Yohana 3:16 - Kishambala New Testament 2005

¹⁶ Hambu Mulungu azaikundisha inu shi, akimwinkila ṅwanae mwe ike, kangwe ndiye amtozeshe ashezaaγa, miya nezeainkwe nkaiamo ya kale na kale.

Yohana 3:16 ပူးပေါင်းရင်းမြစ်များ

Mateyo 9:13

Tailai bontokelo ja iyo mbuli ya kuγamba: Nakunda mbazi, sikunda ṅombe za mviko! Hambu siizile, niitange watanda, niizile niitange wahuza.

Maliko 12:6

Ne aina ṅwanae muṅwe, ayemkundisha; kushilikiza azamtuma na kwawe angwe: Uyu ṅwanangu newaingilwe ni shoni naye.

Luka 2:14

Utana ni wa Mulungu mwe lwingu, mwe shi utondolo kwa wantu wemtamila!

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:18

Muntu nkamwene Mulungu kale hoshe; ṅwanangwa avyelweye ike, ndiye akiikala na kukaambatwa ni ishe, ne atiγambileye.

Yohana 1:29

Keloi jakwe Yohana azamwona Yesu, akiiza kwakwe, ne aholonga: Shuyu ṅwangoto ywa Mulungu mweusha masa ya ngulu ngima!

Yohana 10:28

naziinka nkalamo ya kale na kale, nkezeziaγe kale na kale, nkakuna ndiye azipakule mwe mkono wangu.

Yohana 3:15

kangwe kila mwemtozesha ainkwe nkalamo ya kale na kale.

Yohana 3:18

Mwemtozesha nkalahwa, ashitozeshaye aibindile kulahwa, kwa kuti nkatozeshe zina ja ṅwanangwa ywa Mulungu mwe ike.

Yohana 3:36

Mwemtozesha ṅwanangwa ana nkalamo ya kale na kale; mwemupapalika ṅwanangwa nkeaone nkalamo, miya maya ya Mulungu yatamwikaila.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Waloma 5:10

Hambu timtemekelwe Mulungu ni kufa kwa ṅwanae, tike wankulu wakwe, lushe ivyo tatemekelwavyo, titahoufyiγwa ni nkalamo yakwe.

Waloma 5:8

Mulungu kikundishize chakwe ṅwenye, achotikundisha nacho, achilaviliza na aho kuti: Kilisito azafa kwa mbuli ya ishwi, tike wahuza.

Waloma 8:32

Kangi nkalimbike ṅwanae, miya azamlavya kwa mbuli ya ishwi tosheni, ashetinke naye vyosheni vya mbazi?

Waefeso 2:4

Miya Mulungu uzuli wakwe ni utungu, ne vyeleka, lukundisho lwakwe alotikundisha nalo ni lungi,

2. Watesalonike 2:16

Miya Zumbe Yesu Kilisito ṅwenye na Mulungu, Tate yweshu, mwetikundisha, mwetinka kwa mbazi du mhembulizo wa kale na kale na kialilo kitana,

Tito 3:4

Ne uhozu na ukuwi wa mhonya ywetu Mulungu utilawileho,

Waebuleyo 2:9

Ivi lushe nkatizati tione kuti: Vyoshe vyamwitika. Kuja kuγamba: Azashiγazwa hadodo, afanane na walau, taona, vizabontoka kwa Yesu, akifa na kulumiziγwa, kangi akibinda azahambiγwa na utana, azagimbikwa, kangwe icho kifa achimdomelele kila muntu kwa mbazi ya Mulungu.

1. Yohana 3:1

Olelai, Tate avyotikundisha, tikiitangwa wana Mulungu! Kangi ishwi ndiwo. Ne vyeleka, imi shi ikishetitaila, kwa kuti nkaimtaila yuja.

1. Yohana 4:19

Netimkundishe! Hambu yuja azalongola kutikundisha.

Mfumbulo 1:5

kangi ni mpeho yeanduka kwa Yesu Kilisito; uyu ni mwona mwe kweli, ni mulimbulo wa wafilewo, ni mweγolokela wazumbe wa shi. Azatikundisha, azatihaka na mpome yakwe,