1 Petiro 2:9 - Kivunjo New Testament 1999

⁹ Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

1 Petiro 2:9 ပူးပေါင်းရင်းမြစ်များ

Matayo 4:16

Wandu walya wakyeri meemenyi wammbona saa ing'anyi, na walya wakyeri urukyenyi lo kyirinje kya upfu, ngyeela yammboneka kowo.”

Matayo 5:16

Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Luka 1:79

Ilyimikyia wai meemenyi na kyirinjenyi kya upfu, na isongoya maṙende gaṙu kui njia ya ufoṟo.”

Yohane 17:19

Na kyipfa kyawo ngakuṙambika kopfo ngyikuṟundie, kundu nawo wakuṙambikye kopfo wakuṟundie, wailyisho nyi Ṙeṙo lyapfo lyii lya loi.

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”

Mawuto Ga Wasu 26:28

Akyiṟipa kawia Paulo, “Kui maṙeṙo maangu nokusaṟa kye noiṙima ingyigaluo ngyiwe Mkristiano?”

Waroma 9:24

Nyi soe-ng'u alelulaga. Chi wandu wai Wayuda tikyi-pfo, indi na wandu walai Wayuda taa.

1 Wakorinto 3:17

Kokooya mndu anyamaṟa hekalu lya Ruwa, Ruwa nechinyamaṟa mndu-cho. Cha kyipfa hekalu lya Ruwa nyi lyiele, nalyo nyi nyoe.

Wafilyipi 1:14

Nyi oe akyeri mogoṟokyia kyioṟa kyaṙu, kundu naende wukyiṟo wo Wumangyi wokye, wuwe kyiṟumi na mng'ano okye.

Wafilyipi 1:6

Mng'ano o isaṟia lyakye uṟumisho, alelusaṟia kyiiṙi kya icho Mkunde.

Wafilyipi 3:21

Yee, naṟumisho Siṟinyi na kyiiṙi kya Kristo Yesu mṟasa marika goose ga mlungana na mlungana. Amen.

Waefeso 3:14

Ngyiengyeṟa iṙicha, ngyikooye iṟikoso lya moo mhya, ulya Ruwa alengyilagia kyiiṙi kya Kristo Yesu.

Wakolosai 1:13

Na oe nalelukyiṟa iwuka pfinyenyi tsa meema, kalusamiṟa na iluṙuo Wumangyinyi wo Mana o ikunda lyakye;

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.

1 Petiro 2:5

Na nyoe, cha magoe Ruwa agaenengyie moo, muwawikye muwe numba ya Mumuyo, wukohanyi wuele, muwute shiṙaso sha mrima, shichihiṟie Ruwa, kui njia ya Yesu Kristo.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

Ulogo 1:6

na ilugaluo iwa wumangyi na makohanyi wechichilyia na oe na iṟundia Ruwa okye na Awu. Kyiṟumi na mng'ano ukyeri na oe mṟasa mlungana na mlungana. Amen.

Ulogo 20:6

Iwo nyiwo wuṟutsi wo kuwooka. Ai nanga na mweele nyi ulya awoṙe ṙombo wuṟutsinyi wo kuwooka. Iwo upfu lo kawi luwoṙe pfinya yewawutia kyindo-pfo; indi wechiwa makohanyi wa Ruwa na wa Kristo, nawo wechichilyia hamwi na oe maka kyiku.

Ulogo 5:10

Kowagaluo iwa wumangyi na makohanyi ko Ruwa oṙu; nawo waichilyia urukyenyi.”