Kitaaba Saamu'eelii ka 2ffaa 9:3 - Kitaaba Woyyuu

³ Mootichillee, «Jasaa Rabbi akka isaa deebisu mana Saa'olii keessaa namni tokkollee hin hafnee?» jedheen; Sibaanillee mootichaan «Ilma Yoonaata'aa ka lutti isaa laamsho'oo tokkotu jira» jedheen.

Kitaaba Saamu'eelii ka 2ffaa 9:3 ပူးပေါင်းရင်းမြစ်များ

Kitaaba Saamu'eelii ka 2ffaa 19:26

Innillee deebisee, «Mootii gooftaa kiyya! ani akkuma ati beettu naafa; si wolii deemuu barbaadee hojjataa kiyyaan gaangee tiyya naa fe'i jennaan na ganee na biraa deeme.

Kitaaba Saamu'eelii ka 2ffaa 19:27

Inni ana garbicha kee mootii gooftaa kiyyatti na hamate; ati garuu mootiin gooftaa kiyya akka maleekkaa Rabbii waan taateef waan barbaadde godhi.

Kitaaba Saamu'eelii ka 2ffaa 4:4

Ilmi Saa'olii Yoonaataan ilma laamshayaa tokko qaba ture; Saa'olii fi Yoonaataan hennaa du'an inni ijoollee woggaa shanii ture; oduun du'uu Saa'oliitii fi Yoonaataa qachaa Iyiziraa'eliitii hennaa odeeffamu ta isa guddiftu isa baadhattee baqatte; garuu uduu ariifattee dheessitu harkaa kufee laamshayaa ta'e; maqaan isaa Memfiboostee jedhama ture.

Kitaaba Saamu'eelii ka 2ffaa 9:13

Kanaafuu Memfiboosteen luka lamaan naafaa Yerusaalemiin keessa taa'ee kooboo mootichaa irraa nyaata'aa ture.

Kitaaba Saamu'eelii ka 2ffaa 9:7

Daawiti, «Jasaa abbaa keetii ka Yoonaata'aa deebisu'uuf sii arjoomeeraa hin sodaatin; lafa akaakayyuu keetii ka Saa'olii maraa sii deebisa; atillee kooboo kiyya irraa nyaatta.

Wongeela Luqaas 6:36

Akkuma abbaan keessan garaa laafu, isinillee gara laafeyyii ta'aa'a.

Seera Keessa Deebii 10:15

Rabbi waan abboota teetii calla'aaf gammadee isaan jaalate; isaaniin maayessa orma maraa jiddu'uu isin filate.

Seera Keessa Deebii 4:37

Inni abboota tee waan jaalateef isaaniin maayessa fiixaa isaanii filate; hunna ufii gudda'aan biyya Misiriitii isin baase;