Yohana 20:26 - Kishambala New Testament 2005

²⁶ Mishi mnane ikizinka, wahina wakwe wazaunganaha vituhu mwe ija nyumba, hata Toma a haṅwe nawo; nyuvi ziizuγalwe vivyoho, ne Yesu ahoiza, azaγoloka gati angwe: Mpeho na inywi!

Yohana 20:26 ပူးပေါင်းရင်းမြစ်များ

Mateyo 17:1

Mishi mtandatu ikizinka, Yesu azamγuwa Petelo na Yakobo na nduγuye Yohana, azawakweza mwe ntuli nde, wai wenye du.

Maliko 16:14

Kushilikiza azawalawila waja kumi na muṅwe, wakija nkande; azawashunda kwa mbuli ya kushetozesha kwawe na ya ntoγo za myoyo yawe, kwa kuti nkawatozeshe mbuli za waja wamwenewo kuti: Azafufuka.

Luka 24:36

Wakilonga izi mbuli, ṅwenye azaγoloka gatigati kwawe, azawati: Mpeho na inywi!

Luka 9:28

Akibinda kulonga izi mbuli, hakizinka, ati ni mishi mnane, azamγuwa Petelo na Yakobo na Yohana, azakwela nawo mwe ntuli kwa vika.

Yohana 11:16

Toma mweitangwa Mpasha azawati wahina weyae: Netihite neshwi, tikakoṅwe haṅwe naye!

Yohana 14:27

Namiashiliza mpolele, mpolele yangu naiminka; kangi imi siminka, sa inu shi ivyominka; myoyo yenyu ishetende futofuto, Ishevivilwe!

Yohana 20:19

Lwa ṅwiyaγulo uja mushi wa bosi wa sikunkulu wahina wazaunganana, miya nyuvi ziizuγalwe muja, walimo, kwa mbuli ya woγa na Wayuda. Aho Yesu azaiza, azaγoloka gati, azawati: Mpeho na inywi!

Yohana 20:21

Yesu azawati vituhu: Mpeho na inywi! Sa Tate anitumilevyo, ne imi nami nivyomituma.

Yohana 21:1

Ziya mbuli zikibontoka, Yesu azalawila waja wahina vituhu he bahali ya Tibeliya. Awalawilevyo ni iviho:

Yohana 21:14

Ako ni ka ntatu, Yesu akilawila waja wahina akibinda kufufuka.

Ntuṅwa 1:3

Kangi ni waja, aonyeshewo na ntangilo nyingi haja akibinda kulumiziγwa, kuti a moyo; aakawalawila mishi milongo mine akiwaukwila viya vya uzumbe wa Mulungu.