1 Timoteo 2:2 - Kivunjo New Testament 1999

² kyipfa kya wamangyi na wawoṙe wuchilyi, luwe wandu walakyeri ndengyenyi na wawoṙe ufoṟo, kyiiṙi kya iindia Ruwa na wandu woose.

1 Timoteo 2:2 ပူးပေါင်းရင်းမြစ်များ

Luka 1:6

Na woose wewawi wawewoṙe wusumganyi mbele ya Ruwa, wechiosha mawawaso goose ga Mndumii na shilya atutumie kulawoṙe igambo kye wawoṙe kyindo kyoose kyiwicho.

Luka 2:25

Na halya Yerusalemu hawewoṙe mndu ekyelago Simion, na oe nyi mndu msumganyi, akundi na iowuo Ruwa, echiweṙelyia kyiyeri kya Waisiraelyi, iwiyiṟio moo na Mumuyo Mweele nawei na oe.

Mawuto Ga Wasu 10:22

Wakagamba, “Mchilyi Korinelyio, mndu ulya msumganyi, aowuye na ikunda Ruwa, awoṙe kyiṟumi kyicha ko isanga lyoose lya Wayuda, nalewio nyi malaika mweele iṙuma wandu kopfo, wakuwie uyende kokye, kundu naicho kyilya okyelosha.”

Mawuto Ga Wasu 24:16

Na inyi ngyekyetambagana iichiwia kyindo-kyi ngyiwaṙe mrima ulawoṙe mti mbele ya Ruwa na mbele ya wandu mfiri yoose.

Waroma 12:18

Kokooya kyechiwa, ko ura lonyu, mukae ufoṟonyi na wandu woose.

Waefeso 4:8

Naaho-ng'u, wana wa wama, kyindo kyoose kyikyeri kya loi, kyoose kyilai kya sonu, kyoose kyikyeri kya wusumganyi, kyoose kyilawoṙe ukoe, kyoose kyechihiṟa, kyoose kyiwoṙe kyiṟumi kyicha; kokooya kuwoṙe wucha woose, kukowaṙa kyiṟumi kyoose kyicha, kusaṟenyi kyipfa kya shindo sha mbaṟe-yo.

1 Watesalonikye 4:11

Lyingyi-se mutambagane iṙa iṙicha-ṙicha, na iṟunda maṟunda ganyu, na iṟunda kui mawoko ganyu muwenyi, chandu lulemmbia;

Waebrania 12:14

Pfulenyi kui wuragari iwaṙa ufoṟo na wandu woose, na wuele, wulya kulawoṙe mndu echiwona Mndumii alauwoṙe,