Yohana 9:4 - Kishambala New Testament 2005

⁴ Ishwi shuti tiγoshole ndima za yuja anitumileye, kuke mushi, hambu kilo chaiza, ne nkahana ndiye adahe kuγoshola ndima.

Yohana 9:4 ပူးပေါင်းရင်းမြစ်များ

Mateyo 20:7

Wazamuti: Nkakuna atinkileye ndima. Azawati: Hitai hata inywi kwe mizabibu yangu!

Maliko 3:3

Azamlonga yuja muntu mwena mkono uholozewo: Inuka, uize na aha gati!

Yohana 10:32

Yesu azawalandula angwe: Nizamionyesha ndima ntana nyingi ziandukezo kwa Tate, ni ndima ani yeleka, mkinihomela mawe?

Yohana 10:37

Ati nasheγoshola ndima za Tate, mshenitozeshe!

Yohana 12:35

Yesu azawati: Langaila jike kwenyu mishi miγeke; angai, kwa kuti langaila mkena najo, kangwe lwiza lushemigweele! Kangi mweanga na lwiza nkataila, akohita nako.

Yohana 17:4

Nizakugimbika kunu shi, nizabontola ija ndima, uninkileyo, niibontole.

Yohana 4:34

Yesu azawati: Nkande yangu ni kuγoshola, yuja anitumileye avyokunda, nibontole ndima yakwe.

Yohana 5:19

Yesu azawalandula angwe: Kweli namiti: Nkakuna mbuli, ṅwanangwa ayodaha kuγoshola ṅwenye du, ati nkamwene ishe, akiiγoshola; hambu yuja ndivyo aγoshole, ṅwanangwa yohe ataviγoshola vivyoho.

Yohana 5:36

Miya imi nilongelwa nwona wekula kuzinka uja wa Yohana; hambu ziya ndima, Tate aninkilezo, nizibontole, zanilongela uwona, kuti Tate azanituma.

Yohana 7:33

Yesu azalonga: Mishi miγeke nike kwenyu, vikibinda nahita kwa yuja anitumileye.

Ntuṅwa 4:20

Nkatidaha kuleka kulonga viya, tienevyo, kangi tiivilevyo.

Wagalatiya 6:10

Kwa kuti tike kunu, netikihime kuγoshwela wantu woshe vitana, tiisiize waja wetozesha haṅwe na ishwi!

Waefeso 5:16

Hambu mishi inu ni mibada.

Wakolose 4:5

Waja we se angilanai nawo na viyuγo! Manyai mishi mwinkiγweyo!