Yohana 3:15 - Kishambala New Testament 2005

¹⁵ kangwe kila mwemtozesha ainkwe nkalamo ya kale na kale.

Yohana 3:15 ပူးပေါင်းရင်းမြစ်များ

Mateyo 18:10

Oleleshai, awa wadodo mshezabela ṅwiyae ywawe muṅwe! Hambu namiti: Walau wawe mwe lwingu nkawadila kuona cheni cha Tate mweikala mwe lwingu.

Mateyo 25:46

Awa watahita kwe mlaho wa kale na kale, miya waja watanda watahita kwe nkalamo ya kale na kale.

Maliko 16:16

Mwetozesha akibatizwa atazavunilwa; ndiye ashetozeshe atazalahwa.

Luka 19:10

Hambu ṅwanangwa ywa muntu aizile kwa londa na kuvunila viya viaγilevyo.

Yohana 1:12

Miya woshe wamhokelewo azawainka ufuṅwa wa kuγaluka wanangwa wa Mulungu, ni waja watozeshewo zina jakwe.

Yohana 16:33

Izi mbuli nizazimiγambila, kangwe mwonele mwangu mpolele. Mwe inu shi munaukiwa, miyatoγwai nimyoyo! Hambu nizaivota inu shi.

Yohana 20:31

Izi zigondiγwe, kangwe mtozeshe kuti: Yesu ni Kilisito, ṅwana Mulungu, kangwe kuja kutozesha kwenyu mwonele nako nkalamo ye mwe zina jakwe.

Yohana 3:16

Hambu Mulungu azaikundisha inu shi, akimwinkila ṅwanae mwe ike, kangwe ndiye amtozeshe ashezaaγa, miya nezeainkwe nkaiamo ya kale na kale.

Yohana 3:36

Mwemtozesha ṅwanangwa ana nkalamo ya kale na kale; mwemupapalika ṅwanangwa nkeaone nkalamo, miya maya ya Mulungu yatamwikaila.

Yohana 5:24

Kweli namiti: Mweiva mbuli yangu na kumtozesha anitumileye, ana nkalamo ya kale na kale, nkaingila mwe masa, miya kwe kifa azakulawa, azabula kwe nkalamo.

Yohana 6:27

Tendai nkande! Miya ija yebanika siyo, ni ija yeikala mpaka kwe nkalamo ya kale na kale, ṅwanangwa ywa muntu ayominka, ija ndiyo. Hambu uyu Mulungu Tate azamshungula ivyoho.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Yohana 6:47

Kweli namiti: Mwetozesha ana nkalamo ya kale na kale.

Ntuṅwa 13:41

vikiγangwa: Inywi wahezi, violelei, vimakei, mkaaγe! Hambu mwe inu mishi yenyu naγoshola ndima, inu ndima, ati muntu aimishimwela du, anga nkamtozesha.

Ntuṅwa 8:36

Wakihita sila du, wazabula he mazi, ne yuja mfuṅwa ahomγamba: Kaula, aha hana mazii Vyefingiza, nishebatizwe, ni mbwai?

Waloma 5:21

kangwe sa viyaho uhuza utozizevyo uzumbe kwa nguvu ya kifa, vivyoho mbazi zitoze uzumbe kwa nguvu ya utanda mpaka kwe nkalamo ya kale na kale kwa mbuli ya Yesu Kilisito, Zumbe ywetu.

1. Wakolinto 1:18

Hambu mbuli ya kukoṅwa kwa Yesu ni udashi kwa waja webanika, kwa ishwi tehonyiγwa, ni nguvu ya Mulungu.

2. Wakolinto 4:3

Ati ulau wetu wohe uifishiγwe, ufishiliziγwe waja weaγa;

Wagalatiya 2:16

Muntu nkaγaluka mtanda, kuti aγoshola mulomongwa, miya aγaluka mtanda aho du akimtozesha Kilisito Yesu; kwa inu mbuli hata ishwi tamtozesha Kilisito Yesu, kangwe tiγaluke watanda, kuti tamtozesha, so kwa kuti taγoshola mulomongwa, hambu nkahana muntu mweγaluka mtanda na kuγoshola muiomongwa.

Wagalatiya 2:20

kangi ni moyo, miya si miyo ṅwenye, Kilisito ne mwe moyo mwe ṅwili wangu; ivyo nivyoaugila lushe kunu shi, niviangila na kumtozesha ṅwanangwa ywa Mulungu, ndiye akinikundisha, ndiye akikiinkila ṅwenye kwa mbuli ya bui.

Waebuleyo 10:39

Miya ishwi siwo teuya na nyuma, tikihose, miya titozesha, kangwe tihonye myoyo yetu.

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

1. Yohana 2:25

Kangi msuhi, ṅwenye atinkilewo, ni nkalamo ya kale na kale.

1. Yohana 5:1

Kila mwetozesha kuti: Yesu ni Kilisito, aivyelwe ni Mulungu, kangi kila mwemkundisha muvyazi ywakwe amkundisha hata ṅwiyae mwevyalwa ndiye.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.