Yohana 8:51 - Kishambala New Testament 2005

⁵¹ Kweli namiti: Ati muntu aγoja mbuli yangu, kifa nkeachione kale na kale.

Yohana 8:51 ပူးပေါင်းရင်းမြစ်များ

Mateyo 16:28

Kweli namiti: Awa weγoloka aha weyae wawe kuṅwe nkewaone kifa, shuti wanemwona ṅwanangwa ywa muntu, akiiza mwe uzumbe wakwe.

Luka 2:26

Uyu aiteγanyiziγwe ni mpeho ṅazi kuγamba, asheone kifa, ashizati amwone Kilisito ywa Zumbe.

Yohana 14:23

Yesu azalandula, azamuti: Ndiye anikundishe, atatoza mbuli yangu, ne Tate atamkundisha, titaiza, tiikale kwakwe.

Yohana 15:20

Fukilai ija mbuli, nimiγambileyo kuti: Mupuna so mkulu kumzinka baba yakwe! Ati imi wazaniγulusha, hata inywi newamiγuiushe! Ati wazatoza mbuli yangu, hata yenyu newaitoze!

Yohana 17:6

Zina jako nizajiwafumbwila waja wantu, uninkilewo kunu shi; ne wai wako, imi utewaninka, mbuli yako wazaiγolokela.

Yohana 5:24

Kweli namiti: Mweiva mbuli yangu na kumtozesha anitumileye, ana nkalamo ya kale na kale, nkaingila mwe masa, miya kwe kifa azakulawa, azabula kwe nkalamo.

Yohana 6:50

Shinu nkande ilawileyo mwe lwingu, kangwe ndiye aije, ashefe.

Yohana 8:12

Yesu azawalonga vituhu angwe: Imi ni langaila ja inu shi. Mwenitongela nkeaange mve lwiza, miya ataona langaila ja nkalamo.

Yohana 8:52

Wayuda wazamuti: Lushe tizataila kuti: Una mzimu. Abulahamu azafa, hata wateγanyingwa, kangi iwe waγamba: Ati muntu aγoja mbuli yangu, nkezeaone kifa kale na kale.

Yohana 8:55

Miya nkamumtaila, miva imi namtaila; ati naγamba: Simtaila, anga ni mumambeza sa inywi. Miya namtaila, kangi naγoja mbuli yakwe.

Waebuleyo 11:5

Azafa, miya kwa ivyoho akelonga. Henoki kwa mitozesheze yakwe azaushiγwa, asheone kifa; nkazaoniγwe, hambu Mulungu azamwusha; hambu ashizati aushiγwe, azalongwa uwona, kuti: Azamtamila Mulungu.

Waebuleyo 2:9

Ivi lushe nkatizati tione kuti: Vyoshe vyamwitika. Kuja kuγamba: Azashiγazwa hadodo, afanane na walau, taona, vizabontoka kwa Yesu, akifa na kulumiziγwa, kangi akibinda azahambiγwa na utana, azagimbikwa, kangwe icho kifa achimdomelele kila muntu kwa mbazi ya Mulungu.