Yohana 2:19 - Kishambala New Testament 2005

¹⁹ Yesu azawahitula, azawati: Chakulai iji vikilongwa! Nenijizenge mishi mitatu!

Yohana 2:19 ပူးပေါင်းရင်းမြစ်များ

Mateyo 12:40

Hambu sa Yona aikalevyo mwe ifu ja nyama ya bahali mishi mitatu na vilo vitatu, vivyoho ṅwanangwa ywa muntu atazaikala uko ndai mwe shanga mishi mitatu na vilo vitatu.

Mateyo 16:21

Mishi ija Yesu Kilisito azaandiila kuonyesha wahina wakwe, kuti vyamtala kuhita Yelusalemu, alumiziγwe vikulu ni waγolokezi na wavikizi wakulu na watabaluwangwa, mpaka akoṅwe, afufuke mushi wa ntatu.

Mateyo 27:40

Iwe wechakula vikilongwa na kujizenga mishi mitatu, kihonye ṅwenye! Ati u ṅwana Mulungu, sheela mwe muti!

Mateyo 27:63

wazamuti: Tafukila, kuti yuja mwazaγanyi azalonga, ake moyo kuti: Mishi mitatu ikizinka, nitafufuka.

Maliko 14:58

Tizamwiva, akiγamba: Imi nezenichakule iji vikilo jizengiγwejo ni wantu, nizenge tuhu mishi mitatu jishizengiγwejo ni wantu.

Maliko 15:29

Wezinka haja wazamkanka na kumzunguziza mitwi angwe: Kumbe wachakula vikilongwa na kujizenga mishi mitatu!

Maliko 8:31

Azaandiila kuwafuza, kuti vyamtala ṅwanangwa ywa muntu, alumiziγwe vikulu, abentwe ni watawa na wavikizi wakulu na watabaluwangwa, mpaka akoṅwe, miya mishi mitatu ikizinka, atafufuka. Inu mbuli azailonga cha sale.

Yohana 11:25

Yesu amuti: Imi ni ufufuki na nkalamo; mwenitozesha neakalame, hata akifa.

Yohana 5:19

Yesu azawalandula angwe: Kweli namiti: Nkakuna mbuli, ṅwanangwa ayodaha kuγoshola ṅwenye du, ati nkamwene ishe, akiiγoshola; hambu yuja ndivyo aγoshole, ṅwanangwa yohe ataviγoshola vivyoho.

Ntuṅwa 2:24

Miya Mulungu azamfufula, akiusha milumilwe ya kifa, hambu nkavidahikane, yuja akitoziγwa ndicho.

Ntuṅwa 2:32

Uyu Yesu Mulungu azamfufula, kangi ishwi toshe ti waona wa inu mbuli.

Ntuṅwa 3:15

Zumbe ywa nkalamo muzamkoma; Mulungu azamfufula uyu kwa wafilewo, waona ni shwiyo.

Ntuṅwa 3:26

Bosi ni nywiyo, Mulungu afufwilewo ṅwanae, azamtuma, amiṅaze mesho, kangwe kila muntu ahiluke, akileka mbuli zakwe mbada.

Ntuṅwa 6:14

Hambu tizamwiva, akilonga kuti: Yesu ywa Nazaleti nezeachakule aha hantu, ahitule ija misimo, Mose atinkileyo.

Waloma 4:24

miya vigondiγwe hata kwa mbuli ya ishwi teunga kutalwa ivyoho, temtozesha yuja amfufuleye Yesu, Zumbe ywetu, kwa wafilewo,

Waloma 6:4

Vivyoho tiizikiγwe haṅwe naye, kwa kuti tiihatizwe mwe kifa, kangwe ishwi neshwi tiange na nkalamo mpya, sa Kilisito avyoinulwa kwa wafilewo ni utana wa ishe.

Waloma 8:11

Ati mpeho ya yuja, ndiye akimwinula Yesu kwa wafilewo, yaikala uko ndai kwenyu, yuja ndiye akimwinula Kilisito Yesu kwa wafilewo, hata yenyu mili nezeaiuze moyo, ikibanika, kwa kuti mpeho yakwe iikala uko ndai kwenyu.

1. Wakolinto 15:12

Kilisito akibilikilwa kuti: Azafufuka, lushe kwenyu kuṅwe walonga zeze wakiγamba: Ufufuki wa wafilewo nkauho?

Wakolose 2:12

Aho mkibatizwa mzazikwa haṅwe naye, kangi mzafufulwa naye kwa nguvu ya kumtozesha Mulungu amwinuleye kwa wafilewo.

1. Petelo 3:18

Hambu Kilisito yohena azalumiziγwa kaṅwe kwa mbuli ya uhuza wetu, mtanda kwa mbuli ya wahuza, kangwe atiiγale kwa Mulungu; azakoṅwa kiṅwili, miya azafufuka kimpeho.