Yohana 2:23 - Kishambala New Testament 2005

²³ Akiikala Yelusalemu mishi ya mviko wa Pasa, wangi wazatozesha zina jakwe wakiona ziya ntangilo, azoγoshola.

Yohana 2:23 ပူးပေါင်းရင်းမြစ်များ

Luka 8:13

Ziya zigwelezo he mawe ni waja wehokela mbulingwa na nyemi wakiiiva, kangi awa nkawana sindo, watozesha mishi miγeke, miya mishi ya kuγezwa wabahuka.

Yohana 11:45

Wayuda wangi waizilewo kwa Maliya wakiona, aγosholevyo, wazamtozesha.

Yohana 2:11

Ichi ni chandilo cha ntangilo, Yesu aγosholecho kuja Kana ya Galileya na kuonyesha, utana wakwe ulivyo; wahina wakwe wazamtozesha.

Yohana 2:13

Pasa ya Wayuda ikibula hehi, Yesu azakwela Yelusalemu.

Yohana 3:2

Uyu azahita kwa Yesu na kilo, azamuti: Mfuzi, tataila kuti: Iwe u mfuzi ulawileye kwa Mulungu; hambu nkakuna mwedaha kuγoshola ziya ntangilo, uzoγoshola iwe, ati nkaanga na Mulungu.

Yohana 4:45

Akibula Galileya, Wagalileya wazamhokela, hambu wazaona vyoshe, aγosholevyo Yelusalemu mishi ya uja mviko; hambu wohe waihitile kwe uja mviko.

Yohana 5:36

Miya imi nilongelwa nwona wekula kuzinka uja wa Yohana; hambu ziya ndima, Tate aninkilezo, nizibontole, zanilongela uwona, kuti Tate azanituma.

Yohana 6:14

Wantu wakiona lwitangilo, aγosholeio, wazaγamba: Kweli uyu ni mteγanyingwa mweunga kuiza mwe inu shi.

Yohana 6:2

Wantu wangi wazamtongela, kwa kuti wazaona ntangilo, aγosholezo na kuhonya watamu.

Yohana 7:31

Miya wantu wangi wazamtozesha angwe: Kilisito ahozaizila neaγoshole ntangilo zekula kuzinka ziya, uyu azoγoshola?

Wagalatiya 5:6

Hambu tikianga na Kilisito, vyetinka nguvu so kushengwa, so kusheshengwa, miya ni mitozesheze yebontoka na kukundishana.

1. Yohana 3:23

Unu ni mlaγilizo wakwe, titozeshe zina ja ṅwanae Yesu Kilisito, tikundishane wenye na wenye, sa avyotilaγiliza.