1 Petiro 2:7 - Kivunjo New Testament 1999

⁷ Kyasia, iindio-lyi nyi konyu nyoe muiṙikyie. Indi ko walya walaiṙikyie kyikyiṟeie, “Igoe lyilelego nyi wewika numba, lyawa igoe lying'anyi lya ndumbenyi.”

1 Petiro 2:7 ပူးပေါင်းရင်းမြစ်များ

Matayo 21:42

Yesu kawawia, “Muichi chandu kyikyeri shiṟeionyi: ‘Igoe walelyilega wewika numba, ilyo lyawa igoe lying'anyi lya ndumbenyi; ṙeṙo-lyi lyiwukyie ko Mndumii, nalyo nyi kyiṟiyisho mesonyi gaṙu?’ ”

Luka 2:32

Ngyeela yelyimika Masanga, na iwa mng'ano o wandu wapfo Isiraelyi.”

Luka 2:34

Simion kawawikyia mboṟa, kawia Maria, wamae, “Ichu nammbikye kyipfa kya ioloka na igoṟoka lya wandu wafoi wakyeri Isiraelyi, na iwa kyindo kya maṟiyisho kyechiṙeṙo uwicho.

Luka 20:17

Kawaitukuya, kagamba, “Kyasia kyindo-kyi kyagamba-kyi chandu kyikyiṟeie, ‘Igoe walelega wewika numba ilyo lyilewa igoe lying'anyi lya ndumbenyi.’ ”

Yohane 4:42

Wakawia mndu mka ulya, “Wulalu loiṙikyia, maa chi kyipfa kya maṙeṙo gapfo tupu-pfo, maa soe loicho luwenyi. Lyingyi-se luichi kye kyaloi ichu nyi oe Mkyiṟa o wuyana.”

Mawuto Ga Wasu 26:19

“Koikyo, mkunde mangyi Akyiṟipa, ngyilelega shindo shilya sha ruwewu ngyileloṟo ngyikyeri cha mndu ailoṙo-pfo,

Waroma 10:21

Indi ko Isiraelyi naigamba, “Kyingoto puti ngyilewaleshia mawoko wandu walawoṙe wuindi na walekyeicho.”

Waroma 15:31

Terewenyi kundu ngyilakapo nyi walya walaiṙikyie Yesu urukyenyi lo Uyuda, na lyingyi-se kundu iṟunda ngyiwoṙe ipfo Yerusalemu lyiiṙikyio nyi wandu wa Ruwa.

2 Wakorinto 2:16

Ko iwo wa kawi mpfaamo o upfu okyeende upfu; ko iwo wa kuwooka mpfaamo o moo okyeende moo. Na oe nyi wui echiiṙima shindo-sho?

Wakolosai 2:10

Na nyoe muafutsie iiṙikyia kyiiṙi kyakye oe akyeri mṙoe o wumangyi woose na wuchilyi.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Waebrania 11:31

Kui iiṙikyia Rahabu, iṟai lyilya, alerumara hamwi na walya walenyamaṟa-pfo; cha kyipfa naleambilyia kui ufoṟo walya waleṙumo iowelyia mbonyi tsa uruka.

Waebrania 4:11

Kyasia, lupfuṟukane iiṙa na kyiiṙi kya sia-yo, kundu kye mndu oose alacheoloka cha wandu-wo walaleindia Ruwa.

1 Petiro 1:8

Na oe mumkundi, maa chandu mulammbonyi; ulya maa chandu mulammbonyi wulalu, mumwiṙikyie; na ichihiyo mnu, kui sia ilekyewono, iwoṙe kyiṟumi.

1 Petiro 2:4

Yendenyi kokye oe, ai igoe lyiwoṙe moo, lyilelego nyi wandu, indi ko Ruwa nyi lyilyisambuṟe, lyiwaṟi iindio.

1 Petiro 2:8

Lyingyi-se, “Ilyi nyi igoe lyeenenga wandu ikapa ṙende, na iṟaṟa lyeolotsa wandu.” Cha kyipfa kui Ṙeṙo lyilya wekyekapa ṙende, walalyiiṙikyie nawo walewiko ho kundu waambilyie shindo sha mbaṟe-yo iyo.