Yohana 6:37 - Kishambala New Testament 2005

³⁷ Vyoshe, Tate avyoninka, vyaiza kwangu, kangi mweiza kwangu, senimubente na se.

Yohana 6:37 ပူးပေါင်းရင်းမြစ်များ

Mateyo 11:28

Izai kwangu nyosheni mwepikapika na kuzwamilwa! Imi nitamishangalaza. Γuwai ngata yangu, muhinile mwangu!

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Yohana 17:11

Imi lushe simo mwe inu shi, miya waja wake mumu, imi naiza na kwako. Tate mṅazi, uwaγolokele waikale na zina jako, uninkilejo, kangwe waγaluke muṅwe, sa ishwi tivyo muṅwe!

Yohana 17:2

Sa viyaho umunkilevyo ufuṅwa wa vyoshe vye moyo, kangwe viya vyoshe, umunkilevyo, aviinke nkalamo ya kale na kale!

Yohana 17:24

Tate, nakunda, waja uninkilewo, wohe waikale haṅwe na imi haja, niliho, kangwe waone utana wangu, uninkilewo, hambu uzanikundisha, ngulu ngima ishizati itulwe.

Yohana 17:6

Zina jako nizajiwafumbwila waja wantu, uninkilewo kunu shi; ne wai wako, imi utewaninka, mbuli yako wazaiγolokela.

Yohana 6:39

Ivi ne yuja anitumileye avyokunda: Vyoshe, avyoninka, nishevimwazize, miya nivifufule mushi wa bindilizo.

Yohana 6:65

Azalonga: Kwa ivyoho nitamiγamba kuti: Nkakuna mwedaha kuiza kwangu, ati nkashungulwe ni Tate.

Yohana 9:34

Wazamlandula angwe: Iwe ṅwili wako woshe uvyelwe na uhuza, lushe iwe utifuze? Ne wahomshindika na se.

Waloma 5:20

Miya mulomongwa uzaingila gati, kangwe kubana kuγenele; miya uhuza uhoγenela, ne mbazi zihoisiiza kuhaγenela,

Wafilipi 1:29

Mwakundiziγwa, so kumtozesha Kilisito du, miya hata kulumiziγwa kwa mbuli yakwe, mkiomanyiγwa iyo nkondo, mweneyo,

1. Timoteyo 1:16

miya nizafilwa mbazi, kangwe mwe imi Kilisito Yesu aandiile kuonyesha uzizimizi woshe, niwaγalukile lwitangilo waja woshe, ndiwo nezewamtozeshe, wainkwe nkalamo ya kale na kale.

2. Timoteyo 2:19

Miya shikizi, Mulungu aikilejo, jiitoγile vivyoho, lwitangilo lwakwe shulu: Zumbe ataila wantu wakwe; kangi: Kila mwelanga zina ja Zumbe atowe ubada woshe hulu!

Waebuleyo 4:15

Hambu nkatina mvikizi mkulu ashinaye mbazi na manyonge yetu, hambu yohe azaγeziγwa na mbuli zoshe sa ishwi, kuti nkabanile.

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

1. Yohana 2:19

Wazalawa kwetu, miya nkawaanduka kwetu; hambu atiwaanduka kwetu, anga wazaikala na ishwi; miya kangwe wabunkuke, kuti nkawaanduka kwetu.

Mfumbulo 22:17

Mpehongwa na yuja bilumbu waγamba: Iza! Kangi ndiye aive, neaγambe: Iza! Mwena nkilu aize, mwekunda aleke mazi ya nkalamo bule du! Woshe, ndiwo waive mbuli za uteγanyi za ichi kitabu,