1 Timoteo 1:9 - Kivunjo New Testament 1999

⁹ Aichi kyindo-kyi kye mawawaso chi galeṙiko kyipfa kya wandu wasumganyi-pfo indi kyipfa kya wanyamaṟi, na walakyeri wayendelyi, na wekyefunja mawawaso ga Ruwa, na walya walekyeindia shindo shiele, na wekyewaaga wafee wawo, na wawaagi.

1 Timoteo 1:9 ပူးပေါင်းရင်းမြစ်များ

Matayo 10:21

Na mongari nechiṟiingyia mono-wamae kundu nawoogo, na awu nechiṟiingyia mana, na wana wechigaluka na iwaaga wafee wawo.

Waroma 1:30

Wekyeiria woṙiawo wongo, wasuuye Ruwa, wawoṙe tiri, wekyekushela, wekyeṙamia kyiṙombo kyeṙeṙa wongo, walekyeindia wafee wawo.

Waroma 4:13

Kyipfa kyaasa kyilya kye nechiwa mokyioṟa o wuyana Abrahamu na kyishari kyakye waleenengo chi kui mawawaso-pfo indi kui wusumganyi waletalyio kui iiṙikyia.

Waroma 5:20

Indi mawawaso galecha kundu ṙeko lyilya lying'ane mnu. Na kyiyeri wunyamaṟi wuleengyeṟika, isaṟia lyiwefoi ngoseṟa;

Waroma 6:14

Kyipfa wunyamaṟi wochimuchilyia nyoe-pfo, cha kyipfa muwachilyie nyi mawawaso-pfo, indi muwachilyie nyi isaṟia.

Wagalatia 3:19

Kyasia uwawaso nyi kyikyi-ng'u? Uwawaso luleṙiko kyipfa kya maṙeko, mṟasa nache icho amwenengye kyaasa-kyo; kyaasa kyileendo nyi malaika kyiyeri Mose alewa mndu Ruwa alemṙuma ko wandu.

Wagalatia 5:18

Kyaindi mukosongoyo nyi Mumuyo, mukyeri wuchilyinyi wo mawawaso-pfo.

Wagalatia 5:21

Wunanzi, ilya na ielewetsa, na shindo shifananyi na isho; kyiiṙi kya isho ngammbia kulawoṙe ikyelyio, chandu ngyilemummbia kye wandu wekyewuta shindo sha mbaṟe-yo wechioṟa Wumangyi wo Ruwa-pfo.

Wagalatia 5:23

wuhoo, iwaṙa meena. Kuwoṙe iwawaso lya mbonyi tsa shindo cha isho-pfo.

2 Watesalonikye 2:8

Iho nyi ho-ndu eloṟo-ng'u ulya alewie Ruwa, ulya Mndumii Yesu emmbaaga kui mṟufui o ṙumbu lyakye, na imrumatsa kui iloṟo lya oe ikaa pfo.

1 Timoteo 4:7

Indi malosho galaṙuṙanyi na galya ya Ndumi Ngyicha ugalege, na iyoe ukuichiwiṟe iwaṙa iowuo na ikunda Ruwa.

1 Timoteo 6:20

Iyoe Timoteo, ringa kyilya Ruwa alekuṙambika, ukushowe na malosho galaṙuṙanyi na galya ga wandu wekyeindia Ruwa, ga wutondo, na maṙeṙo ga wutondo gekyelago malosho kui wongo;

2 Timoteo 2:16

Kaa kuleshi na mbonyi tsilawoṙe kyiira, tsilakyeri tsa mwiṙikyie o india Ruwa; kyipfa wechiengyeṟika ngoseṟa kyiiṙi kya iwuta shiwicho

2 Timoteo 3:2

Kyipfa wandu wechiwa nyi wandu wakukundi wawenyi, wakundi heleri, wekyekuiring'isha, wawoṙe tiri, wekyelahia, walekyeindia wafee wawo, walekyeana, wa kyiwuyana.

Tito 1:10

Cha kyipfa kuwoṙe wandu wafoi walawoṙe wuindi, wawoṙe mbonyi tsa wutondo, walembi, na ngoseṟa Wayuda waiṙikyie Yesu.

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

Tito 1:6

kokooya mndu alalegambo kye nawoṙe wuwicho woose, na oe nyi mii o mka umwi, nawoṙe wana waiṙikyie, walekyegambo kye nyi waṟui ang'u walawoṙe wuindi.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Waebrania 11:31

Kui iiṙikyia Rahabu, iṟai lyilya, alerumara hamwi na walya walenyamaṟa-pfo; cha kyipfa naleambilyia kui ufoṟo walya waleṙumo iowelyia mbonyi tsa uruka.

Waebrania 12:16

Kulawaṙe mndu mṟui maa alaowuye na iindia Ruwa, cha Esau, alekumba kyioṟa kyakye kya mana mmbele kyipfa kya kyelya.

1 Petiro 2:7

Kyasia, iindio-lyi nyi konyu nyoe muiṙikyie. Indi ko walya walaiṙikyie kyikyiṟeie, “Igoe lyilelego nyi wewika numba, lyawa igoe lying'anyi lya ndumbenyi.”

1 Petiro 3:20

wandu walawewoṙe wuindi kyiyeri kya ipfo numa, kyiyeri Ruwa alewaweṙelyia kulawoṙe iwina lyilya Noe aleachikyia safina; safina ileenenga wandu nyanya ikyia iwoogo nyi mṟinga.

1 Petiro 4:18

Na kokooya kyechiwa kyuumu ko mndu msumganyi ikyia, ulya alaowuye na iindia Ruwa na mnyamaṟi nechiwono kwi?

Yuda 1:15

kundu naanduye wandu woose, na itoṟisha woose walaiṙikyie Ruwa, kyipfa kya mawuto gawo goose ga wuṙetsi, walewuta kulawoṙe iowuo na ikunda Ruwa na kyipfa kya maṙeṙo goose malemeri galeṙeṙo nyi iwo wanyamaṟi walekyeindia Ruwa.”

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”

Ulogo 22:15

Ipfo nja kuwoṙe shite, na wasawi, na waṟui, na wawaagi, na iwo wekyeterewa na iindia mafano, na orio mndu akundi wongo na iṙeṙa wongo.