1 Timoteo 2:1 - Kivunjo New Testament 1999

¹ Kyasia kyindo kying'anyi kuta shoose nyi iterewiana, iterewa Ruwa shilya lukundi, na iana Ruwa kyipfa kya mboṟa tsakye. Isho shiwutikye kyipfa kya wandu woose;

1 Timoteo 2:1 ပူးပေါင်းရင်းမြစ်များ

Mawuto Ga Wasu 17:30

“Kyasia, kyiyeri kyilya kya kacha kya wutondo Ruwa nalewa cha ilyi alawonyi; indi wulalu naiwia wandu woose wa orio handu waṙumbuye wunyamaṟi.

Waroma 1:8

Kuwooka ngyiana Ruwa oko kyiiṙi kya Yesu Kristo kyipfa kyanyu nyoe moose, kyipfa iiṙikyia lyanyu lyiongoyo wuyanenyi koose.

Waroma 6:17

Kyaindi Ruwa naano, cha kyipfa muwewachilyie nyi wunyamaṟi, indi muleindia kui mrima yanyu mbaṟe iya ya wuṟango wulewiko wumchilyie.

1 Wakorinto 15:3

Cha kyipfa ngyilemuenenga iho mawookyionyi shilya ngyileambilyia inyi ngyimonyi, kye Kristo nalepfa kyipfa kya ngyuunyamaṟi tsaṙu, chandu shiṟeio shiele shagamba.

2 Wakorinto 8:6

Mṟasa lukoikyimbia Tito naafutsie isaṟia-lyi konyu chandu oe alekoalyiwooka.

Wafilyipi 3:13

Kyasia ngyiterewa maa mulapfiiyo nyi mṙoe kyipfa kya ngyuukyiwa tsako kyipfa kyanyu, tsikyeri mng'ano konyu.

Wafilyipi 5:20

na iana Ruwa Awu mfiri yoose kyipfa kya shindo shoose, rinenyi lya Mndumii oṙu Yesu Kristo;

Wafilyipi 6:18

Kui shiterewo shoose mochiterewa orio kyiyeri Mumuyonyi, mochilaa kyiṙombo kyipfa kya kyindo-kyo, mochiterewia wandu wa Ruwa woose;

Waefeso 1:3

Ngyiana Ruwa oko orio kyiyeri ngyekyemukumbuo,

Waefeso 4:6

Maa mulakuwinishe kyipfa kya kyindo kyoose; indi kyiyeri muiterewa Ruwa kyilya mukundi wutenyi kuṙo muwoṙe mrima iwoṙe iana.

1 Watesalonikye 3:12

Mndumii namusongoye nyoe na imuengyeṟia ikunda, nyoe wenyi ko wenyi, na ko wandu woose chandu na soe lumkundi nyoe.

2 Watesalonikye 1:3

Wana wa wama, kyalukooya iana Ruwa mfiri yoose kyipfa kyanyu, chandu kyiwaṟi, cha kyipfa iiṙikyia lyanyu lyiengyeṟika mnu, na ikunda lya orio mndu konyu ko oṙoe lyang'ana.

1 Timoteo 2:4

ulya akundi wandu woose wakyiṟo, na iiṙima imanya shikyeri sha loi.

1 Timoteo 5:5

Kyasia, ulya ai mkusu o loi, namṙe amonyi, icho nakusurie Ruwa, na oe orio mfiri nekyeterewa kyingoto na kyio.

2 Timoteo 2:24

Lyingyi-se kyiwaṟi mṟundi o Mndumii iwa mndu moluyana-pfo; indi iwa muoloru ko wandu woose, eiṙima ilosha, aichi ikarishia;

Tito 2:11

Kyipfa isaṟia lya Ruwa lyekyekyiṟa wandu woose lyamloṟo.

Tito 3:2

Walalahie mndu oose, walaluyane, wawe wandu wekyewuta kyilya kyikyicha, wechiloṟa wuhoo woose ko wandu woose.

Waebrania 6:11

Na soe lukundi orio umwi onyu naṟingyishie wuragari wulya wulya, mṟasa mafurumionyi;

Yakobo 5:16

Tochianenyi ngyuunyamaṟi tsanyu nyoe wenyi ko wenyi, na iterewiana, muiṙime ikyiṟo. Iterewa lya mndu msumganyi lyiwoṙe kyiira mnu.