Yohana 20:19 - Kishambala New Testament 2005

¹⁹ Lwa ṅwiyaγulo uja mushi wa bosi wa sikunkulu wahina wazaunganana, miya nyuvi ziizuγalwe muja, walimo, kwa mbuli ya woγa na Wayuda. Aho Yesu azaiza, azaγoloka gati, azawati: Mpeho na inywi!

Yohana 20:19 ပူးပေါင်းရင်းမြစ်များ

Mateyo 10:13

Ati iyo nyumba yamiagiza, mpolele yenyu itaiikaila; ati nkaimiagiza, ija mpolele itamiuyiya.

Mateyo 18:20

Hambu ndiho waili ao watatu waunganane kwa gimbika zina jangu, imi ni haho.

Maliko 16:14

Kushilikiza azawalawila waja kumi na muṅwe, wakija nkande; azawashunda kwa mbuli ya kushetozesha kwawe na ya ntoγo za myoyo yawe, kwa kuti nkawatozeshe mbuli za waja wamwenewo kuti: Azafufuka.

Yohana 14:27

Namiashiliza mpolele, mpolele yangu naiminka; kangi imi siminka, sa inu shi ivyominka; myoyo yenyu ishetende futofuto, Ishevivilwe!

Yohana 16:22

Hata inywi muna ukiwa ivi lushe; miya nenimione vituhu, ne ndiho myoyo yenyu itamilwe, kangi iyo nyemi nkakuna ndiye aimihoke.

Yohana 16:33

Izi mbuli nizazimiγambila, kangwe mwonele mwangu mpolele. Mwe inu shi munaukiwa, miyatoγwai nimyoyo! Hambu nizaivota inu shi.

Yohana 20:21

Yesu azawati vituhu: Mpeho na inywi! Sa Tate anitumilevyo, ne imi nami nivyomituma.

Yohana 20:26

Mishi mnane ikizinka, wahina wakwe wazaunganaha vituhu mwe ija nyumba, hata Toma a haṅwe nawo; nyuvi ziizuγalwe vivyoho, ne Yesu ahoiza, azaγoloka gati angwe: Mpeho na inywi!

Yohana 21:1

Ziya mbuli zikibontoka, Yesu azalawila waja wahina vituhu he bahali ya Tibeliya. Awalawilevyo ni iviho:

Yohana 21:14

Ako ni ka ntatu, Yesu akilawila waja wahina akibinda kufufuka.

Yohana 7:13

Miya nkakuna alongileye mbuli yakwe cha sale kwa kuogoha Wayuda.

Ntuṅwa 1:3

Kangi ni waja, aonyeshewo na ntangilo nyingi haja akibinda kulumiziγwa, kuti a moyo; aakawalawila mishi milongo mine akiwaukwila viya vya uzumbe wa Mulungu.

Waloma 15:33

Mulungu mwetiikaza mpeho, aikale na inywi nyoshe! Amini.

1. Wakolinto 15:5

Azanamlawila Kefa, vikibinda waja kumi na waili.

Waefeso 2:14

Uyu ni mwivano wetu, hambu yaja mabumba maili azayaγalusha iṅwe akichakula luja lukindo, ndilo lwiwatanyize akiusha nkulu yawe,

Waefeso 6:23

Mpeho na wanduγu, watende lukundishano na mitozesheze yeanduka kwa Mulungu Tate na kwa Zumbe Yesu Kilisito!

Wafilipi 1:2

Mbazi imiikaile, na mpeho yeanduka kwa Mulungu, Tate yweshu, na kwa Zumbe Yesu Kilisito!

2. Watesalonike 3:16

Zumbe ṅwenye mwedaha kutundwaza aminke mpolele koshe koshe mwe mbuli zoshe! Zumbe aikale na inywi nyoshe!

Waebuleyo 7:2

Abulahamu azamupangila fungu ja kumi ja mitahe yoshe. Bosi aitangwa zumbe mwe utanda, vikibinda aitangwa zumbe ywa Salemu, ni kuγamba: Zumbe mwe utondolo;

3. Yohana 1:14

miya niyaalila, kuti nezenikuone kinyanyi, tidahetamwilana kanwa kwa kanwa.

Mfumbulo 1:4

Imi Yohana navigondela yaja mabumbangwa mfungate ye mwe shi za Asia: Mbazi imiikaile na mpeho yeanduka kwa yuja mwe haha! Ndiye ai haho kale hoshe, kangi ne ndiye nezealawile. Kangi ianduka kwa waja wantimizi mfungate weγolokela kiti chakwe,