1 Petiro 2:4 - Kivunjo New Testament 1999

⁴ Yendenyi kokye oe, ai igoe lyiwoṙe moo, lyilelego nyi wandu, indi ko Ruwa nyi lyilyisambuṟe, lyiwaṟi iindio.

1 Petiro 2:4 ပူးပေါင်းရင်းမြစ်များ

Matayo 11:28

Nnjonyi na koko, nyoe moose muiwina na muwalemie nyi maṟio, na inyi ngyechimuonyonyisha.

Matayo 12:18

“Ambuya, mṟundi oko ngyilemsambuṟa; mkunde oko, mrima oko umchihiye kyipfa kyakye; ngyechimwenenga pfinya ya Mumuyo oko, na oe nechianduya wandu walaiṙikyie Ruwa.

Matayo 21:42

Yesu kawawia, “Muichi chandu kyikyeri shiṟeionyi: ‘Igoe walelyilega wewika numba, ilyo lyawa igoe lying'anyi lya ndumbenyi; ṙeṙo-lyi lyiwukyie ko Mndumii, nalyo nyi kyiṟiyisho mesonyi gaṙu?’ ”

Yohane 14:19

Hatsugae kyiyeri kyitutu wandu wa wuyana walechingyiwona-se; indi nyoe mungyiwonyi. Na kyipfa inyi ngyiwoṙe moo, maa nyoe mochiwaṙa moo.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 5:26

Kyipfa chandu Awu awoṙe moo o mlungana, na wuṙo aleenenga mana wuiṙimi wo waṙa moo o mlungana.

Yohane 5:40

Maa mukundi icha na koko muwone moo o mlungana-pfo.

Yohane 6:37

Walya Awu angyienenga wechicha na koko; maa kuwoṙe mndu echicha na koko ngyimmbiyitse nja maa ale-pfo.

Yohane 6:57

Chandu Awu ai na moo alengyiṙuma inyi, na inyi ngyiwoṙe moo kyipfa kyakye, na wuṙo taa ulya alya mmbiu oko echiwaṙa moo kyipfa kyako.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

1 Wakorinto 3:11

Kyipfa urende lungyi kuwoṙe mndu eiṙima iluwika, sile nyi lulya lulemmbiko, lukyeri nyi Yesu Kristo-pfo.

Wakolosai 3:4

Ilyi Kristo echiloṟo na pata, akyeri moo oṙu, nyi lyo-ndu na nyoe mochiloṟo hamwi na oe mng'anonyi.

1 Petiro 1:19

indi kui samu ya woguru, cha ya kyiondo kyilawoṙe tewe, ya Kristo.

1 Petiro 1:7

Kundu kye iyesho kui iiṙikyia lyanyu, lyilya lyiwoṙe woguru wung'anyi kuta sahapu yekyenyamaṟika, maa chandu sahapu-yo yekyeyeṟo kui moṙo; muambilyie iṟumisho na kyiṟumi mfiri ulya Yesu Kristo echiloṟo.

1 Petiro 2:7

Kyasia, iindio-lyi nyi konyu nyoe muiṙikyie. Indi ko walya walaiṙikyie kyikyiṟeie, “Igoe lyilelego nyi wewika numba, lyawa igoe lying'anyi lya ndumbenyi.”

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.

2 Petiro 1:4

Lyingyi-se ko isho naleluenenga shaasa shing'anyi mnu, sha woguru, kundu kye kui ikyo muiṙime iwa hamwi na walya wawoṙe mkaṟo o kyiRuwa, mochikyiṟo iwuka wunyamaṟinyi wukyeri wuyanenyi kyipfa kya lango.