1 Petiro 1:3 - Kivunjo New Testament 1999

³ Ruwa naṟumisho, Awu o Mndumii oṙu Yesu Kristo, ulya kui isaṟia lyakye alelufee lya kawi kundu luwone ikusuria lyiwoṙe moo kui iṟuka lya Yesu Kristo iwuka ko wapfu.

1 Petiro 1:3 ပူးပေါင်းရင်းမြစ်များ

Yohane 1:13

Wandu-wa wawafee, chi kui pfinya tsa mndu, maa chi kui ikunda lya mmbiu, maa kui chandu mndu akundi-pfo, indi kui pfinya tsa Ruwa.

Waroma 12:12

Kui ikusuria, mochichihiyo; fowenyi, mochiweṙelyia; kyiiṙi kya iterewa, kyiyeri kyoose.

Waroma 15:13

Kyasia-ng'u Ruwa mokusuria namuichuṟe nyoe sia yoose na ufoṟo iiṙikyienyi, kundu muengyeṟikye mnu iwaṙa ikusuria, pfinyenyi tsa Mumuyo Mweele.

Waroma 4:25

Ulya alewuto kyipfa kya maṙeko gaṙu, na iṟutso kundu luiṙime italyio wusumganyi.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Waroma 8:11

Kyaindi kokooya Mumuyo okye ulya aleṟutsa Yesu ko wapfu nakyeri mrimenyi konyu, ulya aleṟutsa Kristo Yesu ko wapfu naiṟutsa na mmbiu yanyu ikyeri mbaṟenyi ya ipfa, kui Mumuyo okye akyeri mrimenyi konyu.

Waroma 8:24

Cha kyipfa lulekyiṟo kui kyindo kyiweṙelyio, kyilawonio. Indi kyindo kyiweiweṙelyio kyikammboneka, kuwoṙe-se iweṙelyia-pfo. Cha kyipfa nyi wui ekyeweṙelyia kyilya akyiwonyi?

1 Wakorinto 13:13

Kyasia, wulalu hatsugaa iiṙikyia, ikusuria na ikunda; ishi shiṟaaṟu, na kyiiṙi kya isho kying'anyi kuta shoose nyi ikunda.

1 Wakorinto 15:20

Kyaindi wulalu Kristo naṟuka ko wapfu, iloṟa na pata kye na wuṙo Ruwa echiṟutsa walya wapfiie.

2 Wakorinto 1:3

Ruwa naṟumisho, Awu o Mndumii oṙu Yesu Kristo, Awu o isaṟia, Ruwa o iwiyiṟia moo lyoose;

Wagalatia 6:16

Na woose wechiwaṙa mkaṟo iṙuṙanyi na ikyo, ufoṟo lukae kowo na iwoniana wukyiwa, yee ko wandu woose wa Ruwa.

Wafilyipi 1:17

Ruwa o Mndumii oṙu Yesu Kristo, Awu o mng'ano, namuenengye nyoe Mumuyo o wunyotsu na o ishukuyo kui Mumuyo kyiiṙi kya immanya oe.

Wafilyipi 1:3

Ruwa naṟumisho, Awu o Mndumii oṙu Yesu Kristo, aleluwikyia mboṟa kui mboṟa tsoose tsa mrimenyi, wuyanenyi wo mumuyo, kyiiṙi kya Kristo.

Wafilyipi 1:7

Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

Wafilyipi 2:4

Kyaindi Ruwa kyipfa akyeri o isaṟia lying'anyi, kui ikunda lyakye lying'anyi alelukunda;

Wafilyipi 3:20

Kyasia naṟumisho oe ekyeiṙima iṟunda shindo sha maṟiyisho mnu kuta shoose lokyeterewa na ikusaṟa, iṙuana na pfinya iṟunda maṟunda mrimenyi koṙu.

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

1 Watesalonikye 4:13

Kyaindi, wana wa wama, lukundi muṙe mulamanya mbonyi tsa iwo wapfiie-pfo, mulachewuta ho iwihiyo mrimenyi cha wengyi walawoṙe ikusuria.

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

1 Timoteo 1:14

Na isaṟia lya Mndumii oṙu lyileengyeṟika mnu, hamwi na iiṙikyia na ikunda lyikyeri kyiiṙi kya Kristo Yesu.

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

Waebrania 3:6

indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.

Yakobo 1:18

Kui ikunda lyakye amonyi nalelufee kui Ṙeṙo lya loi, luwe cha wana wawagumbe nyi oe.

1 Petiro 1:13

Koikyo kuṟeyeṟenyi na iwaṙa meena; mochiweṙelyia nakamwi isaṟia lyilya mochiwona kyiyeri Yesu Kristo echiloṟo.

1 Petiro 1:21

Ulya kui oe mowa wandu waiṙikyie Ruwa, alemṟutsa iwuka ko wapfu kamuenenga kyiṟumi; mṟasa iiṙikyia lyanyu na ikusuria lyanyu lyiwe ko Ruwa.

1 Petiro 1:23

Cha kyipfa muwafee lya kawi; chi kui mbeu yekyenyamaṟika-pfo indi kui iya ilekyenyamaṟika; kui Ṙeṙo lya Ruwa lyiwoṙe moo, lyekyekaa ho mṟasa mlungana.

1 Petiro 2:2

Chandu wana waionga wakundi maruwa ga wamawo, muwaṟi orio mfiri ilanga kyelya kya mrima kyilakyisanze-sanze na kyindo kyingyi. Mukolya kyelya-kyo kya mrima moching'ana na ikyiṟo,

1 Petiro 3:15

Mukuṟeyeṟe orio mfiri igaluo orio mndu ammbesa mbonyi tsa ikusuria lyikyeri mrimenyi konyu; kyaindi kui wuhoo na wuowu.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.

1 Petiro 3:5

Kyipfa kuṙo nyi wuṙo walekuchopa waka waele wa kacha, walekusuria Ruwa, na iindia wamii wawo.

1 Yohane 2:29

Kokooya momanya kye oe nyi msumganyi, manyenyi kye orio mndu ekyewuta shindo sha wusumganyi namfee nyi oe.

1 Yohane 3:3

Na orio mndu awoṙe ikusuria-lyi kui Kristo nekyekuilyisha, chandu oe akyeri mweele.

1 Yohane 3:9

Orio mndu amfee nyi Ruwa ekyewuta sha wunyamaṟi-pfo, kyipfa kyishari kyakye kyikyeri kokye; maa echiiṙima iwuta sha wunyamaṟi-pfo kyipfa namfee iwuka ko Ruwa.

1 Yohane 4:7

Wakunde lukundane; cha kyipfa ikunda lyiwukyie ko Ruwa, na orio mndu awoṙe ikunda namfee nyi Ruwa; na oe naichi Ruwa.

1 Yohane 5:1

Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.

1 Yohane 5:18

Luichi kye orio mndu amfee nyi Ruwa ekyewuta kyindo kya wunyamaṟi-pfo; indi ulya amfee nyi Ruwa nekyekuṟumaa, maa Satana ekyempaaya-pfo.

1 Yohane 5:4

Cha kyipfa orio mndu amfee nyi Ruwa nekyewinga wuyana; na kunu nyipfo iwinga lyiwingyie wuyana kui iiṙikyia-lyo lyaṙu.