Kitaaba Saamu'eelii ka 1ffaa 2:2 - Kitaaba Woyyuu

² «Woyyuun akka Rabbii hin jiru, ka akka Waaqa keennaa qajeelaan hin jiru; si malee Woyyuun hin jiru;

Kitaaba Saamu'eelii ka 1ffaa 2:2 ပူးပေါင်းရင်းမြစ်များ

Kitaaba Saamu'eelii ka 2ffaa 22:32

Rabbiin malee Waandhi eennu? Waaqa keenna malee ka dawoo namaa ta'u eennu?

Raajii Isaayyaasii 44:6

Rabbi fayyisaan, mootiin Israa'eliitii fi ka banii maraa akkana jedha, «Jalqabaa fi dhumtillee ana; Ana malee Waandhi biraa hin jiru.

Kitaaba Faaru'uu 86:8

Gooftaa'a! Waaqolee keessaa ka akka keetii hin jiru; hujiin hujii keetiin wol qixxaayu hin jiru.

Kitaaba Faaru'uu 89:8

Yaa Rabbi! Waaqa banii maraa! ka akka keetii eennu? Yaa Rabbi! Ati jaba'a; amanamummaan kee si marseera.

Seera Bayu'uu 15:11

«Yaa Waandhana; waaqolee jiddu'utti Waandhi akka keetii eennu? ati Waaqa gaachenaan sodaatamtee fi ka maalalee hojjattee ka akka keetii eennu? ati Waaqa woyyumma'aan kabajjamtee ka akka keetii eessa jira?

Raajii Ermiyaasii 10:6

Yaa Rabbi! ka si fakkaatu hin jiru; ati jaba'a; maqaan kee gudda'aa fi ka nama sodaachisu.

Raajii Isaayyaasii 57:15

Woyyichi baraa haga bara baraa jiraatu, ka maraa caalu, «Ani hulee woyyu'uu fi hulee ol aanu akkasuma worra gara laafeyyi'ii fi worra kasoo woliin jiraadha; wonti isaan woliin jiraadhuuf garaan isaanii ka gadde haarawoomsu'uu fi akka isaan kasoo ta'an godhu'uuf.

Seera Keessa Deebii 3:24

‹Yaa Rabbi! guddummaa keetii fi irree kee ana garbicha keetitti mudhisuu jalqabdeerta; Sami'ii fi Ardii irrattillee Rabbiin akka kee hojjachuu danda'uu fi Waandhi akka kee hunna qabu ka waa hojjachuu danda'u eennu?

Seera Leewwotaa 19:2

«Banii Israa'elii maraanuu, ‹Ani Rabbi Waandhi keessan woyyuu waan ta'eef isinillee woyyoota ta'aa'a.

Gara Worra Rooma'aa 15:4

Jabaachu'uuf abdiin jajjabeennaa ka Kitaabni kenneen wonti dura barreeffame maruu barumsa keennaaf waan nuuf barreeffameeruuf.

Raajii Isaayyaasii 44:8

Isin hin nayinaa'a; hin sodaatinaa'a; Ani dur irraa jalqabee isinitti hin himnee? yookaan isinii hin ibsinee? isin waan kanaaf naa raga'a; ana malee Waandhi biraa hin jiraa? Ana malee irkoon jabaan biraa hin jiru»

Raajii Isaayyaasii 40:18

Eeganaa Rabbiin eennuun wolitti bikkitan? fakii kamiin wolitti fakkeessitan?

Raajii Isaayyaasii 6:3

Wol irraa fuudha'aa «Woyyuu'u; woyyuu'u; woyyuu; Rabbii Gooftaa banii maraa; ardiin maruu ulfinna keetiin guuttamteerti!» jedha'aa turan.

Kitaaba Faaru'uu 111:9

Banii ufiitii fayyinna erge; waadaa ufii baraa haga bara baraa ajaje; maqaan isaa woyyu'uu fi ka sodaatame.

Kitaaba Faaru'uu 99:5

Rabbii Waaqa keenna galatoonfadhaa'a; luka isaa jalatti sagadaa'a; Inni waan woyyuu ta'eef.

Kitaaba Faaru'uu 89:6

Ol gubbaa sami'iititti; eentu Rabbiin wol qixxaayuu danda'a? uumama samiiwwanii jiddu'uu eentu Rabbiin fakkaata?

