Kitaaba Faaruu Ermiyaasii 4:2 - Kitaaba Woyyuu

² Ijoolleen dhiiraa ta Tsiyoonii kabajjamoonni ta akka worqii qulqullu'uutitti laallama'aa turan; attamitti akka meeshaa faaraa ka namni ogeessi hojjatuu ta'an!

Kitaaba Faaruu Ermiyaasii 4:2 ပူးပေါင်းရင်းမြစ်များ

Raajii Isaayyaasii 30:14

Akka meeshaa faaraa ka caccabe keessaa gadhii ibiddaan hin fuune; akkuma wonti bisaaniin budduruursan hin hafnetti; akka bada'atti caccabanii bututan.

Raajii Ermiyaasii 19:11

Dubbiin Waandhi banii maraa akka isaanitti himuuf na ajaje kana; «Akkuma waabaan faaraa ka cabe kun deebi'ee wol qabatuu hin dandeenne ani banii kanaa fi qachaa tana akkuma kana isaan caccabsa; worri namni isaan jalaa du'e hulee itti awwaalatan waan hin qabneef Toofeetimatti isaan awwaalan.»

2 Gara Ximotewoosii 2:20

Mana guddaa keessa meeshaa mukaatii fi meeshaa faaraa calla uduu hin taane meeshaan worqi'iitii fi ka meeti'iillee hin jira. Gariin ulfinnaaf, gariin salphinnaaf oola.

2 Gara Worra Qorontoosii 4:7

Haa ta'uu ammo guddinna hunna Rabbii irraa malee nu irraa akka hin taane akka beekkamu waan kabajjamaa akka mi'a faaraa taanee galmee kana uf keessatti qabanneerra.

Raajii Zakkaariyaasii 9:13

Yihuudaa akka buundhe'eetitti Israa'eliin ammo akka ebo'ootitti itti fayyadama; Ani ijoollee biyya Giriikii woraanu'uuf ijoollee Tsiyyoonii ta dhiiraa akka guraade'ee godhee isaan erga» jedhe.

Kitaaba Faaruu Ermiyaasii 5:12

Abboonni murti'ii isaan harkatti fannifaman; jaarsonnillee hin kabajjamne.

Raajii Isaayyaasii 51:18

Ka si masakku sirima hin jiru; ijoollee ufii deettee fi ta guddifatte maraa keessaallee harka kee qabee ka si masakku hin argamne.

Kitaaba Faaruu Ermiyaasii 2:21

Karaa maraa keessatti jaarsonninii fi dargaggeeyyiin daaraa keessatti kufan; ka'imman fi dubartoonni guraade'een ajjeefaman; guyyaa lola keetii isaan ajjeefte; uduu garaa hin laafne isaan goorraate.

Raajii Ermiyaasii 22:28

Ani garuu akkana jedheen, «Mootichi Ikooniyaan akka ottee cabdee gatamtee lamuu hin barbaadamnee ta'ee? wonti inninii fi ijoolleen isaa booji'amanii gara biyya isaan hin beennee isaan fidaniif maali'i ree?»

Raajii Ermiyaasii 19:1

Rabbi akkana naan jedhe, «Deemii nama faara dhawu irraa waabaa bitadhu; bani'ii fi worra gadootaa keessaa namoota jajjabaa filadhuu akka si woliin deeman godhi.

Raajii Hose'ee 8:8

Baniin Israa'elii worra Yihuudota hin taane keessatti liqimfamanii akka meeshaa gatii hin qabnee ta'aniiran.