Yuda 1:6 - Kishambala New Testament 2005

⁶ Hata walau wabanilewo wenye ufuṅwa wawe, wakilawa kwawe kaya, azawashunga he lwiza na mazolo yekalama, kangwe nezewalahwe masa, uja mushi mkulu wa masa ukizabula.

Yuda 1:6 ပူးပေါင်းရင်းမြစ်များ

Mateyo 10:15

Kweli namiti: Masa ya shi ya Sodoma na ya Gomola yatahuha kuzinka ayo ya uja muzi, mushi wa mlaho ukizabula.

Mateyo 25:41

Vikibinda atalonga waja we kumosho kuti: Ukai kwangu, inywi mulaniγwewo! Hitai kwe moto ushizimawo, waashiziγwawo yuja ṅwenye leba na walau wakwe!

Mateyo 8:29

Wazakema angwe: Tina mbwai ishwi na iwe, ṅwana Mulungu? Uzaiza na kunu, utilumize, mishi yetu ishizati ibule?

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Waloma 2:5

Miya na nkani zako na moyo wako ushiwohitula ntongonyezi zakwe wakiγenyezeza ṅwenye maya mushi uja wa maya, masa yeagiza yahozafumbwilwa ni Mulungu;

Waefeso 6:12

Hanibu nkondo, tiyona nayo, so ya vye mpome na nyama, miya ni nkondo ya wazumbe na wafuṅwa na wanguvu wetoza inu shi, iikale na lwiza, na ziya mpehompeho mbada zoshe ze ulanga.

Waebuleyo 10:27

kushiγala du kuzalahwa masa viwiwi na mabilibili ya moto weunga kubinda wankani.

2. Petelo 2:4

Hambu hata walau wabanilewo Mulungu nkatendile mbazi nawo, miya azawashindika kuzimu, waishungiγwe na mazolo ya lwiza, azawainkila, waikilwe mushi wa masa.

2. Petelo 2:9

Miya wemwogoha, Zumbe ataila kuwavunila mwe miγezo, kangi wawiwi awaika, walahwe mushi wa masa.

Yuda 1:13

Ni maimbi ya bahali ye nkani, yetefuka ubada wawe wenye; ni ntondwe zishizotoγa, waikilwe mlaho wa lwiza lwa ukalami.

Mfumbulo 20:10

Yuja ṅwenye leba, ndiye akiwaazaγanya, azatambikwa na mwe jiya ziwa ja moto wa vihilitibiliti, ija nyama na yuja mubilikizi ywa ulongo walimo, wataswilimiziγwa haho kilo na mushi kale na kale.

Mfumbulo 20:2

Azagwila jiya zoka, ni ija nyoka ya kale, ni ṅwenye leba, kangi ni Satani, azamshunga mavuli kulija,