Kitaaba Faaruu Ermiyaasii 2:9 - Kitaaba Woyyuu

⁹ Balballan isi'ii hin awwaalaman; loosaawwan isi'ii ka sibiilaa caccabanii bututan; mootiin isi'iitii fi abboonni isi'ii ka murti'ii orma jiddu'utti baqa irra jiran; ammaa achi barumsi seeraa hin jiraatu; ammaa achi raattonni isi'ii Rabbiin biraa mudhata hin argatan.

Kitaaba Faaruu Ermiyaasii 2:9 ပူးပေါင်းရင်းမြစ်များ

Raajii Hisqeelii 7:26

Balaan tokko balaa biraa fida; oduun tokko oduu biraa fida; isin akka worri raattotaa raaga argan akka isinitti himan isaan barbaadattan; seerri gadoonni banii barsiisan, gorsi manguddoonni banii gorsanillee isaan harkaa bade.

Raajii Hose'ee 3:4

Akkaataa kanaan baniin Israa'elii mootii, bulchaa, ciincaa dhiyeesuu'u, soodduu'u, uffata gadumma'aa uduu hin uffannee fi fakii waaqa tolfama'aa malee baroota hedduuf jiraatan.

Kitaaba Naahimiya'aa 1:3

Isaanillee, «Worri boojuu irraa hafan rakkoo gudda'aa fi miidhama keessa jiran, dalloofni Yerusaalemii diiggameera, balballan isi'iillee ibiddaan gubateera.» naan jedhan.

Kitaaba Seena'aa ka 2ffaa 15:3

Baniin Israa'elii bara hedduuf Waaqa dhuga'aa uduu hin qabaatin seeraa fi gadicha isaan barsiisullee uduu hin qabaatin jiraata'aa turan.

Raajii Ermiyaasii 51:30

Loltoonni Baabiloonii lola dhiisanii kushee ufii keessa taa'an, onneen gootumma'aa isaan keessaa badee akka intalaa ta'an; loosaan karra dallawa qachatti'ii caccabeera; manniin ibiddaan gubataniiran.

Kitaaba Faaru'uu 74:9

Malkanni arginu hin jiru; raanni ammaa achi ka'u tokkollee hin jiru; wonti kun nu biratti haga yoomii akka jiraatu nu keessaa ka beeku hin jiru.

Seera Keessa Deebii 28:36

Rabbi si'i, mootummaa keetii fi abboota tee ta durii gara orma ati hin beennee dabarsee isaan fida; achitti waaqa tolfamaa mukaa fi dhagaa irraa tolfaman waaqeffattan.

Raajii Hisqeelii 17:20

Ani woshaadoo isa qabu isa jalatti badhisee akka inni isaan qabamu godha; inni waan na ganeef ani gara Baabiloonii isa fidee isatti murteessa.

Raajii Hisqeelii 12:13

Ani garuu siiboo kiyya badhisee isa qaba; uduu inni ijaan hin argine gara qachaa Baabiloonii ta inni itti du'uu isa fida.

Kitaaba Faaruu Ermiyaasii 4:20

Hafuurri lubbuu keennaa ka Rabbi dibe; siiboo isaaniitiin qabame; gaaddisa jala worra Yihuudii hin taane keessa jiraanna jennee yaannee turre.

Kitaaba Faaruu Ermiyaasii 4:15

Namoonni, «Deemaa'a! isin worri battooftan» jedhanii isaanitti wocan; «Deemaa'a! deemaa'a! nu hin tuqinaa'a!» isaaniin jedhan; hennaa dheessanii jal jal jedhan; namoonni worra Yihuudii hin taane keessa jiraatan «Ammaa achi as taa'uu isaan hin barbaachisu!» jedhan.

Kitaaba Faaruu Ermiyaasii 1:3

Baay'inna rakko'ootiin dhiitamtee Yihuuda'aan booji'amtee deemte; banii ufii jidduu teette; hulee itti hara baafattu dhabde; uduu hucuucama keessa jirtu worri isii ari'ana maruu isii argatan

Raajii Ermiyaasii 52:14

Loltoonni ajajaa worra balbala eeganii kabajjama'aan masakkaman dallaya Yerusaalemii diigan.

Raajii Ermiyaasii 39:8

Worri Baabiloonii dallawa Yerusaalemii maraa diiganii mana mootumma'aatii fi manniin jireennaa ka bani'ii maraa ibiddaan guban.

Raajii Ermiyaasii 39:2

Sedeqiyaas mooyee woggaa kudha tokkeesso'oo ji'a arfeesso'oo guyyaa sagaleesso'ootitti dalloofni qachatti'ii diiggame.

Raajii Ermiyaasii 14:14

Rabbi akkana jedhee deebise, «Raattonni maqaa kiyyaan soba dubbatan; ani isaan hin ergine; isaanillee hin ajanye; jechuma tokkollee isaanitti hin dubbanne; mudhanni isaan argine jedhan maruu ka ana biraa dhufee miti; raanni isaanii maruu mudhata sobaa, mita, waaqa tolfamaa waaqeffatu'uu fi yaada duwwaa uf keessaa burqisiisan.

Kitaaba Mootota ka 2ffaa 25:7

Seedeeqiyaas uduu ijji isaa argitu ijoolleen isaa qalaman; kanaan maayessa Nabukadanatsoor Seedeeqiyaasiin ija keessaa baasee harka isaa haada sibiilaatiin hidhee gara Baabiloonii fide.

Raajii Ermiyaasii 23:16

Rabbi Gooftaan banii maraa banii Yerusaalemiitiin «Waan raattonni isiniin jedhan hin dhagayinaa'a; isaan abdii sobaatiin isin guutanii wonti isaan isinitti himan waan yaada ufiitiin eebjotan malee dubbii ani isaanitti himee miti.

Raajii Hose'ee 11:6

Eboon diina isaanii qachoota isaanii dhaya; balballan qachootaallee hin caccabsa; gorsa isaanii hamaallee isaan harkaa balleessa.

Raajii Amootsii 1:5

Balbala dallawa qachaa Damaasqo'oo maraa hin caccabsa; banii dhooqa Aawerii keessa jiraatanii fi bulchaa Beeti'eedanii hin balleessa; banii biyya Sooriya'aa booji'anii gara Qiirii fidan.»

Seera Keessa Deebii 28:63

Akkuma Rabbi hennaa waan mishaa isinii godhu, hennaa isin baay'isu gammade sanitti Rabbi hennaa isin balleessuu fi isin diigullee hin gammada; lafa dhaalu'uuf itti galtan san irraallee hin buqqaatan.

Kitaaba Saamu'eelii ka 1ffaa 28:6

Kanaafuu maal godhuu akka isa barbaachisu Rabbiin gaafate; Rabbi ammo eebju'uun yookaan Uuriim yookaan raagaan deebii hin kennineef.

Raajii Isaayyaasii 24:12

Qachattiin sirima diiggamteerti; balballan isi'iillee bututanii kufaniiran.