Yohana 9:39 - Kishambala New Testament 2005

³⁹ Yesu azalonga: Ṅiizile mwe inu shi kwa gwisha masa, kangwe washionawo waone, kangi waja weona waγaluke matuntu.

Yohana 9:39 ပူးပေါင်းရင်းမြစ်များ

Mateyo 11:5

Matuntu yaona, washiwodaha kuγenda waγenda, wakoma waushiγwa ukoma, washiwoiva waiva, wafilewo wafufulwa, wakiwa wabilikilwa nyemi; mwe nyemi ni ndiye asheihilwe ni miyo!

Mateyo 15:14

Walekei! Ni matuntu yekunda kuγesa matuntu weyae wawe; miya tuntu jikimγesa tuntu ṅwiyae, woshe waili watakina mwe lwina.

Mateyo 6:23

Miya ati zisho jako ni bada, ṅwili wako woshe una lwiza. Lushe viya vye langaila mwe ṅwili wako vikitenda kiza, kiza ṅwenye chiinga hahi?

Luka 1:79

tikilawilwa ni langaila jeanduka uko ulanga, jimulikile waja weikala mwe lwiza na mwe kizuli cha kifa, jigwize milundi yetu sila ya utondolo.

Luka 13:30

Kangi kuna washilikizewo, ndiwo walongole; kangi kuna walongolewo, ndiwo washilikize.

Luka 2:34

Simeyoni azawaṅaza mesho, azamlonga nine Maliya angwe: Olela! Uyu aikiγwe, Waisilayeli wangi wahosiγwe, kangi wangi wainulwe ndiye,

Luka 4:18

Mpeho ya Zumbe yaniikaiia, ne ilekileyo, akiniambwila mavula, kangwe nibilikile wakiwa nyem!; azanituma, niukwile washungiγwewo, kuti newashungwilwe, wafilewo mesho, kuti newaone, kangi ndashe, nizilohole,

Luka 7:21

Ija minga azahonya wangi mahisho yawe na vilema na mpepo mbada, hata matuntu mangi azayafila mbazi, yaone.

Yohana 12:31

Ivi lushe ni mishi ya kulaha inu shi; ivi lushe zumbe ywa inu shi inga ashindikwe na se.

Yohana 12:46

Imi ni langaila, nizaiza mwe inu shi, kangwe kila mwenitozesha asheange mwe lwiza.

Yohana 3:17

Hambu Mulungu nkamtumile ṅwanae mwe inu shi, ailahe inu shi, miya inu shi ivunilwe ndiye.

Yohana 3:19

Mlaho ni unu kuti: Langaila jizaingila mwe inu shi, miya wantu wazakundisha lwiza kuzinka langaila, hambu miγoshwele yawe ni mibada.

Yohana 8:12

Yesu azawalonga vituhu angwe: Imi ni langaila ja inu shi. Mwenitongela nkeaange mve lwiza, miya ataona langaila ja nkalamo.

Yohana 8:15

Inywi mulaha kimuntu, miya imi sina, niyelaha.

Yohana 9:25

Yuja azawalandula, azawati: Ati yuja ni mhuza, sitaila, nataila mbuli ṅwenga du kuti: Imi ndiwo nii tuntu, naona lushe.

Ntuṅwa 26:18

uwaγubwile mesho, walawe kwe lwiza, wahituke na kwe langaila, walawe kwe ufuṅwa wa Satani, wahituke na kwa Mulungu, waushiliziγwe mahuza yawe, wohe wapangilwe kifu cha waṅazi, wakinitozesha.

2. Wakolinto 2:16

Awa liyawaγalukila mzingo weanduka kwe kifa, kangi weonya kwe kifa, miya waja tiyawaγalukila mzingo weanduka kwe nkalamo, kangi weonya kwe nkalamo. Mwevidaha ivi, ni ndai?

Waefeso 5:14

Ne viholongwa: Viluka, iwe wesisila! Inuka kwa wafilewo! Ne ndivyo Kilisito akumulikile. Oleleshai, ndivyo mwange!

2. Watesalonike 2:10

ahosa waja webanika na lwufyo lwoshe lwa ubaγibaγi, kwa kuti nkawakundile kuitika viya vye kweii wakihonyiγwa ndivyo.

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.

1. Yohana 2:11

Miya mwemshuka mnduγu ywakwe aikala mwe lwiza, aanga mwe lwiza, nkataila, akoonya nako, kwa kuti lwiza luzakoma mesho yakwe.