Yohana 6:68 - Kishambala New Testament 2005

⁶⁸ Simoni Petelo azamlandula angwe: Zumbe, tihite na kwa ndai? Hambu mbuli uzolonga ni za nkalamo ya kale na kale.

Yohana 6:68 ပူးပေါင်းရင်းမြစ်များ

Mateyo 16:16

Simoni Petelo azahitula angwe: Iwe u Kilisito, ṅwana Mulungu mwe moyo.

Maliko 8:29

Ṅwenye azawauza: He inywi mγamba, kuti ni miyo ndai? Petelo azahitula angwe: Iwe u Kilisito Azawashunda,

Luka 9:20

Azawati: He inywi muγamba, kuti ni miyo ndai? Petelo azalonga angwe: U Kilisito ywa Mulungu.

Yohana 12:49

Hambu imi silongile vyangu ṅwenye, miya Tate anitumileye ne anilaγilizeye, ndivyo nibilikile, ndivyo nilonge.

Yohana 12:50

Nataila, kuti mlaγilizo wakwe ni nkalamo ya kale na kale. Nivyolonga, nivilonga sa viyaho Tate anilaγilizevyo.

Yohana 17:8

Hambu ziya mbuli, uninkilezo, nizaziwainka, wazazihokela, wazataila kweli, kuti nilawile kwako, wazatozesha, kuti iwe uzanituma.

Yohana 5:24

Kweli namiti: Mweiva mbuli yangu na kumtozesha anitumileye, ana nkalamo ya kale na kale, nkaingila mwe masa, miya kwe kifa azakulawa, azabula kwe nkalamo.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Yohana 6:63

Mpehongwa ne yeinka wantu nkalamo, ṅwili siwo, nkauna bontokelo. Mbuli ziya, nimiγambilezo, ni za kimpeho, ni za nkalamo.

Ntuṅwa 13:26

Waγoshi, wanduγu, mu wanangwa wa chengo cha Abulahamu, kangi wemwogoha Mulungu muna nawo, lushe inywi mzatumilwa mbuli ya uja uvunizi.

Ntuṅwa 4:12

Kuluhu akakuoneka uvunizi, kangi ishwi wantu kunu shi nkatiinkiγwe zina tuhu, ndijo tihonywiγwe najo.

Ntuṅwa 5:20

Hitai, mγoloke mwe vikilongwa, mubilikile mbalingwa mbuli zoshe za inu nkalamo!

Ntuṅwa 7:38

Uyu ne aangileye na jiya bumba ja watate zeshu mwe nyika haṅwe na yuja mlau alongileye naye mwe mulima wa Sinai, azainkwa mbulingwa ze moyo, aziminke;

Ntuṅwa 8:37

Filipo azamuti: Ati watozesha kwa moyo wako woshe, vitadahikana. Yuja azaitikila angwe: Natozesha kuti: Yesu Kilisito ni ṅwanangwa ywa Mulungu.