Kitaaba Saamu'eelii ka 1ffaa 7:3 - Kitaaba Woyyuu

³ Saamu'eel worra Israa'elii maraanuu, «Yoo onnee teessan guutu'uun gara Rabbii deebitan waaqolee tolfama'aa fi waaqolee tolfamaa astaaroot jedhaman uf keessaa balleessaa'a; qalbii guutu'uun gara Rabbii deebi'aa'a; isuma callaa waaqeffadhaa'a; inni harka worra Filisxeemii jalaa isin baasaa» isaaniin jedhe.

Kitaaba Saamu'eelii ka 1ffaa 7:3 ပူးပေါင်းရင်းမြစ်များ

Seera Uumamaa 35:2

Kanaaf Yaaqoobillee maatii ufiitii fi worra isa woliin jiran maraan «Waaqolee tolfamaa jidduu keessanii balleessaa'a, qulqulloota ta'aa'a, uffata keessanillee jijjiiradhaa'a,

Kitaaba Moototaa ka 1ffaa 11:33

Solomoon na dhiisee Astaarootii waaqa tolfamaa worra Siidoonii Kaamooshii waaqa tolfamaa Moo'aabii, Miilkoomii waaqa tolfamaa ijoollee Amooniitii waan sagadeef akka abbaan isaa Daawiti qajeelaa ta'e qajeelaa ta'ee ajajaa fi murtii kiyya eegee akka ani fedhutti waan hin jiraanneef.

Kitaaba Moototaa ka 1ffaa 8:48

biyya diintota ufii ka isaan booji'ee keessa taa'anii garaa guutu'uun yoo gara kee deebi'an, qachaa ati filatte, gara mana woyyuu ani sii ijaareetii fi biyya abboota isaaniitii kennitee yoo si kadhatan,

Kitaaba Mootota ka 2ffaa 17:39

Rabbii waaqa keessan sodaadhaa'a; inni diintota keessan maraa jalaa isin oolcha.»

Kitaaba Mootota ka 2ffaa 23:15

Hulee ciinca'aa ka ilmi Naabaaxii Iyyoorbi'aam Israa'eliin dogoggorsee akka cubbuu hojjatu godhe Iyyoosiyaas diigee dhagaa isaan ijaaramellee caccabsee bulleessee daaraa godhe; fakii Asheera'aallee ibiddaan gube.

Kitaaba Seena'aa ka 1ffaa 22:19

Ammallee isin Rabbii Waaqa keessan barbaada'aa onnee teessanii fi lubbuu teessan maraanuu Rabbiin tajaajilaa'a, saanduuqa waada'aa ka Rabbii Waaqa keessaniitii fi meeshaa woyyuu tajaajila mana woyyuu keessatti tajaajilaniin maraa fiddanii akka isa keessa keettaniif mana woyyuu ulfinna Rabbiitiif ijaaraa'a» jedhee isaan ajaje.

Kitaaba Seena'aa ka 1ffaa 28:9

Daawiti Solomooniin, «Ilma kiyya; Waaqa abbaa keetii akka beettu onnee guutu'uu fi yaada misha'aan akka isa tajaajiltu si kadhadha yoo isa barbaaddellee hin argattaan; yoo isa dhiifte innillee baraa haga bara baraa si dhiisa.

Kitaaba Seena'aa ka 2ffaa 19:3

garuu waan gari garii mishaa gooteerta; wonti mishaan ati goote waaqa tolfamaa Asheeraa jedhamtu ta baniin waaqeffatu, fakii maraa lafa irraa balleessiteerta; fedha Rabbii beeku'uuf badaddeerta» jedheen.

Kitaaba Seena'aa ka 2ffaa 20:33

Garuu hulee itti sagadan ka gaara gubbaa jiru hin balleessine; baniinillee gara Rabbii ufii gara Waaqa abboota isaanii onnee ufii guutu'uun hin deebine.

Kitaaba Seena'aa ka 2ffaa 30:19

Mootichi Hisqiyaas «Nama akka seera mana woyyu'uutitti hin woyyoomne, namni Rabbii Waaqa abboota ufii barbaadu maruu Rabbiin araaraa isaanii haa dhiisu!» jedhee Waaqa isaanii kadhate.

Kitaaba Mammaakaa 16:1

Karoorri gara'aa ka namaati; ka deebii kennu garuu Rabbi.

Raajii Isaayyaasii 55:7

Hammeeyyiin hammeenna ufii, cubbamtoonnillee yaada hamaa ufii haa dhiisanii; araarri isaa guddaa waan ta'ee fi akka inni isaanii dhiisuuf, gara Rabbii Waaqa keennaa haa deebi'anii.

Raajii Ermiyaasii 24:7

Ana Rabbiin akka beekan isaan taasisa; achiin maayessa isaan garaa ufii guutu'uun gara kiyya waan deebi'aniif isaan banii kiyya ta'an; ani Waaqa isaanii ta'a.

Raajii Ermiyaasii 36:3

Baniin Yihuuda'aa hennaa akka ani badii isaanitti fidu'uuf ta'u dhagayan maal laataa hujii ufii hamaa irraa deebi'uu danda'an; anillee yakkaa fi cubbuu isaanii isaanii dhiisa.»

