Yohana 5:17 - Kishambala New Testament 2005

¹⁷ Yesu azawalandula angwe: Tate aγoshola ndima mpaka ivi lushe, nami naγoshola ndima.

Yohana 5:17 ပူးပေါင်းရင်းမြစ်များ

Mateyo 10:29

Vikwele vili nkaviγulwa kasenti kaṅwe? Kangi ṅwiyae ywawe muṅwe du nkakina na shi, ishe ywenyu aishikundile.

Yohana 10:36

Tate aniṅazizeye, anitumileye mwe inu shi, inywi mtanilonga kuti: Wamweza Mulungu, kuti nizalonga: Ni ṅwana Mulungu?

Yohana 14:10

Nkutozesha kuti: Imi niyaangilana na Tate, kangi Tate aangilana na imi? Mbuli, nizomilonga, sizilonga kwa imi ṅwenye. Tate mweikala kwangu yuja aγoshola ndima zakwe.

Yohana 5:16

Ne vilekilevyo, Wayuda wakimlonda Yesu, kuti azaviγoshola mushi wa sabato.

Yohana 5:18

Kwa ivyoho Wayuda wazaisiiza kulonda ndivyo wamkome, kwa kuti nkabanile kitigo cha Sabato du, miya kwa kuti azamwitanga Mulungu, kuti ni ishe ṅwenye, kwa kuti azakiliγanyanya na Mulungu.

Yohana 9:4

Ishwi shuti tiγoshole ndima za yuja anitumileye, kuke mushi, hambu kilo chaiza, ne nkahana ndiye adahe kuγoshola ndima.

Ntuṅwa 14:17

Kangi nkalekile ashetailikike kwenyu, hambu azamifila mbazi, aakaminka fula yeanduka mwe lwingu na mishi ya ulozo, myoyo yenyu azaiiγusha nkande na nyemi.

Ntuṅwa 17:28

Hambu mwe uyu ne timo moyo, ne timovuviγwa, ne tilimo, sa wenyu kuṅwe watuzilevyo maimbo wakiγamba: Ti mbah yakwe.

1. Wakolinto 12:6

Hata nguvu zazinkana, miya Mulungu mwegela vyoshe nguvu kwa wantu woshe ni yuyo muṅwe.

Wakolose 1:16

hambu mwe uyu ne vintu vyoshe viumbiγwemo, viya vye mwe lwingu na vye kunu shi, vyeoniγwa na vishivyooniγwa, ati ni vitivya kizumbe, ati ni vitala, ati ni uzumbe, ati ni ufuṅwa, vyoshe viumbiγwe ndiye, kangi vyamlala.

1. Watesalonike 2:13

Kwa inu mbuli nkatidila kumlaviliza Mulungu ntogolo kuti: Mzaiva mbulingwa ya Mulungu, tikiibilikila, mzaihokela, viya so mbuli ya muntu, miya ivyo kweli mbulingwa ya Mulungu mwetenda nguvu kwenyu, mkitozesha.

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.