose, akyeri Mndumii o shoose, ekyeṟunda kyiiṙi kya shoose na akyeri shindonyi shoose.

1 Timoteo 6:13

Ngakuwia mbele ya Ruwa ekyeringa shindo shoose, na mbele ya Kristo Yesu, alegamba iiṙikyia lyakye mbele ya Pontio Pilato,

Waebrania 12:24

na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

Waebrania 8:6

Kyaindi wulalu nawona iṟunda lyicha ngoseṟa, chandu akyeri mndu aṙuṙe ndago ya mma mcha, Ruwa nagambie kye wandu wakye wechiwona shindo shicha kuta isho.

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

1 Yohane 2:1

Wana wako, ngyimuṟeia ishi kundu mulawute sha wunyamaṟi. Na kokooya mndu awuta kya wunyamaṟi luwoṙe Moluterewia ko Awu, Yesu Kristo awoṙe wusumganyi.

Ulogo 1:13

na halya shindonyi ngawona kyindo kyikyeri cha mndu, aṟee mkoṟoṟi ushikyie maṙendenyi gakye, na iinewo mkanda o sahapu maweenyi gakye.