1 Timoteo 1:1 - Kivunjo New Testament 1999

¹ Inyi Paulo, msu o Kristo Yesu, kui iwawaso lya Ruwa Mkyiṟa oṙu na Kristo Yesu, ulya lukuwoṙe na oe tapu;

1 Timoteo 1:1 ပူးပေါင်းရင်းမြစ်များ

Luka 1:47

“Mrima oko ong'anyisa Mndumii, na ngoo yako yachihiyo kyipfa kya Ruwa, Mkyiṟa oko.

Luka 2:11

Kyipfa inu mṟinyi o Dawidi nafeo, kyipfa kyanyu, Mkyiṟa, nyi oe Kristo Mndumii.

Mawuto Ga Wasu 9:15

Kyaindi Mndumii kammbia, “Yenda tupu; cha kyipfa mndu-chu nyi kyindo kyako kyikyisaangye, naonguo mbonyi tsako ko walya walangyiiṙikyie, na ko wamangyi, na ko wandu wa Isiraelyi.

Waroma 1:1

Paruo-i yawuka koko inyi Paulo, mṟundi o Yesu Kristo, alelago nawe msu, na iteseṟo naonguoe Ndumi Ngyicha ya Ruwa;

1 Wakorinto 1:1

Inyi Paulo ngyikyeri msu o Yesu Kristo, chandu Ruwa akundi, ngaṟeia paruo-i na Sositene, mono-wama oṙu,

1 Wakorinto 9:17

Kyipfa ngaṟunda iṟunda-lyi kulawoṙe iitiko ngyiwoṙe wori; indi kokooya nyi kui iitiko, Ruwa nangyisambuṟie ngyiringye iṟunda lyakye.

2 Wakorinto 1:1

Inyi Paulo, ngyikyeri msu o Kristo Yesu chandu Ruwa akundi, na Timoteo mono-wama oṙu; ngaṟeia paruo-i ko siṟi ya Ruwa ikyeri Korinto, hamwi na wandu wa Ruwa woose wakyeri urukyenyi loose lo Akaya.

Wagalatia 1:1

Inyi Paulo, ngaṟeia paruo-i, ngyikyeri msu (chi msu o wandu maa amṙume nyi mndu-pfo, indi amṙume nyi Yesu Kristo, na Ruwa Awu alemṟutsa iwuka ko wapfu),

Wagalatia 1:11

Cha kyipfa, wana wa wama wako, Ndumi-yo Ngyicha ngyilemuongoya, ngyimmbia kye ilewuka ko wandu-pfo.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

1 Timoteo 1:12

Na inyi ngyiana Kristo Yesu Mndumii oṙu, alengyienenga pfinya cha kyipfa alengyiwona kye ngyekyeafutsia shilya ngateṟia, kangyiwika iṟundenyi lyakye.

1 Timoteo 2:3

Ikyi nyi kyindo kyicha, nakyo nyi kyindo kyikyikunde mbele ya Ruwa Mkyiṟa oṙu,

1 Timoteo 2:7

Na inyi kyipfa kya wukyiṟo-wo ngyilewiko ngyiwe moonguo Ṙeṙo lya Ruwa na msu (ngyiṙeṙa loi, ngyiṙeṙa wongo-pfo), mlosha o wandu walaiṙikyie Ruwa iiṙikyienyi na wuloi.

1 Timoteo 4:10

kye lokyekulyisa wukyiwa na itambagana kyipfa kya ikyo, na luwikyie ikusuria lyaṙu ko Ruwa ai na moo, akyeri Mkyiṟa o wandu woose, ngoseṟa o walya waiṙikyie.

Tito 1:3

Kashukuo Ṙeṙo lyakye kui kyiyeri kyakye kyiiṙi kya ulogo lulya ngyileṙambiko inyi kui iwawaso lya Mkyiṟa oṙu Ruwa.

Tito 2:10

Walawe wandu wekyeiwa; indi waafutsie kyilya wateṟia, kundu wachope malosho ga Mkyiṟa oṙu Ruwa shindonyi shoose.

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

Tito 3:4

Kyaindi wucha wo Mkyiṟa oṙu Ruwa, na ikunda lyakye ko wandu, kyiyeri lyileloṟo, nalelukyiṟa.

Tito 3:6

Ulya alelupusia kulawoṙe iehia, kui njia ya Yesu Kristo Mkyiṟa oṙu;

1 Petiro 1:21

Ulya kui oe mowa wandu waiṙikyie Ruwa, alemṟutsa iwuka ko wapfu kamuenenga kyiṟumi; mṟasa iiṙikyia lyanyu na ikusuria lyanyu lyiwe ko Ruwa.

1 Petiro 1:3

Ruwa naṟumisho, Awu o Mndumii oṙu Yesu Kristo, ulya kui isaṟia lyakye alelufee lya kawi kundu luwone ikusuria lyiwoṙe moo kui iṟuka lya Yesu Kristo iwuka ko wapfu.

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.

1 Yohane 4:14

Na soe lowona na iṟingyishia kye Awu naleṙuma Mana iwa Mkyiṟa o wuyana.

Yuda 1:25

icho akyeri Ruwa amonyi kulawoṙe ungyi; Mkyiṟa oṙu kui Yesu Kristo Mndumii oṙu; mng'ano nyi okye, na wuchilyi, na wuiṙimi, na pfinya; wookyia mlungana, na wulalu, mṟasa mlungana. Amen.