Yohana 6:27 - Kishambala New Testament 2005

²⁷ Tendai nkande! Miya ija yebanika siyo, ni ija yeikala mpaka kwe nkalamo ya kale na kale, ṅwanangwa ywa muntu ayominka, ija ndiyo. Hambu uyu Mulungu Tate azamshungula ivyoho.

Yohana 6:27 ပူးပေါင်းရင်းမြစ်များ

Mateyo 17:5

Akelonga, kuzaiza zunde, jina langaila, jizawagwishiliza mpungo, kangi muja mwe zunde muzalawa kanwa angwe: Uyu ni ṅwanangu, niyemkundisha, niyemtamilwa, mwivei!

Mateyo 25:46

Awa watahita kwe mlaho wa kale na kale, miya waja watanda watahita kwe nkalamo ya kale na kale.

Mateyo 3:17

kangi aho hazalawa kanwa mwe lwingu angwe: Uyu ni ṅwanangu, niyemkundisha, niyetamilwa ndiye.

Mateyo 6:19

Mshekiumbikile mali kunu shi! Hambu kunu zabindwa ni visaga na nkanga, kangi zafokolwa, zabaiγwa ni wabavi.

Mateyo 8:20

Yesu azamuti: Mpelele zina maleme, madeγe yeanga ulanga yana masasa, miya ṅwanangwa ywa muntu nkana ha ikila mutwi.

Maliko 1:11

Hata kanwa chizalawa mwe lwingu angwe: Iwe u ṅwanangu, niyekukundisha, natamilwa ni weyo.

Maliko 9:7

Kuzaiza zunde, jizawagwishiliza mpungo; muja mwe zunde muzalawa kanwa angwe: Uyu ni ṅwanangu, niyemkundisha, mwivei!

Luka 3:22

mpeho mṅazi azasheela aiγwile ṅwili, viya ni wa suwa, izamwikaila, kangi kanwa chizalawa mwe lwingu angwe: Iwe u ṅwanangu, niyekukundisha; natamilwa ni weyo.

Luka 9:35

Muja mwe zunde muzalawa kanwa angwe: Uyu ni ṅwanangu nimshaγuleye, mwivei!

Yohana 10:28

naziinka nkalamo ya kale na kale, nkezeziaγe kale na kale, nkakuna ndiye azipakule mwe mkono wangu.

Yohana 11:42

Miya niitaile kuti: Waniiva mishi yoshe; miya nivilongile kwa mbuli ya awa wantu weγoloka aha na kunidenganila, kangwe watozeshe, kuti uzanituma.

Yohana 14:6

Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Yohana 15:24

Ati siγoshole kwawe ziya ndima, mtuhu ashiγosholezo, anga nkawana uhuza; miya lushe wazaziona, kangi wanishuka imi, hata Tate;

Yohana 17:2

Sa viyaho umunkilevyo ufuṅwa wa vyoshe vye moyo, kangwe viya vyoshe, umunkilevyo, aviinke nkalamo ya kale na kale!

Yohana 3:15

kangwe kila mwemtozesha ainkwe nkalamo ya kale na kale.

Yohana 3:33

Mwehokela uwona wakwe, avilongela uwona, kuti Mulungu ni mkweli.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Yohana 6:47

Kweli namiti: Mwetozesha ana nkalamo ya kale na kale.

Yohana 6:51

Imi ni nkande ya moyo ilawileyo mwe lwingu; ati muntu aja inu nkande, atatenda nkalamo ya kale na kale. Nkande, ndiyo niminke, ni ṅwili wangu weinkilwa, kangwe inu shi itende nkalamo.

Yohana 6:53

Yesu azawati: Kweli namiti: Ati nkemuje ṅwili wa ṅwanangwa ywa muntu, ati nkemunywe mpome yakwe, nkamna nkalamo kwenyu.

Yohana 6:54

Mweja ṅwili wangu, mwenywa mpome yangu, ana nkalamo ya kale na kale, nami nitamfufula mushi wa bindilizo.

Yohana 6:58

Inu ni nkande ilawileyo mwe lwingu, so sa viyaho vya waishe zenyu wajilevyo, kangi wazafa. Ndiye aje inu nkande, atatenda nkalamo ya kale na kale.

Yohana 6:62

He ati mwamwona ṅwanangwa ywa muntu, akikwela na kuja, ndiko akiikala?

Yohana 6:68

Simoni Petelo azamlandula angwe: Zumbe, tihite na kwa ndai? Hambu mbuli uzolonga ni za nkalamo ya kale na kale.

