1 Petiro 3:4 - Kivunjo New Testament 1999

⁴ Indi lyiwe wucha wo mrimenyi wulekyewono; shindonyi shekuchopa shilekyenyamaṟika; wucha wo mrima o wuhoo na wuramiri, wuwoṙe woguru wung'anyi ushangyunyi lo Ruwa.

1 Petiro 3:4 ပူးပေါင်းရင်းမြစ်များ

Matayo 11:29

Waṙilyienyi iṟunda-lyi ngyimṙambika, mukuloshe koko; kyipfa inyi ngyimhoo na muindi mrimenyi; na nyoe mochiwaṙa ufoṟo mrimenyi konyu.

Matayo 21:5

“Wienyi mṟi o Sion, mangyi opfo naicha na kopfo, namhoo, na oe naṙamie wuye ya nzoi. Na igache lya nzoi, mana o nzoi.”

Matayo 23:26

Iyoe Mfarisayo kyipfupfuṟe. Sanja kyiṙoo kuwooka ipfo kyanumba, kundu na ipfo kyanja kuiṙime iila.

Matayo 5:5

Wagusu iwo wawoṙe wuhoo; kyipfa iwo wechioṟa uruka.

Luka 11:40

Nyoe matondo; icho aleachikyia isho sha nja chi oe aleachikyia isho shikyeri shiṙoonyi na shitelenyi taa-pfoe?

Luka 16:15

Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Waroma 1:23

Wakagaluo kyiṟumi kya Ruwa alekyepfa kui mafano ga mndu, shileye, na ga mando ga saka, na shekyekukuruo na ndewu.

Waroma 2:29

Indi oe nyi Myuda ai Myuda o mrimenyi; na iṙino nyi lya mrima, Mumuyonyi o Ruwa, chi shiṟeionyi-pfo. Uwawaso-lo kyiṟumi kyalo kyilekyewuka ko wandu indi ko Ruwa.

Waroma 6:6

Luichi mbonyi-tsi kye, mkaṟo oṙu o kacha ulekapio msalabenyi hamwi na oe, kundu mmbiu o wunyamaṟi uilachikye lulachilyio-se nyi wunyamaṟi.

Waroma 7:22

Cha kyipfa mrimenyi koko ngyimchihiye kyipfa kya iwawaso lya Ruwa.

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 4:16

Koikyo luiloloma-pfo; indi maa chandu kyanja mmbiu yaṙu iloṟa iuṟa pfinya; mrimenyi koṙu lukokohoka orio mfiri.

Wagalatia 5:23

wuhoo, iwaṙa meena. Kuwoṙe iwawaso lya mbonyi tsa shindo cha isho-pfo.

Wafilyipi 4:2

Kui wuindi woose na wuhoo, kui wusimiri, mochiwanzana ikundenyi;

Wakolosai 3:12

Kyasia, kyipfa mommbe wasambuṟe wa Ruwa, wandu wa Ruwa wakunde, ṟaenyi mrima o isaṟia, mkaṟo mcha, wupfereri, wuhoo, ikarishia.

Wakolosai 3:3

Cha kyipfa mulepfa, na moo onyu umṟikye hamwi na Kristo kyiiṙi kya Ruwa.

1 Watesalonikye 4:11

Lyingyi-se mutambagane iṙa iṙicha-ṙicha, na iṟunda maṟunda ganyu, na iṟunda kui mawoko ganyu muwenyi, chandu lulemmbia;

2 Watesalonikye 3:12

Kyasia luwia iwo na iwatutuma kyiiṙi kya Mndumii Yesu Kristo, waṟunde maṟunda kui wuramiri na ilya kyelya kya msino owo wawenyi.

1 Timoteo 2:2

kyipfa kya wamangyi na wawoṙe wuchilyi, luwe wandu walakyeri ndengyenyi na wawoṙe ufoṟo, kyiiṙi kya iindia Ruwa na wandu woose.

2 Timoteo 2:25

echiikyimbia kui wuoloru iwo waiwingana na oe, kundu kokooya kyaiṙimika, Ruwa nawaenengye iṙumbuya wunyamaṟi na imanya wuloi wo Ndumi Ngyicha.

Tito 3:2

Walalahie mndu oose, walaluyane, wawe wandu wekyewuta kyilya kyikyicha, wechiloṟa wuhoo woose ko wandu woose.

Yakobo 1:21

Koikyo wikyienyi kuleshi ukoe loose na wuwicho wuingyikyie, na iambilyia kui wuhoo Ṙeṙo lyilya lyilewooyo konyu, lyechiiṙima ikyiṟa mrima yanyu.

1 Petiro 1:23

Cha kyipfa muwafee lya kawi; chi kui mbeu yekyenyamaṟika-pfo indi kui iya ilekyenyamaṟika; kui Ṙeṙo lya Ruwa lyiwoṙe moo, lyekyekaa ho mṟasa mlungana.

1 Petiro 3:15

Mukuṟeyeṟe orio mfiri igaluo orio mndu ammbesa mbonyi tsa ikusuria lyikyeri mrimenyi konyu; kyaindi kui wuhoo na wuowu.