Yohana 21:12 - Kishambala New Testament 2005

¹² Yesu awati: Izai na kunu, mkishashule! Waja wahina nkakuna atozizeye moyo kumwuza: Iwe u ndai? Hambu wazataila, kuti ni Zumbe.

Yohana 21:12 ပူးပေါင်းရင်းမြစ်များ

Mateyo 22:46

Nkakuna adahileye kumlandula mbuli, kangi kuandiila uja mushi nkakuna atozizeye moyo kumwuza mbuli.

Maliko 9:32

Miya waja nkawataile inu mbuli, kangi wazaogoha kumwuza.

Luka 9:45

Miya waja nkawataile inu mbuli, viya itefishiγwa, isheingile mwe mashikilo yawe, washeiive, kangi wazaogoha kumwuza inu mbuli.

Yohana 16:19

Yesu akitaila, kuti wazakunda kumwuza, azawati: Mwuzanya kwa inu mbuli, kuti nizalonga: Mishi miγeke ikizinka, nkemunione; vituhu hakizinka mishi miγeke, nemunione?

Yohana 21:11

Simoni Petelo azahita, azahuna lwavu na mpwai, luna nyama nkulu muno gana na milongo mishano na ntatu; hata zikiγenela ivyoho, lwavu nkaludwikile.

Yohana 21:15

Wakibinda kukishashula, Yesu amγamba Simoni Petelo: Simoni, ṅwana Yohana, wanikundisha kuzinka awa? Angwe: Ehe, Zumbe! Iwe wataila, kuti nakukundisha. Angwe: Lisha viγoto vyangu!

Yohana 4:27

Vikibula aho, wahina wakwe wazaiza, wazamaka, kuti alonga na mvyele; miya nkakuna alongileye kuti: Ulondai ao ulongai naye?

Ntuṅwa 10:41

miya so wantu woshe, ni waja waona du washaγulwewo aho kale ni Mulungu, ni shwiyo tijilewo naye, kangi tinywelewo naye, akibinda kufufuka kwa wafilewo.