Yohana 21:15 - Kishambala New Testament 2005

¹⁵ Wakibinda kukishashula, Yesu amγamba Simoni Petelo: Simoni, ṅwana Yohana, wanikundisha kuzinka awa? Angwe: Ehe, Zumbe! Iwe wataila, kuti nakukundisha. Angwe: Lisha viγoto vyangu!

Yohana 21:15 ပူးပေါင်းရင်းမြစ်များ

Mateyo 10:37

Mwemkundisha ishe ao nine kunizinka imi, nkanitala; kangi mwemkundisha ṅwanae ywa kiγoshi ao ywa kivyele kunizinka imi, nkanitala.

Mateyo 16:17

Yesu azamwitikila angwe: Simoni, ṅwana Yohana, una nyemi! Hambu vye nyama na mpome nkavikufumbwile inu mbuli, ni Tate mweikala mwe lwingu.

Mateyo 18:10

Oleleshai, awa wadodo mshezabela ṅwiyae ywawe muṅwe! Hambu namiti: Walau wawe mwe lwingu nkawadila kuona cheni cha Tate mweikala mwe lwingu.

Mateyo 26:33

Petelo azamlandula angwe: Ati woshe waihilwa ni weyo, imi seniihilwe.

Mateyo 26:35

Angwe ni Petelo: Hata nikibuza kukoṅwa haṅwe na iwe sezenikele nkani kuti: Si ywako! Wahina woshe wazalonga ivyoho.

Maliko 14:29

Petelo azamuti: Ati woshe waihilwa, miya imi seniihilwe.

Luka 12:32

Usheogohe, iwe kafyo kadodo! Hambu ishe ywenyu atamilwa ni kuminka uja uzumbe.

Luka 22:32

Miya imi nizakuhembelezeza, mitozesheze yako isheaγe; kangi iwe aho, ndiho nezeuhitukile, ugele wanduγu wako nguvu!

Yohana 1:42

Azamwiγala kwa Yesu. Yesu azamwolela angwe: Iwe u Simoni, ṅwana Yohana, neuitangwe Kefa, ni kuγamba Petelo (ao kungu).

Yohana 13:37

Petelo amuti: Zumbe, nini nikishedaha kukutongela lushe? Nenikiinkile kwa mbuli ya iwe!

Yohana 16:27

Hambu Tate ṅwenye amikundisha, kwa kuti inywi mzanikundisha, mzatozesha, kuti imi nilawile kwa Tate.

Yohana 21:12

Yesu awati: Izai na kunu, mkishashule! Waja wahina nkakuna atozizeye moyo kumwuza: Iwe u ndai? Hambu wazataila, kuti ni Zumbe.

Yohana 21:7

Yuja mhina, Yesu amkundisheye, azamuti Petelo: Ni Zumbe yuja! Simoni Petelo akiiva, kuti ni Zumbe, azakanta nkazu yakwe, hambu ne ai bule, azalumbila na mwe bahali.

Yohana 8:42

Yesu azawati: Ati Mulungu ni ishe ywenyu, mwanganikunda. Hambu imi nilawile kwa Mulungu, ne nikoanduka;

Ntuṅwa 20:28

Kiγolokelei wenye na ifyo gima, Mpeho mṅazi amigimbikilejo waolezi, mulishe bumbangwa ja Mulungu, amotilejo na mpome yakwe ṅwenye!

Ntuṅwa 20:29

Nataila kuti: Nikibinda kuhita, nekuingile mashuwi makali kwenyu yashinayo mbazi na iji ifyo.

Waloma 14:1

Muntu mwena kutozesha kunyonge mumanyei!

Waloma 15:1

Ishwi wanguvu vyatiagiza kuzizimiziza manyonge ya waja weshowa nguvu, tishekitamile wenye.

1. Wakolinto 8:11

Ivyoho yuja mnyonge ahosiγwa ni mitailile yako, kangi ni mnduγu, hata kwa mbuli yakwe Kilisito azafa.

Wagalatiya 5:6

Hambu tikianga na Kilisito, vyetinka nguvu so kushengwa, so kusheshengwa, miya ni mitozesheze yebontoka na kukundishana.

Waefeso 4:14

Tishezaikala tumala kinkebe tikivuviγwavuviγwa, tikizungulushiγwa ni mbuli, wantu wazohinya, zikihitukila sa mpeho yekunta, hambu ni za lwufyo na za mihembo ya wantu, kangwe watiazaγanye na minyanyi.

Waefeso 6:24

Mbazi iikaile woshe wemkundisha Zumbe ywetu Yesu Kilisito na kusheleγela! Amini.

Waebuleyo 13:20

Zumbe ywetu Yesu Kilisito, yuja mulishi mkulu ywa ngoto, Mulungu ṅwenye utondolo azamlavya ha wafilewo kwa nguvu ya mpome ya kilaγa chekalama.

Waebuleyo 4:13

Nkahana che moyo chishichobunkulwa ndiye; akiolela, vyoshe vi lushi, viya vitekizuia; mbuli ya uyu ne tiyolonga.

1. Petelo 1:8

Uyu nkamumwene, kangi mwamkundisha; hata mkishemwona, mwamtozesha vivyoho; kwa inu mbuli nezemulinge kwa nyemi ishiyodahikana kulongwa;

1. Petelo 2:2

Sa vizana vivyelwevyo mishi inu, timilai mele ya kweli yashiyohosa, mkuziγwe ndiyo, mpaka mvunilwe, ati mzaandiila kuona kuti:

1. Petelo 2:25

Hambu ne mkifanana na ngoto ziaγilezo, miya lushe mzahitulwa na kwa mulishi na mwolezi ywa myoyo yenyu.

1. Yohana 4:19

Netimkundishe! Hambu yuja azalongola kutikundisha.

1. Yohana 5:1

Kila mwetozesha kuti: Yesu ni Kilisito, aivyelwe ni Mulungu, kangi kila mwemkundisha muvyazi ywakwe amkundisha hata ṅwiyae mwevyalwa ndiye.

Mfumbulo 2:23

Wanae neniwakome, wafe, mabumba yoshe yataile, kuti imi nabunkula fiγo na myoyo, kuti nezenimwuzize kila muntu, sa ndima zakwe zilivyo.