Kitaaba Iyyaasu'uu 2:1 - Kitaaba Woyyuu

¹ Kanaan maayessa ilmi Nawwe'ee Iyyaasuun deema'aatii lafa sanii fi Iyyaarikoo laalaa'a jedhee Saaximiin irraa gaadduu lamaa dhossa'aan erge; isaanillee deemanii mana, «Ra'aabii» seebartitti'ii seenanii bulan.

Kitaaba Iyyaasu'uu 2:1 ပူးပေါင်းရင်းမြစ်များ

Gara Ibirootaa 11:31

Seebartittiin Ra'aab worra gaadu nagayaan waan simatteef, worra hin ajajamne woliin amanti'iin hin banne.

Ergaa Yaaqoob 2:25

Akkasuma seebartuun Ra'aab ammo ergamtoota simattee karaa biraatiin hennaa ergite, huji'iin qajeeltuu hin taanee?

Wongeela Maatewos 1:5

Salmoon Rahaabiin irraa Bo'aaziin uumate; Bo'aaz Ruutiin irraa Iyyoobeediin uumate; Iyyoobeed Isseyiin uumate.

Seera Laakkobsaa 25:1

Baniin Israa'elii biyya Saxiimii keessa taa'anii ijoolleen dhiiraa ta Israa'elii worra Moo'aabii woliin seebaran;

Gara Worra Efesoonii 5:5

Waan kana beekaa'a; seebara yoo ta'e, yookaan battii, yookaan ka dharra'u, ka waaqa tolfamaa waaqeffatullee, Kiristoosii fi jeennata Rabbiititti ristii hin qabu.

Wongeela Maatewos 10:16

Yesuus ammallee, «Ani akka hoolota Yayyii jidduu dhaxxuu isin erga; maarre akka bofaa qaroo, akka handari'ii gara laafeyyii ta'aa'a.

Kitaaba Iyyaasu'uu 3:1

Iyyaasuunii fi ijoolleen Israa'elii maruu ganamaan Saaximii ka'anii gara laga Yoordaanosii dhaqanii achitti quphatan;

Seera Laakkobsaa 13:2

«Lafa Kana'aanii ta ani ijoollee Israa'eliitii kennu dhaqanii akka laalan namoota gosa abboota maraa keessaa nama bulchaa ta'ee ergi»

Abboota Murti'ii 18:17

Namoonni shanii worri lafa gaadu'uuf dhaqan bayanii achi keessa seenanii fakii bocame, Eefuudi'ii fi Taaraafiimiin, fakii waaqa tolfama'aa ka sibiila bassanii hojjatanillee fudhatan; gadichillee namoota dhibba jahaa ka meeshaa woraanaa hidhatan woliin balbala dhaabata.

Abboota Murti'ii 18:2

Kanaafuu worri gosa Daanii gosa ufii keessaa namoota jajjabaa shanii lafa akka gaadanii fi akka qoratan, «Deema'aa lafa gaadaa'a» jedhanii gara Tsoor'a'aatii fi Eeshtaa'olii ergan; namoonni ergaman sunniin biyya gaaraa ka Efreemiititti mana Mikka'aa dhufanii achi bulan.

Kitaaba Iyyaasu'uu 5:10

Ijoolleen Israa'elii Gelgela'atti quphatan; ji'uma san keessa guyyaa kudha arfeesso'ootitti galgala raasaa Iyyaariko'ootitti ayyaana faasika'aa ayyaanteffatan.

Seera Laakkobsaa 33:49

Raasaa Moo'aabii ka galaana Yoordaanosii bira jirutti Beetiyaashimootii haga Abeelsaaximiititti quphatan.

Kitaaba Iyyaasu'uu 21:31

Helqaatii fi hulee horii itti bobbaafatan, Ra'aabii fi hulee horii itti bobbaafatan qachoota afurii isaanii kennan.

Abboota Murti'ii 18:14

Namoonni shanii worri lafa Leesaanii gaadu'uuf dhaqan obboloowwan ufiitiin, «Manniin kanniin keessa Eefuud, Taaraafiimii fi fakiin waaqa tolfama'aa ka sibiila bassanii hojjatan akka jiru beettuu? amma waan godhu'uuf taatan woliin mari'adhaa'a» jedhanii isaanitti himan.

Kitaaba Iyyaasu'uu 1:18

Namni ajaja kee mormu maruu, ka waan ati ajajju hin dhageenne inni haa ajjeefamuu; ati garuu jabaadhu!»

Kitaaba Iyyaasu'uu 2:2

Mootichi Iyyaariko'oo, «Israa'eliin keessaa biyyattii tana gaadu'uuf namoonni halkaniin seenaniiran» oduu jedhu dhagaye.

Raajii Miikiyaasii 6:5

Banii kiyya! mootii Moo'aabii Baalaaq maal akka sitti karoorfatee fi Bala'aam ilmi Bi'oorii maal akka isaa deebise yaadadhu; ati Shiximii kaatee hennaa gara Gelgela'aa deemtu waan karaa irratti ta'e qaabadhu; uduu waan kana maraa qaabattee waan ani si oolchu'uuf godhe kana maraa hin beetta.»

Seera Uumamaa 42:9

Yooseef eebjuu waan isaaniitiif arge qaabatee «Isin gaadduu worra dhaba biyyaa laalu'uuf dhufe» isaaniin jedhe.

Seera Uumamaa 42:16

Wonti isin jettan yoo dhugaa ta'e isin keessaa nama tokko erga'aatii obboleessa keessan qabatee haa dhufuu isin mana hidha'aa keessa taa'aa'a; yookaan ammo isin namoota lubbuu Fari'oonii gaadu» isaaniin jedhe.

Seera Laakkobsaa 13:1

Rabbi Muuse'een akkana jedhe,

Abboota Murti'ii 1:23

Worri Yooseefii gaadduu gara worra Beeteelii ergan; asiin dura maqaan qachattii sanii Loozaa jedhama ture.