Seera Keessa Deebii 32:39

«Ani hojjuma kiyya Waaqa akka ta'e; Anaa achi Waandhi biraa akka hin jirre beekaa'a; ani hin ajjeessa; hin jiraachisa; ani hin madeessa; hin fayyisalle'e; harka kiyya irraa ka isin hambisu hin jiru.

Seera Keessa Deebii 32:4

«Inni Waaqa; hujiin isaallee guutu'u. Karaan isaa maruu qajeela'a. Waaqa amanamaa'a ka waan badaa hin qabne Inni Waaqa dhuga'aatii fi qajeela'a.

Kitaaba Faaru'uu 99:9

Rabbi Waaqa keenna galatoonfadhaa'a; gaara isaa woyyuu irratti sagadaa'a; Rabbi Waandhi keenna woyyuu waan ta'eef.

Kitaaba Faaru'uu 73:25

Ani sami'itti simalee eennuun qaba? lafa irrattillee si malee waan hawwu hin qabu.

Kitaaba Faaru'uu 71:19

Waandhana! balchummaan kee haga Samiiwwanii gaya; ati waan gugurdaa gooteerta; Waandhana! ka akka keetii eennu?

Kitaaba Faaru'uu 71:3

Ka hennaa maraa itti dhokadhu; goda irko'oo naa ta'i; ati godaa fi kushee kiyya waan taateef. ajanyi kee na oolchu'uuf haa bayuu.

Kitaaba Faaru'uu 18:2

Rabbi anaaf dhagaa qarsa'aati; Inni irkoo kiyyaa fi ka na oolchu; Waandhi kiyya dhagaa qarsa'aa ka ani itti dhokadhu; Inni wontee kiyya; gaafa diina kiyya uf irraa dhoogguunii fi dawoo kiyya.

Seera Keessa Deebii 32:20

Fuula kiyya isaan irraa deebifadha; dhumni isaanii maal akka ta'e hin laala; isaan dhaloota daba'a; isaan ijoollee hin amanamne› isaaniin jedhe.

Seera Keessa Deebii 4:35

Rabbi Waandhi kee akka Waaqa ta'e akka beettu kun sitti mudhateera isa malee Waandhi biraa hin jiru;

Gara Worra Rooma'aa 4:8

Namni Gooftaan cubbuu isaa itti hin laakkoofne ka eebbifame!»

Kitaaba Saamu'eelii ka 2ffaa 7:22

Kanaafuu Rabbi Waaqa kiyya! ka akka keetii waan hin jirreef akkuma gurraan dhageenne san maraa si malee Waandhi waan hin jirreef ati gudda'a.

Kitaaba Saamu'eelii ka 2ffaa 22:3

Rabbi Tissee kiyya waan ta'eef isa abdadha; Rabbi wontee kiyyaa fi gargaaraa kiyya; irkoo kiyyaa fi hulee ani itti dhokadhu; fayyisaa kiyya; ati hammeenna jalaa na oolchita.

Kitaaba Moototaa ka 1ffaa 8:23

«Yaa Waaqa Israa'elii samii gubba'aa fi lafa irrattillee Waandhi si fakkaatu hin jiru; garboota tee ta yaada guutu'uun si afoo jiraataniif waada'aaf araara kee isaanii eedda.

Kitaaba Faaru'uu 18:31

Rabbii achi Waandhi eennu? Isa malee dawoon eennu?

Kitaaba Faaru'uu 99:3

Maqaa kee gudda'aa fi sodaatamaa haa jajanii; Inni woyyu'u;

Seera Leewwotaa 11:44

Ani Rabbi Waandhi keessan woyyuu waan ta'eef isinillee nafa keessan woyyoomsaa'a, woyyoota ta'aa'a; ani woyyuu waan ta'eef waan lafa irra loowu'uun sosocho'u maraan nafa keessan hin batteessinaa'a.

Seera Leewwotaa 11:45

Ani Rabbiin isinii ta'u'uuf biyya Misiriitii isin baase; kanaaf ani woyyuu waan ta'eef isinillee woyyoota ta'aa'a.

Seera Keessa Deebii 4:39

Eeganaa Sami'ii fi Ardii irrattillee Rabbi Waandhi biraa akka hin jirre adha beeki; qalbi'ittillee qabadhu.