Yohana 8:18

Imi nakilongela ṅwenye uwona, kangi Tate anitumileye anilongela uwona.

Ntuṅwa 10:38

ni ija ya Yesu ywa Nazaleti; uyu Mulungu azamwambwila mpeho ṅazi na nguvu, azaanga na kufila wantu mbazi, azahonya woshe wavotiγwewo ni yuja ṅwenye leba, hambu Mulungu azaanga naye.

Ntuṅwa 2:22

ivai izi mbuli: Yesu ywa Nazaleti azatailikana kwenyu, kuti aanduka kwa Mulungu, kwa viya vye nguvu na viya vilozo na viya vimaka, aγosholevyo, kangi ni Mulungu ṅwenye aviγosholeye naye he mesho yenyu, sa muvyotaila wenye.

Waloma 4:11

Lwitangilo lwa kushengwa azaluγuwa, viya ni guha ja uja utanda, awona nawo haja akitozesha, ashizati ashengwe, kuunga aγaluke baba ywa waja woshe wegomba kutozesha kishikushengwa, kangwe watalwe utanda.

Waloma 6:23

Hambu upokezi wa uhuza ni kufa, miya mbazi, Mulungu azotifiila mwe Kilisito Yesu, Zumbe ywetu, ni nkalamo ya kale na kale.

1. Wakolinto 6:13

Nkande ni za ifu; kangi ifu ni ja nkande, Mulungu ne ndiye abane vyoshe vili; miya ṅwili so wa kilanga, ni wa Zumbe, kangi Zumbe ni ṅwenye ṅwili.

1. Wakolinto 9:2

Ati watuhu imi si ntuṅwa yawe, miya inywi ni ntuṅwa yenyu; kangi inywi mu lwitangilo, kuti nigimbikwe ntuṅwa ni Zumbe.

2. Wakolinto 4:18

tikisheolela viya vyeoniγwa, miya Ukiolela viya vishioniγwavyo; hambu vyeoniγwa ni vya ivi lushe du, miya vishioniγwavyo ni vya kale na kale.

Wagalatiya 5:6

Hambu tikianga na Kilisito, vyetinka nguvu so kushengwa, so kusheshengwa, miya ni mitozesheze yebontoka na kukundishana.

Wafilipi 2:13

Hambu Mulungu alekileye, mkinakunda, ne ndiye aleke, mkizabontola, sa avyotamilwa ṅwenye.

Wakolose 1:29

Ne nivyokionya lulali nikihimila inu mbuli kwa uja ufuṅwa wakwe wenigela nguvu.

Wakolose 2:22

vitoziγwe ni wantu, vihanike; ivi ni vitigo na miko ya kimuntu.

Wakolose 3:2

Tongonyezal viya vya lwingu, mshetongouyeze vya Inu shi!

1. Watesalonike 1:3

nkatidila kukumbuka tii ha Mulungu, Tate yweshu, ndima yenyu, muyoγoshola na kutozesha, na lulali lwenyu, muloona kuγamba: Tikundishane!, na uzizimizi wenyu, muwomwalila nawo Zumbe Yesu Kilisito he mesho ya Mulungu, Tate yweshu.

2. Timoteyo 2:19

Miya shikizi, Mulungu aikilejo, jiitoγile vivyoho, lwitangilo lwakwe shulu: Zumbe ataila wantu wakwe; kangi: Kila mwelanga zina ja Zumbe atowe ubada woshe hulu!

Waebuleyo 12:16

Kusheoneke mtesi ao mubela Mulungu sa Esau ataγileye ukulu wakwe kwa mbuli ya nkande!

Waebuleyo 4:11

Lushe netikihime, tiingile kwe jiya hemelo, kangwe kusheoneke muntu mweazaγanyiγwa ni uwo msimo wa kusheitika!

Yakobo 1:11

Zuwa jikicha, jikiaka na nguvu, janyulusha matundu, lushe luwa jitagwa, utana wa shula yakwe utabanika, vivyoho hata mzuli atazanyulukila mwe ntambo zakwe.

1. Petelo 1:24

Kwa kuti vyoshe vye moyo vifanana na mani, utana wawe woshe ufanana na maluwa ya tunduwi, mani yakalaγala, maluwa yadahuka,

2. Petelo 1:17

Hambu azashimilwa, azagimbikwa ni ishe Mulungu haja, akizalawila ni ichi kanwa chilawilecho kwe uja uṅazi ukulu muno cha kuγamba: Ṅwanangu niyemkundisha ni uyu, ne mwenitamila: