Yohana 21:22 - Kishambala New Testament 2005

²² Yesu amuti: Ati imi nakunda, aikale, mpaka nikizaiza, iwe una mbwai navyo?

Yohana 21:22 ပူးပေါင်းရင်းမြစ်များ

Mateyo 16:24

Ne Yesu aholonga wahina wakwe angwe: Ati muntu akunda kunitongela, shuti akilemeze ṅwenye, ainule muti wakwe wa kukomelwa, ne ndivyo adahe kunitongela.

Mateyo 24:27

Hambu sa viyaho lumuli luvyolawa kuja kwelawa zuwa lukimulika he lwingu lwoshe mpaka kuja kweingila zuwa, ne ndivyo kuuya kwa ṅwanangwa ywa muntu kulawile.

Mateyo 24:3

Akiikala he mulima wa miziyaγembe, wahina wakwe wazamlawila he njama angwe: Utiγambile, ati ni lini, ziya mbuli zikizabontoka! Kangi lwitangilo lwa kuuya kwako na lwa bindilizo ja inu ngulu ngima yoshe ni luhi?

Mateyo 24:44

Kwa ivyoho hata inywi kiteγei! Hambu ṅwanangwa ywa muntu atazaizila, mushihomwafiza.

Mateyo 25:31

Aho ndiho ṅwanangwa ywa muntu nezeaizile na utana wakwe haṅwe na walau wosheni, ne ndiho aikale mwe kiti cha utana wakwe.

Mateyo 8:22

Yesu azamuti: Nitongela, uleke, wafilewo wazike weyae wawe wefa!

Maliko 9:1

Azawati: Kweli aamiti: Awa weγoloka aha, weyae wawe kuṅwe nkewaone kifa, shuti waneona uzumbe wa Mulungu, ukiiza na nguvu.

Yohana 21:19

Inu mbuli ailongile, kangwe amwonyeshe mifiile, ndiyo amgimbike Mulungu nayo. Akibinda kulonga ivi, amti: Nitongela!

Yohana 21:21

Petelo akimwona uyu amγamba Yesu: Zumbe, uyu ana mbwai?

1. Wakolinto 11:26

Hambu aho muhokajiila unu mgate, aho muhokanyweela ichi kinywelo, mwabilikila kifa cha Zumbe, mpaka ndiho nezeaizile!

1. Wakolinto 4:5

Kwa ivyoho mshelahe mbuli mishi inu, mpaka Zumbe akizaiza! Uyu ne ndiye alavye na weluwi vifishiγwevyo mwe lwiza, ne ndiye abunkule ntongonyezi za myoyo; ne ndiho kila muntu nezeainkwe ntogolo ni Mulungu.

1. Watesalonike 2:19

Hambu kialilo chetu na nyemi yetu na linga jetu, tijokiombola najo, ni mbwai, Zumbe ywetu Yesu ahozalawila, ati si nywiyo wenye?

Yakobo 5:7

Wanduγu, afizai na kuzizimiza kuuya kwa Zumbe! Olelai, mulimi avyoafiza matunda ya shi yena kima! Aγoja na kuzizimiza, mpaka fula ya vuli na ya ṅwaka igwe.

Yakobo 5:8

Hata inywi γojai na kuzizimiza, mshikize myoyo yenyu! Hambu kuuya kwa Zumbe ku hebi.

Mfumbulo 1:7

Shuyuja, aiza mwe mazunde, mesho yoshe nezeyamwone, hata waja, ndiwo wakimshoma, mbali zoshe za shi nezezimlilile. Ivi ni kweli. Amini.

Mfumbulo 2:25

Komo muvyona navyo muvitoze, mpaka ndiho nezeniizile!

Mfumbulo 22:20

Mwevilongela uwona aγamba: Kweli naiza nguzu. Amini; iza, Zumbe Yesu!

Mfumbulo 22:7

Shimi! Naiza nguzu! Mwe nyemi ni yuja mwetozesha mbuli za uteγanyi za ichi kitabu!

Mfumbulo 3:11

Naiza nguzu tozesha viya, uvyona navyo kangwe muntu ashezakuhoka linga jako!