Yohana 8:44 - Kishambala New Testament 2005

⁴⁴ Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Yohana 8:44 ပူးပေါင်းရင်းမြစ်များ

Mateyo 12:34

Wana nyoka inywi! Mdaha zeze kulonga mbuli ntana, wenye mwi wabada? Hambu viya, moyo uvyogisa, ne kanwa chivyolonga.

Mateyo 13:15

Hambu myoyo ya inu mbali ni mibada, mashikilo yawe yana ntoγo za kuiva, mesho yawe waiyasisize, kangwe washezaona na mesho yawe, kangwe washezaiva na mashikilo yawe, washezataila mwe myoyo yawe wakihituka na kwangu, nikiwahonya.

Mateyo 13:38

Lubuwa ni ngulu ngima; ija mbeyu ntana ni wenye uzumbengwa, ziya fovo ni wana wa yuja mubada.

Yohana 6:70

Yesu azawahitula angwe: Imi simishaγule kumi na waili? Kangi ṅwenyu muṅwe ni ṅwenye leba.

Yohana 7:17

Ati muntu akunda kuγoshola, yuja avyokunda, atataila mifuzize yangu, ati ianduka kwa Mulungu, ati nilonga yangu ṅwenye.

Yohana 8:38

Nienevyo kwa Tate, ne nivyolonga; lushe inywi mwivilevyo kwa Tate, viγosholei!

Yohana 8:41

Inywi mwaγoshola ndima za ishe ywenyu. Angwe ndiwo: Nkativyelwe kihuza, tina tate yweshi muṅwe, ni Mulungu.

Yohana 8:55

Miya nkamumtaila, miva imi namtaila; ati naγamba: Simtaila, anga ni mumambeza sa inywi. Miya namtaila, kangi naγoja mbuli yakwe.

Ntuṅwa 13:10

Iwe uigisize minyanyi yoshe na uhambanyi woshe, u ṅwana Satani, utanda woshe wakuihila, nkudila kuhotola sila za Mulungu zeγolokela.

Ntuṅwa 24:9

Wayuda wohena wazabadikabadika mbuli, wazalonga, kuti ni vivyoho.

Ntuṅwa 5:3

Petelo azamuti: Ananiya, nini Satani akigisa moyo wako, umhenyeze Mpeho mṅazi na kufisha shilingi kuṅwe, uonelezo na γisa jako?

2. Wakolinto 11:3

Miya sa nyoka imhosizevyo Ewa na ugila wakwe, naogoha vivyoho, hata ntongonyezi zenyu zishezatabaniγwa, mshedahe kumwalila Kilisito.

1. Petelo 5:8

Hambu munkulu ywenyu Satani aanga sa shimba yeluluma, alonda, ndiye amumeze.

2. Petelo 2:4

Hambu hata walau wabanilewo Mulungu nkatendile mbazi nawo, miya azawashindika kuzimu, waishungiγwe na mazolo ya lwiza, azawainkila, waikilwe mushi wa masa.

1. Yohana 1:8

Tikiγamba: Nkatina uhuza, tikiazaγanya wenye, hata kweli nkaimo mwetu;

1. Yohana 2:21

Simigondela, viya nkamtaila mbuliya kweli, miyaviya mwataila, kuti mambeza yoshe nkayaanduka he kweli.

1. Yohana 2:4

Muntu akiγamba kuti: Nizamtaila, kangi nkatozesha milomo yakwe, ni mulongo, kangi ukweli uyu muntu nkana nawo;

1. Yohana 3:12

Viya vya Kaini sivyo, azaanduka kwa yuja mubada, azamkoma nduγuye. Kangi amkomele mbuli ani? Kuti miγoshwele yakwe ni mibada, miya ya nduγuye ni ya utanda.

1. Yohana 3:15

Kila mwemshuka mnduγu ywakwe ni mkoma wantu, kangi mwataila, kuti kila mkoma wantu nkana nkalamo ya kale na kale, ndiyo aikaile.

Yuda 1:6

Hata walau wabanilewo wenye ufuṅwa wawe, wakilawa kwawe kaya, azawashunga he lwiza na mazolo yekalama, kangwe nezewalahwe masa, uja mushi mkulu wa masa ukizabula.

Mfumbulo 12:9

Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 13:14

Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 2:10

Usheogohe viya, ndivyo ulumiziγwe! Kaula, yuja ṅwenye leba inywi kuṅwe neamigele mwe chumba, kangwe mγeziγwe, nezemwone ukiwa mishi kumi. Tozesha mpaka kufa! Ne ndivyo nikunke linga ja nkalamo.

Mfumbulo 21:8

Miya ndiwo wakivivilwa, washitozeshawo, waγenyezawo vibada, wampoko, watesi, washai, wavika fika, wamambeza woshe, fungu jawe ji muja mwe jiya ziwa jeaka moto na vibilitibiliti, ni kuγamba: Ni kifa cha mbili.

Mfumbulo 22:15

Uko se kuna makuli na washai na watesi na wampoko na wavika fika na woshe wakundilewo, kangi watendilewo mambeza.

Mfumbulo 9:11

Wana zumbe ywawe, ni mlau ywa kuzimu mweitangwa Kiebuleyo Abadoni, Kigiliki zina jakwe aitangwa Apoliyoni.