Yohana 8:19 - Kishambala New Testament 2005

¹⁹ Wazamuti: Isho a kuhi? Yesu azawalandula angwe: Imi nkamunitaila, hata Tate nkamumtaila; ati mwanitaila imi, Tate yohe mwangamtaila.

Yohana 8:19 ပူးပေါင်းရင်းမြစ်များ

Mateyo 11:25

Mishi Yesu azalonga kuγamba: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafishila, miya uzazifumbwila wankebe.

Yohana 1:10

Ne jii mumo mwe inu shi, kangi inu shi iumbiγwe ndijo, miya inu shi nkaijitaile.

Yohana 1:18

Muntu nkamwene Mulungu kale hoshe; ṅwanangwa avyelweye ike, ndiye akiikala na kukaambatwa ni ishe, ne atiγambileye.

Yohana 15:21

Miya ivi vyoshe newavimiγoshwele kwa mbuli ya zina jangu, hambu nkawamtaila anitumileye.

Yohana 16:3

Ivyoho newaγoshole, hambu nkawamtaila Tate, hata imi.

Yohana 17:3

Inu ni nkalamo ya kale na kale wakikutaila, kuti u Mulungu ike, kangi wakimtaila yuja, anitumileye, kuti ndiye Yesu Kilisito.

Yohana 7:28

Yesu azabilikila mwe vikilongwa na kufuza angwe: Kweli imi mwanitaila, mwataila, nikoanduka nako! Siizile kwa mbuli yangu, kuna mkweli anitumileye, mushimtailaye.

1. Wakolinto 15:34

Vilukai vyedi, mshezahana! Hambu kuṅwe nkawataila vya Mulungu. Nivilonga ivi, nimigele shoni.

Wagalatiya 4:9

Ivi lushe muhomtaila Mulungu, kangi muhotailwa ni Mulungu, muhituka zeze vituliu na kwe ija miko yeshowa nguvu, yeγenyeza ukiwa? Mukunda zeze kuitumikila vingi?

Waefeso 1:17

Namihembelezeza kwa Mulungu ywa Zumbe ywetu Yesu Kilisito, Tate mwe utana, aminke mpeho ya viyuγo na ya ufumbuzi, mtaile alivyo.

Wakolose 1:10

mtende myangile yedaha kumtamila Zumbe vitana, mtende kuwo ja kuγoshola ndima zoshe ntana, mwisiize kumtaila Mulungu.

Wakolose 1:15

Uyu afanana na Mulungu ṅwenye ashioniγwaye, avyelwe, vyumbo vyoshe vishizati viteγwe,

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.

1. Yohana 2:23

Kila mwemkeleza Ṅwana nkani, hata Tate nkana naye, miya mwemlanga Ṅwana cha sale, hata Tate ana naye.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

2. Yohana 1:9

Kila mwezisa, ashiyeanga sa viya, Kilisito ahinyizevyo, uyu Mulungu nkana naye; miya mweanga sa viya, Kilisito ahinyizevyo, uyu Tate ana naye, hata Ṅwanae.