1 Petiro 1:2 - Kivunjo New Testament 1999

² Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.

1 Petiro 1:2 ပူးပေါင်းရင်းမြစ်များ

Matayo 24:22

Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo.

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Mariko 13:20

Na kokooya Mndumii alalefuiṟa mfiri-yo mndu oose awechikyia-pfo; kyaindi kyipfa kya wasambuṟe alewasambuṟa nalefuhiṟa mfiri-yo.

Mariko 13:22

Cha kyipfa kochiwoneka Makristo ga wongo, na weonguo shisuku wa wongo, wechiloṟa shiṟingyishio na maṟiyisho, waiṙime imlemba, kokooya kyaiṙimika, maa iwo wasambuṟe.

Mariko 13:27

Nyilyo echiṙuma malaika na isania wasambuṟe wakye iwuka ngyuura tsoose tsiina tsa wuyana, iwuka ura lo kyishingonyi kya uruka mṟasa matsitsionyi ga ruwewu.”

Luka 18:7

Ngyesa Ruwa, echiwaenenga kyilya kyiwawaṟi wasambuṟe wakye wekyemfiiṟia kyio na kyingoto-pfoe? Ngyesa nechikyelyio iwatarama?

Mawuto Ga Wasu 15:18

Ruwa nagamba, ekyeonguo mbonyi-tsi mṟasa mlungana.’ ”

Mawuto Ga Wasu 2:23

Mndu-chu aleṙiko wuyanenyi chandu Ruwa alekunda amonyi, na chandu Ruwa aweṟeyeṟie wookyia kacha, kamṙambika konyu, nyoe mukomkapia msalabenyi, mukombaaga.

Mawuto Ga Wasu 20:32

“Kyasia, wulalu ngamuṙambika ko Ruwa, na kui ṙeṙo lya isaṟia lyechiiṙima imtarama na imuenenga kyioṟa hamwi na woose wawailyishe mrimenyi kowo.

Waroma 1:5

Icho ai kye kyiiṙi kyakye luleambilyia isaṟia na ndumo kundu masanga goose gaiṙime iindia kui iiṙikyia kyipfa kya rina lyakye.

Waroma 1:7

ko woose wakyeri Roma, wawakunde nyi Ruwa, walelago wawe wandu wa Ruwa. Isaṟia lyikae konyu na ufoṟo luwukyie ko Ruwa Awu oṙu, na ko Mndumii Yesu Kristo.

Waroma 11:2

Ruwa aletsindikyia wandu wakye kuleshi awewaichi wookyia mawookyionyi-pfo. Ang'u muichi kyilya kyileṙeṙo nyi shiṟeio ko mbonyi tsa Elyiya-pfoe? Chandu aishitakyi Waisiraelyi mbele ya Ruwa.

Waroma 11:28

Kyasia ko mbonyi tsa Ndumi Ngyicha walewa washituwa kyipfa kyanyu; indi kyipfa kya isambuṟo walewa nyi wakunde kyipfa kya waku waṙu.

Waroma 15:16

kundu ngiwe mṟundi o Kristo Yesu wandunyi walakyeri Wayuda. Ngyiṟundie Ndumi Ngyicha ya Ruwa iṟunda lya wukohanyi, kundu wandu walakyeri Wayuda wawe kyiano kyechiambilyio, kyikamwilyiṟo nyi Mumuyo Mweele.

Waroma 16:19

Kyipfa wuindi wonyu wuleshika ko wandu woose. Kyasia ngyimchihiye kyipfa kyanyu, kyaindi ngyikundi nyoe muwaṙe wuṟango shindonyi shicha na iwa matondo shindonyi shiwicho.

Waroma 16:26

na pata kui shiṟeio sha weonguo shisuku, kyikamanyika ko masanga goose chandu Ruwa o mlungana alegamba, kundu waindie Iiṙikyia.

Waroma 8:13

Kyipfa kokooya mokaa na moo kui iosha mbonyi tsa mmbiu, mukundi ipfa; indi kokooya mowaaga mawuto ga mmbiu kui Mumuyo, mokaa na moo.

Waroma 8:33

Nyi wui echiṙuo mengyenyi wasambuṟe wa Ruwa? Ruwa nyi oe aiwatalyia wusumganyi.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

1 Wakorinto 6:11

Na waata kyiiṙi kyanyu wawekyeri wandu wa mbaṟe-i; kyaindi mulesanjo, kyaindi muleilyisho, kyaindi muletalo kye muwasumganyi rinenyi lya Mndumii Yesu Kristo, na Mumuyonyi o Ruwa oṙu.

2 Wakorinto 10:5

lochinyamaṟa makusaṟo na orio kyindo kyekyeshingyia, kyekyeshingyia wuṟango wo Ruwa, na lochichilyia orio mndu naiṙime iindia Kristo.

2 Wakorinto 13:14

Isaṟia lya Mndumii Yesu Kristo, na ikunda lya Ruwa, na isanza lya Mumuyo Mweele, lyikae na nyoe moose.

Wakolosai 3:12

Kyasia, kyipfa mommbe wasambuṟe wa Ruwa, wandu wa Ruwa wakunde, ṟaenyi mrima o isaṟia, mkaṟo mcha, wupfereri, wuhoo, ikarishia.

2 Watesalonikye 2:13

Kyaindi kyalukooya soe iana Ruwa mfiri yoose kyipfa kyanyu, wana wa wama mulekundo nyi Mndumii, cha kyipfa Ruwa nalemusambuṟa wookyia mawookyionyi muambilyie wukyiṟo, kyiiṙi kya iilyisho nyi Mumuyo, na iiṙikyia loi;

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

Tito 1:1

Inyi Paulo, mṟundi o Ruwa, na msu o Yesu Kristo; kyipfa kya ionguo iiṙikyia lya wasambuṟe wa Ruwa, na wuṟango wo wuloi wulya wokyeende iowuo na ikunda Ruwa.

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 11:28

Kui iiṙikyia kaachikyia Pasaka, na kulya inyanyatsa samu, kundu ulya morumatsa wana wambele alawapaaye wo.

Waebrania 12:24

na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

1 Petiro 1:14

Cha wana wa wuindi mulakufananyishe na lango tsanyu tsa mawookyionyi, tsa wutondo wonyu;

1 Petiro 1:19

indi kui samu ya woguru, cha ya kyiondo kyilawoṙe tewe, ya Kristo.

1 Petiro 1:20

Na oe nalemanyika loi wookyia mawookyionyi, wuyana wulandegumbo; kyaindi naleloṟo mafurumionyi ga shiyeri kyipfa kyanyu.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

2 Petiro 1:2

Isaṟia lyikae konyu na ufoṟo luengyeṟo kyiiṙi kya imanya Ruwa na Yesu Mndumii oṙu.

2 Yohane 1:1

Inyi meeku, ngyikuṟeia iyoe paruo-i, wama msambuṟe, na wana wakye ngyiwakundi kyiiṙi kya loi; maa chi inyi ngyimonyi-pfo, indi na woose waichi loi iya,

2 Yohane 1:13

Wana wa mono-wama opfo ai msambuṟe, wakuiṟikyiṟa.

Yuda 1:2

Muengeṟio iwonio wukyiwa na ufoṟo na ikunda.