Raajii Ermiyaasii 4:1

Rabbi akkana jedhe, «Isin banii Israa'elii! yoo gara kiyya deebi'uu barbaaddan, waaqolee tolfamaa jibbaman sanniin balleessitanii yoo anuma calla'aa amanamtoota taatan;

Raajii Hisqeelii 14:6

«Kanaafuu ati banii Israa'eliitiin ‹Rabbiin maraa olii akkana jedha; waaqolee tolfamaa keessan dhiisa'aatii aagii galaa'a! hujii badaa keessan ka nama gufachiisu maraa irraa deebi'aa'a!» jedhi.

Raajii Hisqeelii 18:31

Hujii hamaa keessan maraa dhiisa'aatii hafuuraa fi onnee haarawa qabaadhaa'a; isin worri Israa'elii maaf duutan?

Raajii Hose'ee 14:1

Banii Israa'elii! isin sababaa cubbuu keessaniitiif waan gufattaniirtaniif gara Rabbii Waaqa keessanii deebi'aa'a.

Wongeela Maatewos 15:8

‹Baniin kun afaaniin na kabajja, garaan isaanii ammo na irraa guddaa fago'o;

Wongeela Maatewos 4:10

Hennaa san Yesuus, «Ati seexana! na irraa fagaadhu! kitaaba Woyyuu keessatti, ‹Waaqa Gooftaa keetii sagadi; isuma callaa waaqeffadhu› jedhamee barreeffameera» jedheen.

Wongeela Maatewos 6:24

Yesuus ammallee, «Eennullee ka gooftaa lamaaf buluu danda'u hin jiru. Tokko hin jibba, kaan ammo hin jaalata; yookaan tokkochaaf uf kennee kaan ammo hin tuffata. Akkasuma Rabbii fi duniya'aa qixa bitamuu dandeettan» jedhe.

Wongeela Luqaas 4:8

Yesuus deebisee, «Waaqa Gooftaa keetiif sagadi, Isuma callaa waaqeffadhu! jedhamee barreeffameera» jedheen.

Wongeela Yohaannis 4:24

Rabbi Ayyaana, worri Isaa sagadanillee dhuga'aa fi Ayyaanaan sagadu'utu isaan barbaachisa » jedheen.

Seera Keessa Deebii 10:20

Rabbii Waaqa kee sodaadhu; isuma waaqeffadhu; isaa amanamtoota ta'a'aa maqaa isaatiin kakadhaa'a;

Seera Keessa Deebii 13:4

Rabbii Waaqa keessan duukaa deemaa'a; isa sodaadhaa'a; ajaja isaa eegaa'a; jecha isaa dhagayaa'a; isa waaqeffadhaa'a; isaan wolii galaa'a.

Seera Keessa Deebii 4:29

Garuu achitti Rabbii Waaqa keessan soqattan; waan onne'ee fi qalbii keetiin soxxe maraa hin argatta.

Seera Keessa Deebii 6:13

Rabbii Waaqa kee sodaadhu, isuma callaa waaqeffadhu, maqaa isaatiin kakadhu.

Kitaaba Iyyaasu'uu 13:31

Mootonni Aagii ka qachoota Baasaanii keessa jiran, Astaarootii fi Eediraayi; Kunniin ilma Minaase'ee ka ijoollee Maakiriiti; lafti ijoollee Maakirii akka gosa isaaniitiin kana ture.

Kitaaba Iyyaasu'uu 24:14

Ammallee isin Rabbiin sodaadhaa'a; Rabbiin dhugamaan onnee teessan guutu'uun waaqeffadhaa'a; waaqolee tolfamaa abbootiin teessan laga gama biyya Misirii keessatti waaqeffatan uf irraa fageessaa'a; Rabbiin waaqeffadhaa malee.

Kitaaba Iyyaasu'uu 24:23

Innillee «Amma waaqolee tolfamaa isin jidduu jiran uf keessaa baasa'aatii qalbii keessan gara Rabbii Waaqa keessanii deebisaa» isaaniin jedhe.

Abboota Murti'ii 10:16

Isaan waaqa tolfamaa uf jiddu'uu dhoogganii Rabbiin waaqeffatan, Rabbillee rakkachuu worra Israa'eliititti guddisee gadde.

Abboota Murti'ii 10:6

Ijoolleen Israa'elii ammallee deebi'anii Rabbiin afo'otti waan hamaa hojjatan; waaqolee tolfamaa worra Sooriya'aa ba'aaliimii fi Astaarootiin, waaqa tolfamaa siidoona'aa, waaqa tolfamaa worra Moo'aabii, waaqa tolfamaa ijoollee Amooniitii fi waaqa tolfamaa worra Filisxeemii waaqeffatanii Rabbiin waaqeffachuu dhiisan;

Abboota Murti'ii 2:11

Kanaan maayessa ijoolleen Israa'elii waan hamaa Rabbiin afo'otti hojjatanii Ba'aaliin waaqeffatan.

Abboota Murti'ii 2:13

Rabbiin dhiisanii «Ba'aalii fi Astaarotiin» waaqeffatan.

Kitaaba Saamu'eelii ka 1ffaa 31:10

Achiin maayessa worri Filisxeemii woraana Saa'oliitii fi mi'a woraanaa fakii intalaa ta Astaarooti jedhamtee waamamtuu ta mana qulqulluu keessa jirtu keessa kaayan; reeffa Saa'olii ammo hulee Beetisaan jedhamtu dallawa irratti fannisan.