Yuda 1:24 - Kishambala New Testament 2005

²⁴ Yuja mwedaha kumiγolokela, kangwe mshebane, mwedaha kumiika he utana wakwe, mwi kishimasa na nyemi,

Yuda 1:24 ပူးပေါင်းရင်းမြစ်များ

Mateyo 16:27

Hambu muntu alavye makombo ani, ndiyo akikombole nayo? Hambu ṅwanangwa ywa muntu atazalawila na utana wa ishe haṅwe na walau wakwe, ne ndiho amwuzize kila muntu kwa miγoshwele yakwe.

Mateyo 19:28

Yesu azawati: Kweli namiti: Inywi mzanitongela; aho ndiho vyoshe vihozauziγwa uhya, ṅwanangwa ywa muntu ahozaikala mwe kiti chakwe cha utana, ne ndiho hata inywi nezemwikale mwe viti kumi na vili, mulahe ziya mbali kumi na mbili za Isilayeli.

Mateyo 25:31

Aho ndiho ṅwanangwa ywa muntu nezeaizile na utana wakwe haṅwe na walau wosheni, ne ndiho aikale mwe kiti cha utana wakwe.

Mateyo 5:12

Tamilwai na kutowa mazumo! Hambu upokezi wenyu mwe lwingu ni ungi; hambu vivyoho wazaγulusha hata waja wateγanyi wamilongwelewo.

Luka 9:26

Hambu ndiye atendwe ni shoni na imi ao du na mbuli zangu, uyu ṅwanangwa ywa muntu atazatendwa ni shoni naye akizaiza na utana wakwe na wa ishe na wa walau waṅazi.

Waloma 14:4

Iwe u ndai ukimlaha muntungwa? Ati aγoloka, ati akina, vyoshe avimγoshwela Zumbe ywakwe ṅwenye; miya inga atoγe, hambu Zumbe ana nguvu ya kumwitika.

Waloma 8:31

Lushe ivi vyoshe tiviγambe ze? Ati tina Mulungu, ndiye atidahe, ni ndai?

2. Wakolinto 11:2

Hambu nivyokihima kwa mbuli ya inywi, ni vya Kimulungu; hambu nizamiinkila kwa mγoshi muṅwe, ni Kilisito, nimiiγale na kwakwe, viya ni mndele ashitendileye uhuza.

2. Wakolinto 4:14

hambu tataila: Ndiye akimwinula Zumbe Yesu atazatiinula ishwi neshwi haṅwe na Yesu na kutiikaza haṅwenainywi.

2. Wakolinto 4:17

hambu ukiwa welu wa ivi lushe wefikazinka waisiiza kutiγenyezeza utana ungi muno wekalama,

Waefeso 3:20

Miya yuja kwa viya, nguvu yakwe ivyotendesha kwetu, atadaha kuγoshola kuzinka vyoshe, tivyohembeleza ao tivyotaila.

Waefeso 5:27

Ne akundilevyo kukiliγanyiza ṅwenye bumba jetogolwa kuti: Nkajina danko ao nkunyankunya ao vyefanana na ivi, kuti: Ni bumba ṅazi kishimasa.

Wakolose 1:22

Miya ivi lushe azabinda kumikombola, na ṅwili wakwe wa kimuntu aho akifa, kangwe aleke, mγaluke waṅazi washinawo danko, washinawo masa, hata ṅwenye akimiolela.

Wakolose 1:28

Hata ishwi tamubilikila tikimshunda kila mimtu, kangi tikimhinya kila muntu na viyuγo vyoshe kangwe kila muntu nezetimwike, aizifize, kuti ana Kilisito.

Wakolose 3:4

Aho ndiho Kilisito, nkalamo yenyu, nezealawile, ne ndiho nezemulawile mwe utana haṅwe naye.

2. Timoteyo 4:18

Zumbe atanivunila mwe mbuli mbada zoshe, atanihonya, niingile mwe uzumbe wakwe wa kilwingu. Neatogolwe kale na kale! Amini.

Yakobo 2:10

Hambu muntu ati atozesha mulomo woshe akibana unu muṅwe du, azabinda kubana yoshe.

1. Petelo 4:13

Miya kwa viya, muvyopangilwa milumilwe ya Kilisito, tamilwai, kangwe nezemtamilwe na kulinga, utana wakwe uhozalawila.

2. Petelo 1:10

Kwa ivyoho, wanduγu, isiizai kukihima, kangwe viya mṅvyoitangilwa, muvyoshaγwilwa vishemiaγile! Hambu mkiviγoshola nkezemkungwale silai.

Yuda 1:21

Kiolelei, mwange na lukundisho lwa Mulungu! Afizai mbazi ya Zumbe ywetu Yesu Kilisito yeminka nkalamo!

Mfumbulo 14:5

Mwe vyanwa vyawe nkamwoneke mambeza. Nkawana masa.